ابي اعرف ليه كثير في المنتدى ينظر الى الدنيا أنها سوداء وما فيها بصيص امل أخواتي أخواني الاعزاء الاخت الي تبي تهاجر لا وبعد ما تقطع نفسها يعني شالفايدة من الهجرة وهي معطوبة بصراحة مع احترامي وما قلت هذا الكلام كنوع من الاستهزاء بمصابها بالعكس والله الذي لا إله إلا هو جاني من الهموم مالله بها عالم انا ام لطفلين كان منهم واحد تعبان بس شفاه لي ربي والحمد لله انهوانا مطلقة والى الان ودايم اقول الطلاق كان لي نعمة من الله مش نقمة رغم ظروفي كانت تجينيا ايام واسال الله الفرج
هنا انا مو جاية اتكلم عن ظروفي ابي اساعد بالي اقدر الي الحين في ظروف سية مش هقول هعطي المال باعطي شيء اهم من المال
اولا شنو سبب النظرة المسودة
عدم وجود وظيفة براتب يكفيك الله يعينك
طيب الله سبحانة وتعالى قال من يتوكل على الله فهو حسبه ويرزقه من حيث لا يحتسب
وكانو الصحابة الى هم افضل الخلق بعد رسول الله كانو يسالون الله الملح وهذا المطلوب من عباد الله
بس هذا مو كل شي لان الله بعد قال اسعى يا عبد وانا اسعى معاك الوظيفه مو كل شيء الاعمال الحرة والمتاجر الصغيرة مثل البقالات والمحلات الثانية والله انها بدخل ذهب للي بيداري حلاله انا مثلا في واحد سعودي فاتح بقالة عندنا وما شاء الله علية صارة كبيرة شبة سبرماركت صغيرة
لانه واقف فيها مو مخليها للهندود وغيرهم يصول ويجول بحلاله وهو ما يدري عه
وهذا مثال بسيط حبيت اطرحة والكل يقدر يسوي زية ويزاول مهنة حرفية في اي مكان واذا كان مش فالحفيها يتدرب عليها تعلم المهن ما يضر بالعكس ممكن تكون المهنة بسيطة بعينك بس هي كبيرة ومفيدة مرة للي يزاولها ولي محتاجها وهذا افضل بديل للوظائف بالحكومة والشركات
وغيرها من المهن والافكار
كل عمل يغنيك عن سؤال الناس فهو عز ولا تنسون قول رسول الله افضل طعام ياكله ابن ادم هو من كسب يده ) لا تواخذوني يمكن كتبته خطا
الابداع بمهنة معينة مكسب كبير لكل واحد ويمكن يستغلها لتكون مصدر رزق له او لها ان شاء الله
بالتوفيق للجميع والله يبعد النظرات السوداوية عن الجميل ويملي الجميل بالامل البناء
وتقبلو مروري

شـكرا على النصيحة ... لك مني أجمل تحية .

يعطيك العافيه نصيحه جميله جدا هذا المفروض يصير تحياتي لك

والله يبعد النظرات السوداوية < الله يعطيك العافيه ع النصائحه بس ان شاء الله الشباب والفتيات فيهم الخير والبركة

شكرا على النصيحه
لاكن احنا نطالب بحق من حقوقنا وبالنسبه للتجاره مو الكل عنده القدره المعنويه لها
واحنا اصحاب الشهادات الاوليه لنا في التوظيف .. كان من البدايه لو الشخص له رغبه في التجاره ليش يدرس تخصصات في الجامعه ويتعب نفسه وجهد واخرها يفتح بقاله والله مشكله ...
الله يعين

انا مو قصدي افتح بقالة بس انا اعطيت مثل والي اقصدة انك اذا ما لقيت الوظيفة الي تبيها تقعد بالبيت تندب حظك ولا تشتغل شغل ثاني والمشاريع كثيرة مو لازم مهنة صغيرة وانشاء الله تنال الي في بالك انت وغيرك بس لو سويت فكرتي ونجحت صدقني بعدين بتقول شي ثاني

بصراحه عجبني كلامك الجميل واللي هو بدون شك يدعو للتفاؤل بالحياهـ
انا معك بكل كلمة قلتيها
البعض ينظر لبعض الامور حتى لو ماتحقق له اللي يبيه او تقفل بوجهه احد الامور ان الدنيا خلاص مافيها خير او او او
مايدري ان الله كاتب له الخير وافضل من الامر اللي كان يبيه محد يعلم الغيب غير علام الغيووب

باختصار اقول كما قال رسول الله ‏ ‏صلى الله عليه وسلم ‏ ‏: " ‏ ‏لو أنكم توكلتم على الله حق توكله لرزقكم كما يرزقالطير ‏ ‏تغدو ‏ ‏خماصا ‏ ‏وتروح ‏ ‏بطانا ‏ "

صح لسانك وصلت معلومة ما عرف اوصلها لاخواني وخواتي بالمنتدى