السلام عليكم
اخواني انا عندي مشروع قاعد اشتغل عليه الان وقربت اخلص اموري وهوتاجير سيارات
ابي رايكم في اختيار موقع المكتب طبعا المشروع في مدينه الرياض بس ابي افضل مكان صالح انه يكون مقر للمكتب وتحسون انه بيكون الموقع استراتيجي انا افضل في شمال الرياض على طريق الملك عبد العزيز قريب من مدارس المملكه
والاخوان اللي بيذكرون الموقع ليتهم يذكرون اسم الشارع واتمنى انكم ماتبخلون علي لان رايكم بيحدد توجهي
وجزاكم الله خير

السلام عليكم
أخوي أخوياي دايما يستأجرون يروحون الاماكن المعروفه الموجوده فيها مكاتب واجد و أنصحك أنك تحط المكتب على خريص عند المكاتب قبل كبري الخليج وفيه مكان ثاني اللي عند دوار القاعدة الجوية فيه مكاتب وفيه مكاتب شرق الرياض شارع النخيل و فيه عند مخرج 18 وانت متجه غرب تجي المكاتب على يمينك
وممكن ترسل رقم جوالك على الخاص إذا تبي زباين أرسلهم لك
وأي استفسار تعال على الخاص
وشكرا

اعتقد والله اعلم اشهر مكانين في الرياض
اللي على طريق خريص مقابل تقريبا تويوتا
واللي عند دوار القاعدة الجوية

شكرا للاخوان الي قدموا استشاراتهم لي
ولكن اين البقيه من الاعضاء انا طلبت الاستشارة ماطلبت فلوس
يعني لو ابي فزعتكم ماراح تقرون حتى المضووع
ترى كذا والله بيطيح المنتدى من عيني

يالغالي الله يرزقك من واسع فضله
مثل ماقالو الاخوان الي قبلي اشهر
مكااانين الي بطريق خريص قبل كوبري الخليج
ودوار القاعده .
ولافضل انك تكون قريب منهم لان اغلب الناس الي بيستأجرون سيارات
يروحون ويفضلون هالمناااطق والله اعلم بالتووفيق

والله شوف في الغالب تلاقي شركات تاجير السيارات في المطارات بحكم القادمين الى الرياض طبعاً تبي تقولي ماتقدر تفتح مكتب لك في المطار طيب ويش الحل سألتني ويش الحل الحـــــل ياطويل العمر انك تعرف اغلب المراجعين للرياض وين يراجعون وفي اي منطقة وين الأماكن الي يستاجرون فيها سكنهم وافتح فيها لانه بيجيك طالع من مكان المراجعة ويستاجر او في الأغلب يستاجر عند السكن ويسلم السياره اذا انتهت مدة سكنه وفي الغالب الي يجيك من مناطق أخرى يكونون ناس عقلاء كبار لهم هدف ويرجعون لمدنهم بعكس المراهقين اللي يكونون من نفس المدينه اللي فيها المكتب يستاجرون علشان يفحطون مثل اللي تحتي.

لا ياشيخ

^ ^

ووووووين المشوووورة من الاخوان ابي اقل شئ مائه راي علشان اقدر اسوي ترجيح
اما الاخوان الي ردوا اقولهم ماقصرتوا وابشروا بعد الافتتاح بخصومات تبسطكم باذن الله

مشروعك تقليدي لهذا استغرب منك عدم اخذك بنصيحة الاخوان ؟

من الطبيعي لما يكون مشروعك تقليدي ان تكون بجنب غيرك عشان يمشي سوقك لما تبي محل لحالك في منطقة مافيها الا انت لازم تكون مشهور عشان تحط وين ما تبي وانت لسا في البداية فلازم تبدء صح والبداية الصح انك تفتح مكتب جنب مكاتب لأن بيجيك زباينهم الي ما يلقون السيارات الي يبونها وبكذا يمشي شغلك .

انت مستبعد المكان يمكن لكن اكل العيش هو يحكمك فانت زي ما قلت لك في بداية مشوارك مع التجارة فلازم تكون قريب من مكاتب مثلك اولا يجيك منهم زباين وثانيا تستفيد منهم اذا صارت لك مشكلة تستشيرهم وبحكم خبرتهم بيعطونك الحلول فتوكل على الله وافتح بالمكان الي قالولك الاخوان وخلي علاقتك حلوه مع جيرانك من المكاتب عشان تستفيد من خبرتهم يوم تجيك المشاكل .

انا مو من اهل الرياض فاعتذر ما اعرف اي شي في الرياض لكن حبيت انصحك واقولك اصممممممل وافتح هناك وعلى قولة تاجر حضرمي " ألف دكان على باب الرحمن " فلا تخاف ان جنبك كثير مكاتب ان ما بيجيك رزق ؟ الرازق هو الله .

حبذا لو تروح لمنتديات السيارات وتشوف ايش اكثر السيارات المرغوبة في التأجير عشان توفرها .

عندك مكانين معروفين أختر واحد منهم

الاول على طريق خريص
والثاني عند دوار القاعد الجوية

وموفق أن شاء الله