العسكريه افضل من وظائف السلم العام

التقني هشام · #31 (**permalink**) 09-11-2011, 10:39 AM

لا اخوي انت غلطان .. مو على اي حال دوامك يكون ممتاز وشاي وقهوه

انا مقبول بالامن العام وكيل رقيب .. لكن ابوي رفض مرة .. وكان فيها ابوي رئيس رقباء بعد مو وكيل رقيب لكن كمل دراستة بالجامعه واستقال وصار مدرس ..

المهم ماعلينا .. لكن الي بقولة لك .. ماتدري احيانا العسكري ينكرف كرف مو طبيعي مااحد يتحملة وممكن احيانا يرتاح راحة ويداوم دوام وزراء

عسكري وافتخر · #32 (**permalink**) 09-11-2011, 11:25 PM

اقتباس:

المشاركة الأصلية كتبت بواسطة فتى الحليله

اخي عسكري وافتخر كلامك عين العقل واللي يبي يختصر العمر ويكوون نفسه سريع

العسكريه افضل وف هالوقت الواحد بحاجه للدخل العالي يعني المدنيه اذا راتبك 6000 او حتى 7000 ماتكفسك تستقطع منه شيء تستثمره او تجمع لشراء ارض او تمتلك منزل عكس لما يكون راتبك فوق العشرة الاف الامن العام بعض التخصصات مثل امن الطرق الجندي
او البحث والتحري ابو ثانويه عامه يستلم 7000 الوكيل رقيب مع البدلات يستلم فوق ال10 هذا راتب يناسب السعودي ومتطلباته

بصراحه عني شخصيا اتمنى العسكريه وخصوصا قطعات وزارة الداخليه

بااااارك الله فيك وعلى فكرك الرائع الناضج

عسكري وافتخر · #33 (**permalink**) 09-11-2011, 11:27 PM

اقتباس:

المشاركة الأصلية كتبت بواسطة التقني هشام

لا اخوي انت غلطان .. مو على اي حال دوامك يكون ممتاز وشاي وقهوه

انا مقبول بالامن العام وكيل رقيب .. لكن ابوي رفض مرة .. وكان فيها ابوي رئيس رقباء بعد مو وكيل رقيب لكن كمل دراستة بالجامعه واستقال وصار مدرس ..

المهم ماعلينا .. لكن الي بقولة لك .. ماتدري احيانا العسكري ينكرف كرف مو طبيعي مااحد يتحملة وممكن احيانا يرتاح راحة ويداوم دوام وزراء

وجهة نظرك مرفوضه تماماً وبعض كلامك لايصدق بتاتاً

عسكري وافتخر · #34 (**permalink**) 09-11-2011, 11:32 PM

اقتباس:

المشاركة الأصلية كتبت بواسطة واحد اثنين

السلام عليكم ورحمة الله وبركاته .

ياجماعة الخير وش دخل الكرامه في العمل .؟
كل مكان فيه مشاكل بالعمل وفيها حزازيات لكن انت اللي عليك تأدي عملك وتمشي ما أعتقد ان هذا الشي يهين كرامة الشخص ؟ابد لو مشى في الطريق الصح.. صحيح ان العسكرية مثل السمك الكبير ياكل الصغير بس مو لدرجة اهانة الكرامه بتاتاً ......
نرجع لموضوع الاخ عسكري من ناحية الأفضلية وهذا هو موضوعنا الأساس اللي شعبتوه
من ناحية الراحة اخوي عسكري ... كل القطاعين مرتاحين المدني والعسكري الوظائف الحكومية يسمونها (مزارق طيب) على قول فـلان...
اخوي عسكري كل واحد طفران يفكر ان اهم ماعنده الراتب اللي ينزل بالصراف ولاتزعل مني هذه الحقيقة.
بس ماينظر لبــعدين لكن انا بعطيك المقارنه الأن وقارن على كيفك

..

موظف على المرتبة الخامسة يعادل راتب رقيب ولا تعديلة السنوي اعلى من راتب الرقيب
مو على السادسة اللي تتكلم عنها ياعزيزي ولاتنسى فيه بعض المسميات الوظائف لها بدل

مثلكم يالعسكر انت قلت وجهة نظرك وانا قلت وجهة نظري وفقك الله

وضحت المعادله هذا السلم العسكريين بدون البدلات يعني الاساسي فقط وهو

وشلون لو تم وضع البدلات .................. راح يطلع راتب الجندي اول فني مع البدلات اعلى من راتب المدني الذي على السادسه بفاااااارق كبير جداَ

المدنيين عندهم فقط بدل نقل يتميم.

ملاحظه /// خلال اشهر راح يصدر سلم للعسكريين جديد وراح تشوفوا يعني راح يطلع راتب الجندي الاساسي 4500ريال من غير البدلات وسلم حالياً في المجلس العسكري ينتظر رفعه للمجلس الوزاراء

فكر من جديد · #35 (**permalink**) 12-12-2011, 02:19 PM

ياخي العسكريه حلوه وانت على راس العمل لكن تتقاعد ينزل الراتب ل 2000 ولا 3000 وانت وقتها عندك التزامات كثثثثثير

رحال تبوك · #36 (**permalink**) 12-12-2011, 02:57 PM

@_@ موفق بإذن الله _ لك مني أجمل تحية @_@

الهجوم الكاسر · #37 (**permalink**) 13-12-2011, 02:31 AM

المشكله العسكريه ونعرف نظامها المرمطه ويجي واحد اقدم منك وبنفس الرتبه يجلس يضرب اوامر وماتقدر تفتح فمك... بينما المدنيه حتى مديرك مايقدر وان خربت معه مرره خصم عليك حق يوم ان ماحضرت وان حاضر يبلط البحر مايقدر يسوي حاجه....
بالنسبة للراتب المدرسين فوق 8000 الاف ... والمستشفيات بكالرويس من 8 الى 9 الالف غير البدلات ... وبما اني اخصائي اتكلم عن نفسي اول مربوط يبتدي 8400
ووش جاب لجاب للعسكريه مرمطه وقله حيا وخفارات ....ولا المدنيه فله حجاج وسوالف وسفريات محد يمنعك والاجازه بنفس اليوم تضربها موب عندكم تروح للمرجع ويفكر بعد يصرفها او لا ... غير الحج الي مستحيل تاخذ فيها اجازه....

عاد نرجع للتقاعد الي راتبك يلعبون فيه لعب مايبقى الا ربع الراتب... ياحبيبي ابوي عميد متقاعد وراتبه 17 الف ..اجل الافراد وش نقول عنهم من 5 الى 8 بالكثير بعد... يعني ان ماقدرت تلحق نفسك وانت تعمل ابقى قابلني اذا قدرت بالتقاعد

بينما المدني تقاعده كأنه مداوم والفرق بسيط جدا جدا ........عاد هي ترجع لرغبه كل واحد والي يبي الراحه معروف للمدنيه

وسلامتكم ^_^

ال عاطل · #38 (**permalink**) 13-12-2011, 08:58 AM

[

SIZE="5"]

صادق صادق صادق حبيبي وربي انه العسكريه اصرف من المدنيه

ابوي قبل اربع سنوات تقاعد من الدفع الجوي رتبته رئيس رقبا خدمته 28 سنه صفو له حقوقه قرابة 240000 ريال وراتب التقاعد حقه وقف على 9800 ريال وعلى فكرة شهادة ابوي ثانوية بس

[/SIZE]

فيصل الحريبي · #39 (**permalink**) 13-12-2011, 11:04 AM

عسكري وافتخر والله أنكـ وجعـان
أنا رقيب فني وبفصل وبدخل المدني بالسادسة

والعسكرية ما يعرف خفاياها الا من جربهـــا

أنحـــــش وانفذ بجلدكـ تسلم

غموض الصمت · #40 (**permalink**) 13-12-2011, 12:17 PM

خلاصة الكلام العسكرية فيها فلوس بس يبغالها تعب ومو اي قطاع والمشكله الكبيره في التقاعد
واما المدنيه راحت بال وميزتها بالتقاعد مايروح عليك شي ومافي وظيفة مافيها
ايجابيات وسلبيات وهذي ارزاق من الله

العسكريه افضل من وظائف السلم العام

إستفسارات ونتائج الوظائف المدنية

السلام عليكم ورحمة الله وبركاته يا اخواني الجامعيين من غير الصحيين والتربويون هل تعلم ان رتبة وكيل رقيب فني في الامن العام راتب حوالى 9000وتوجد علاوه...

العسكريه افضل من وظائف السلم العام

تسجيل الدخول

العسكريه افضل من وظائف السلم العام

إستفسارات ونتائج الوظائف المدنية

السلام عليكم ورحمة الله وبركاته يا اخواني الجامعيين من غير الصحيين والتربويون هل تعلم ان رتبة وكيل رقيب فني في الامن العام راتب حوالى 9000وتوجد علاوه...

العسكريه افضل من وظائف السلم العام