كلام جميل.. انا ملاحظ هالشيء هذا وخصوصا في منتديات بطالة .. نظرة بعض الاعضاء نظرة تشائمية ويعقتد هو الوحيد الـ مبتلى و يتذمر ويتشكى واحيانا والعياذ بالله تاصل فيه للاعتراض على قدر الله ولو سكت وصبر لكان خيرا له ..اسئل الله العلي القدير انا يرزق كافة المسلمين من واسع فضلة وان يغنيييييهم بحلاله عن حرامه

شكرا على الطرح المميز

شكرا لكم اروجوا منكم قول الحقيقة بالكويت او غيرها بالعكس افضل من ناحية الحالة المادية اكيد ولاكن اتمنى من الجميع ان ينصفنا نحن اصحاب شهادات جامعية والقياس راسبين فيه ماهو ذنبنا ندرس 16 سنة وبالاخير يضعون لنا القياس يعني يقيمونا بيوم وينسونا انا درسنا 16 سنة من التعب والجهد الكثير ولاكن هو عذر للوزارة للتخفيف عليهم ؟

موفق بإذن الله ... لك مني أجمل تحية .

لا اليأس مع الحياه ولا الحياة مع اليأس
كلام صحيح خصوصا من يهاجر ويترك اجمل بقعتين على وجه الارض مكة والمدينة
اللي يبتعد عن دينة بيتعب كثيييير

صح لسانك
جزاك الله خير

صح لسانك أختي


والله يجزاك خير عاللي قلتيه من كلام فيه الفايده الكبيره

اولا اشكرك اختي على النصيحه وجزاك الله عنا خير الجزاء

والدين نصيحه

طيب نعلق على كم نقطه ذكرتيها في موضوعك

اختي انسان دارس كم سنه وكل سنه يقول قربت من حلمي ووقت التخرج يستلم الشهاده وابوه او اخوه او قريب له يدور على واسطه عشان يلاقي له وظيفه مناسبه اقلها يعوض على نفسه سنين تعب فيها عشان يحصل على هالشهاده

وبالاخير يجلس بالبيت بين خوماته سنين طويله

طيب بنقول السنين ذي يبحث عن عمل اليما يلاقي شي يناسبه

اكيد بيتجه للقطاع الخاص وهنا القطاع الخاص وللاسف المدير حاقد على البلد وابناء البلد بالرغم من انه مستفيد من هالبلد فاول شي يتم استخدام اسلوب التطفيش للموظف

اختي الفاضله بذكر لك قصه صارت لاحد الزملاء اعرفه

تخرج من جامعة الملك سعود قسم اعلام بتقدير ممتاز وجلس سنه وهو يحاول يعمل في القطاع الحكومي بعدين قلت له ياخي لو لقيت لك شركه توظف فيها وابحث عن الحكومي ماراح يمنع اقلها تتكفل بنفسك بدال صرف ابوك وبالفعل توظف في الشركه

اول ثلاث اشهر عيونه مسؤول موارد بشريه وطلع التعيين فتره بس اليما يرجع المسؤول من الاجازه رجع المسؤول ونزلونه اداري بالشركه فتره سبع اشهر بعدين قالو له فيه شيكات نبي تروح تستلمها راح الاخ على نياته وجاب الشيكات قالو له كويس تعرف خلاص انت المحصل من اليوم وطالع قال طيب كيف انا اداري قالو مافيه مشكله العمل الاداري ينجزه واحد مو لازم ثنين قال اوكي الله يعين صار المحصل للشركه تغيب المعقب الي يجدد الاقامات للشركه وكلفوه يروح يجددها بعدين صار محصل ومعقب اخذ اجازه الاداري صار خوينا اداري ومحصل ومعقب طيب اختي الكريمه لو انا او انتي او اي شخص كان مر بهالمواقف بيصبر بيقول لا لازم اتحمل مايصير اتعقد مايصير اشوف الدنيا سوداويه ؟؟

نرجع لنقطه ذكرتيها عن نفسك وهي الطلاق

للاسف اختي الطلاق بمجتمعنا انا اشبهه بالعمل الاجرامي المسجل في الدوله كلها تؤدي الى نفس المسار الطلاق يسجل في سجل المراءه وكانها نقطه سوداء في هالعائله بمجرد ما ان تطلق تصبح عاهه على العائله ويمكن تتهمش ويتم نسيانها من المجتمع القريب لها

طيب يمكن يكون الطلاق بسبب الرجل يمكن يكون الرجل غير سوي يمكن يكون ماهو قد المسؤوليه فيبعد عن الرجل الشبه وتنسب للمراءه

اختي الطلاق ماهو عيب العيب مابعد الطلاق لو سمعتي ما ينسب لك من اتهامات تدمرتي وانتهيتي حتى لو كنتي قويه بالعكس انا اقول اي انسانه تطلق تدرس تتعلم تثبت مع الوقت بان هالرجل كان عائق لها بالحياه ولما تخلصت منه قدرت تكون في مكانه لم تكن ستصل اليها وهو بالقرب منها

نرجع نقول سلمتي على هالنصائح

تقبلي مروري

السماء لاتمطر ذهب المفروض نسعى
ونحسن الظن بالله ونرضى بالقضاء والقدر
وبكذا بنعيش براحه بال حتى لو كان فيه ظلم
بس الي حاصل العكس تماما ..

المشكلة تكمن في أن الشخص لايومن برزقه
النبي صلى الله عليه وسلم قال (( لو انكم تتوكلون على الله حق توكله لرزقكم كم يرزق الطير تغدوا خماصا وتعودوا بطانا )) هذا اولا

ثانيا من قال إنه لازم انك خريج مثلا محاسبه لازم تصير محاسب
انت عليك السعي والباقي على الله

ثالثا من قالك ان الوظيفة افضل من العمل الحر

رابعا البلد فيها اعمال وتدخل فلوس بالهبل بدون راس مال او راس مال قليل
والدليل الاجانب موجودين وكل يوم يجي فوق ال خمسة الف يوميا من خارج المملكة

انا ماني سعودي . انا من مواليد هذا البلد واعرف ان البلد فيه خير كثير


بس وين الي يبي يشتغل ويترك النوم

انا بعد الصلاة الفجر اشتغل ووالله ماقد لقيت سعودي يصح الفجر يشتغل في اي شغله الا نادرا
الا شفتهم في طريق الدرعية وطريق الثمامة متجمهرين مع التفحطيط

اليوم اعجبني مشهد رايته في سوق التمر بعتيقة شباب والظاهر انهم يشترون محصول التمر من المزارع ويجون يبعيون في السوق

جاء اليوم شاب ماشاء الله معه تمر واجد معه جمس اخر موديل ومعبيه فل سطول تمر ماشاء الله باع على عشرين ريال للصطل مع العلم يمكن ما اخذ معه بيعها تقريبا الساعتين

تدرون انهم يدخلون باليوم فوق اللفين ريال صافي ربح


ياعالم اتركو التأفف والنظره السوداويه وانزلو للسوق وخالطو الناس واعرفو كيف يبيعون ويشترون وكيف يترزقون
وتوكل على ربك

وصاحبة الموضوع جزاها الله خيرا ماقصرت جابت الصدق

جزاك الله خير

يعطيك العافيه ام نوراا .. فديت نورا ااناااه