السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين


اخواني واخواتي اعضاء منتدى البطاله ابي لديه مؤسسة مقاولات ’’

ويريد ان يفتح قاعة افراح بـ عرعر وخلفها استراحه

واريد ارائكم في هذا المشروع ,, انا طرحت عليه فكره ُ غير مسبوقه في الشمال



هو ان من يـسـتأجر ألقاعة لحفل الزواج نعرض عليه ان يقيم الليله الثانيه واللي هي المسائيه بالاستراحه المجاوره ببـلاش

اريد ارائكم والله يعطيكم الف عافيه ..

وعليكم السلام ورحمة الله وبركاته

مشروع ناجح 100%
ولكن يعود الى مدى حاجة المنطقة لمثل هذا المشروع
كم عدد القاعات المتواجده؟

لازم تكون على مستوى ميزانية المنطقة وقدرتهم


موفقين

مشورع ناجح بـــــإذن الله ..



وبالتوفيق ,,,,

مشروع ناجح ان شاء الله

لاكن حسب احتياج منتطقتكم
حاول تحطه وسط يعني اللي حالتهم متوسطه يقدروا يستأجرونه << كبر قاعدة العملاء
ايضاً استفيدوا من مطبخ القصر ولا تأجرونه بحيث اللي يطبخ له خصم

والله يوفقك ويرزقنا واياك

قاعة أفراح مشروع ممتاز
بس استراحة جنبه ويقيم فيها اشوفه غلط
لأن القاعة دايم ازعاج وقلق وزحمة سيارات وطق وماني عارف ايه
فـ اللي بيروح استراحة بيطفش
قاعة أفراح بسعر كويس ايجارها.. اشوفه مشروع ممتاز جدا

موفق بإذن الله ... لك مني أجمل تحية .

لازم تخلي القاعه بالقرب من القاعات الاخرى عشان الزبون الي ما يلقى حجز يجيك انت وبكذا تستفيد زبائن بشكل مستمر ..

ثانيا لازم تخلي اهلك او وحده من اقاربك تروح تزور القاعات المشهورة بحيث تعطيك فكرة عامه عن قاعة الحريم ومكان جلوس العروسه والزفه كيف شكلها وحاول قدر ما يكون تكون مميز وتقدم كل جديد اول بأول في هالمجال فشوف غيرك وش عنده وقلده في البداية بعدين تميز عنهم .

باختصار الديكور المميز والرائع هو الي يجلب لك الزباين والسعر المتوسط الي مو غالي ولا قليل هم هالاثنين عوامل نجاح مشروعك

ثالثاً القاعه الي تبنيها بمليون والي تبنيها بعشره مليون مو مهم المهم زي ما قالو الشباب ان سعر الليله يتناسب مع الطبقة المتوسطه لأن لو جاك زواجين بالشهر الواحد وسعرك متوسط نقول 20 الف كذا دخلك الشهري 40 الف والسنوي 480 الف تناسب ؟ او سعر الليله 80 الف وكل 3 شهور يجيك زبون واحد ؟

طبعا هذي يحددها مستوى معيشه الي في المنطقة بشكل عام وانصحك يكون سعرك معقول لا تطمع كثير فقليل دائم خير من كثير منقطع .

المشروع ناجح المهم لو تبي تبني الان راح تلحق موسم الزواجات في شهر 6 القادم