ياجماعه انا فتحت محل دهانات ولاكن ماقدرت اضبط الحسابات لان فيه بضاعه تنباع
وبضاعه تسترجع وبضاعه تنزل جديده ونا خايف لايكون العامل يسرق علما بان البضاعه
تنقس كل يوم وبدون اني اخذ ولاريال ولسالت العامل قال اناسدد التجار والبضاعه ماتزيد
ولاقدرت احسب كيف اضبط الحسابات ارجو المساعده

الي فات مات اخوي

ابتدي من جديد اجرد البضاعة الموجودة حاليا كلها

وسجلها في دفتر وخلي البائع يسجل كل حاجة تدخل وتخرج وبكذا راح تعرف كل شي

فيه اخوي جــهاز على ما اظن اسمه الباركود او شي زي كذا ..يمكن يفيدك ..وانصحك انك تتعامل بالكمبيوتر.


وبالتوفـــــــــيق ,,,

ردو ياجماعه محتاج خبرتكم

بما انك مبتدي جيب دفتر كبير حق السجلات تلقاه بالمكتبات الكبرى دفتر كبير وقلم ابو ريال وادخل المحل أجرد كل العلب الموجوده وكل الادوات وسجلها وسوي صفحات سميها المبيعات ، المشتروات ، المرتجع وسجل في كل صفحة بالارقام واسم كل شي موجود داخل المحل .

وسوي جداول اسبوعية الاسبوع الاول ، الاسبوع الثاني وتكتب فيه كم بعت في كل يوم وسوي جرد اسبوعي تقارن بين الموجود وبين المتسجل كم كان فيه من اصول في بداية الاسبوع فرضا فيه 20 برميل كبير و 30 علبه صغيره و 15 فرشاه وهكذا انباع منها كذا وكذا وتم شراء كذا وكذا وتقارن بالموجود وبالفلوس وأي نقص = العامل يسرق

بعد ما تسوي كل هذي قول للعامل اذا لقيت نقص ببصمك واسفرك خروج نهائي وفي كبري العمال بدل العامل 100 اجيب غيرك وخلك حازم في هالموضوع ودقق في كل صغيرة وكبيرة ففي النهاية هذا مشروعك مو مشروع العامل واذا انت ما دققت الربح كله في جيب العامل .

طبعا لو البرنامج غالي اصبر في البداية لين من دخل المحل تجيب البرنامج وخلي المحل يصرف على نفسه من دخل المحل يعني الي تبيعه اشتري فيه يعني اعرف كم ربحت انت لكن لا تصرف الربح خليه في المحل يزيد ويزيد وحاول تكون علاقات مع الي عندهم نفس المجال تعرف على خبراتهم وتتقاول مع مؤسسات مقاولة مختصه بالدهان تورد لهم خاصه الي يمسكون ترميم الدوائر الحكومية والمباني والعمارات القديمة