السلام عليكم ورحمة الله وبركاته

انا انسان هوايتي في مجال الكمبيوتر
واصلح وابرمج وافكفك وكل شي وتخصصي اللي درسته شبكات
وعندي شهادة انظمه ( ويندوز ولينكس ) وعندي شهادة صيانة

الحمد لله عندي 5 أجهزة في البيت ما تعرف محلات الصيانة
والشباب الأصدقاء المقربين كذالك اي مشكة عندهم يجون عندي اصلحها

ولاني ما حصلت وظيفة
فكرت افتح محل وأشتغل فيه بنفسي

كل الناس يقولون لي لو تشتغل بنفسك تطلع اضعاف اللي بتآخذه لو توظفت
المطلوب من أصحاب الخبره يفيدوني بالشي هذا

هل محل الكمبيوتر مكسبه حلو ؟؟
وهل بيكون عليه اقبال لو اللي شغال فيه سعودي ؟؟ مع اني واثق من خبرتي
وواثق ان العمال في محلات الكمبيوتر ما يفهمون انا اروح اتناقش معهم ما يفهمون
اي مشكلة حتى لو كانت بسيطه بيقول لك فورمات

وكم بيكلف راس مال ؟؟
ووش البضاعة المطلوبه ؟؟

افيدوني بمعلومات كافية عن هذا المشروع ورايكم فيه
واللي ما يعرف اقل شي يدعيلي دعوة حلوه وله المثل ان شاء الله

وشكرا لكم

أهلين غريق السحاب
ودي اشتغل بمحل علشان اشوف الشغل كيف

بس من اللي بيشغلني
رحت محلات الكمبيوتر الاجانب ماسكينها
كل المحلات
فيه محل كنت اشوف فيه واحد جالس على مكتب لابس ثوب وشماغ
فيه اعتقادي انه سعودي صاحب المحل
يوم سألت العامل قال هذا صاحب المحل يمني

أنا في قرارة نفسي ودي اشتغل في محل
واكون بالصيانه مابي امسك الحسابات

وأصحاب المحلات يرغبون الأجنبي أكثر من السعودي

[align=center][/align] ماعليك خلك جريء ولاتجيه بثوب وشماغ بس خلك جريء قوله ابي اشتغل عندك بألف وميتين ريال صدقني رايح يشغلك.

وقدم على برنامج ريادة الاعمال

لهم موقع على النت شيك عليه

ماشاء الله علييييك اخوي والله يوفقك
شوف أنت بيدك ذهب والله ذهب لو أحسنت إستخدامه .. إذا كنت واثق من خبرتك ترى الشغلة مايبي لها شئ وبسيطه كل اللي تحتاجة محل صغير وحط لك كم شغلة فية من الاكسسوارات وإجلس فية والله بتعين خييير ..

أقول لك قصة ...

فية مدرس حاسب أخذ له دورات بالصيانة والشبكات وفك له محل بمكان أنا يوم شفت المحل والله ضحكت علية وقلت له مو معقوله هذا ماهو موقع لمحل كمبيوتر المهم الرجال ما فكر وكان هو يشتغل بنفسه ويفتح بعد العصر والله كلها عمارتين ويكبر المحل ويخلية كنه شركة ماشاء الله والله يزيده .. الصانة والشبكات فيها غييير وأغلب شغلها الدخل يصل 20000 هذا من غير عقود الصيانة ...

أسف على الإطالة لاكن شدني الموضوووع

مشكورين على اراءكم

الاخ بزنس مان
ما فيه زي اذا اشتغلت بحلالك
انا ابي اعرف التكلفة كم بتكون وكيف المكسب

أنا الآن لا زلت اسوي دراسة هل المشروع ناجح ولا لا ..

جزاك الله خير اخوي سلطان
وكلامك جميل ويحمس الله يعطيك العافية

وخذ راحتك
انا احب اللي يطول في الكلام
كل كلمة في الموضوع هذا بآخذها بجد وافكر فيها
وودي لو ينكتب في 10 صفحات

الله يعطيك العافية وشكرا لك
وان شاء الله اللي بيشتغل بنفسة بيحصل خير
لكن انا ما عندي اي خلفية عن البضاعه كم تكلف ومن وين اجيبها

أولا حدد رغبتك .. هل تنوي فتح محل صيانة فقط أم محل كمبيوتر متكامل صيانة ومبيعات

بالعكس اغلب الزباين اذا شاف السعودي يروح له عشان يدعمه

الله يوفقك