تسجيل الدخول
|
|||||||
تأسس الموقع عام
2006
Site was established in 2006
|
|||||||
| قسم مشاريع وأفكار ممنوع مواضيع المساهمات او المشاركة |
| أضف رد |
|
|
LinkBack | أدوات الموضوع | انواع عرض الموضوع |
11-11-2011, 02:07 AM
|
|||
|
|||
|
خطوات فتح اي محل من مجرب تنبيه هام لمن يرغب بفتح مغسلة سيارات &ومشــــورتــكــم
بسم الله الرحمن الرحيم السلام عليكم ورحمة الله وبركاته لدي 3 مشاريع محتار بينهن حيرة عظيمة ولا ادري من ايهن ابداء لكن ابعرضهن عليكم للتصويت وابداء الراي واسباب نجاح واخرى فشل 1) مطبعة كاملة ويبي لها راس مال اقل شي 500 الف كبداية فقط ولا املك عنها اي معلومة  2) مركز غسيل متكامل 5 نجوم غسيل ملابس وسجاد وكذلك توصيل من والى المنازل وسيارة مجهزة لغسيل الستائر والكنب داخل المنازل تكلفة المشروع التقريبية 150 الف 3مركز عصيرات 5 نجوم مثل 50 فاكهة اللي بمخرج 9 (ع فكرة ماني من اهل الرياض عشان مايزعل علينا راعيه  ) تكلفته مع الاجار 100 الف ان كثرت[glow=00FF00]راس المال مقدور عليه والحمد لله [/glow] يااخوووووووووان اللي عنده اي معلومة او راي لا يبخل فيه فقد يكون نجاح المشروع على الله ثم على رأي او معلومة [read] اما موضوع كيفية البداية باي محل تفضلووووا هذا شرح للتجربتي لين فتحت محلي الاول وهو شغال والحمد لله رب العالمين [/read] اسمع طال عمرك اول شي تسويه الاتي * استاجر المحل بعدين اقمز للبلدية وقدم على رخصة المحل وهم يطلبون الاتي (صورة عقد الاجار صورة البطاقة وصورة الوكالة اذا كنت وكيل عن صاحب المحل يعني مو باسمك وتسديد الرسوم طبعا وتكون لوحة المحل راكبه ومجهز من الداخل مثلا محللك مغسلة ملابس مثلا لابد يكون المحل جاهز راكب فيه كل شي واهمها اللوحة *بعد ما تطلع الرخصة معاينة مراقب البلدية للموقع ومن ثم صدور رخصة المحل جهز اوراقك الاتية للحصول على التاشيرات الفيز (( رخصة البلدية مع صورتين لها + اشتراك بالغرفة التجارية +ختم باسم المحل تسويه عند اي خطاط +برنت من الاحوال يثبت ان اللي باسمه المحل مو موظف +برنت من الجوزات +برنت من المرور عشان المخالفات + شهادة معاينة من مكتب العمل تثبت ان المحل قائم على ارض الواقع +تسديد عدد التاشيرات المطلوبه كل تاشيره سعرها 2000 ريال+وتعبئة الاستمارة اللي بمكتب العمل وتكتب فيها وش مهنة العمال اللي تبي تجيبهم وكم عددهم وش جنسيتهم انتبه الهنود ما يعطونك اكثر من 50% يعني انت مقدم اربع هنود ماراح يعطونك الا ثنين بس والباقي جنسية مختلفة )) جميع هذا الاوراق تقدم لمكتب العمل واذا كان اللي بتقدم عليهم اكثر من 3 عمال لابد من وجود سجل تجاري((موظف قال 3 عمال لازم سجل ونا شاك بكلامه ترى)) *واقعد لك حوالي شهر تصدر التاشيرات وشهر ونصف يجونك عمالك هذا اذا انت مرتب معهم ولا راح تطق 3 الى 4 شهور ونت تدور الله يعينك * ولاتنسى التفويض الالكتروني تسويه لعمالك بعد صدور تاشيراتك * من تقديمك لرخصة المحل لين ياصلون عمالك يبي لك من 3 شهرو لأربعة اشهر اما اذا ما تدري من تبي تجيب 8 شهور مافيها منه لين تفتح محلك نصيحة قم با البحث عن العمال اللي تبي ورتب معهم وخذ الضوء الاخضر قبل ما تتورط وتستاجر وتسوي ديكورات وبا النهاية ما جيك احد وتروح فلوسك خساير بعد مايجونك عمالك لا تستعجل وطلع اقاماتهم انتظر شهرين ونص لين تشوف وش انت عليه وبعدها توكل على الله وطلع الاقامات لهم وخلها سنتين اقل تكلفه من سنه عشان التامين والخربطة سنتين وريح بالك انــــــتــــــبه رجـــاء (( مغسلة السيارات ومعدات غير الزيوت لازم تكون بمحطة بنزين واذا على الشارع مو داخل محطة يبي لها واااااااااااسطة عشان تطلع الرخصة ولو طلعت الرخصة واشتكى جارك اقصد بالجار اللي ساكن ملاصق للموقع ترى يطلعونك من الموقع لان الاصل في المخططات سكن ام اذا في مخطط صناعي الظاهر مافيه مشاكل )) يالربع كل ما اعلمه ومامر على من تجربة نقلته لكم فلا تبخلوا على اخوكم بدعوة صادقة وراي والله يوفق الجميع
|
|
11-11-2011, 02:29 AM
|
|||
|
|||
|
الله يجزاك خير
|
|
11-11-2011, 02:46 AM
|
|||
|
|||
|
الله يجزاكـ عنا الف خير
|
|
11-11-2011, 06:27 AM
|
|||
|
|||
|
الله يوفقنا وياك
|
|
11-11-2011, 12:28 PM
|
||||
|
||||
|
بالتوفيق
|
|
13-11-2011, 11:48 PM
|
|||
|
|||
|
ركز في مشروع واحد فقط ؛ تتعلم منه كل شي ؛؛ واذا توفقت راح يكون عندك خبره كافيه تدير اكثر من مشروع في وقت واحد
|
|
14-11-2011, 12:33 AM
|
|||
|
|||
|
أخوي ممكن تفيدني في المشروع هذا وأكون شاكر لك ؟؟
|
| أضف رد |
|
(( لا تنسى ذكر الله )) |
|
|
|
|
العرض العادي
