مقابلة سلاح النقل بحفر الباطن

حبردي · #1 (**permalink**) 11-11-2011, 09:27 PM

اخوتي نرجو ممن اجرى مقابلة في سلاح النقل بحفر الباطن بداية من غدا

ان يذكر ما جرى له بالتفصيل الممل حتى نستفيد نحن وغيرنا من ذلك

وكتب الله اجركم ووفقكم الله

غريب الحياه · #2 (**permalink**) 11-11-2011, 09:43 PM

سبق وان طرحت موضوع خاص بكل ما جرى لي في الجيش في حفر الباطن سلاح النقل ..
وهذا هو الموضوع
7
7

اقتباس:

السلام عليكم ورحمة الله وبركاته وبعد
اقدم لكم رحلتي إلى الجيش وهي ...
تم الحجز على متن الطائره (سيارتي) طبعاً المتوجهه من احدى قرى الطائف إلى الشمال (حفر الباطن) على بعد 1000كيلو تقريباً
المهم مشيت من الديره الساعه 10 صباحاً يوم الجمعه مسكت خط الرياض السرعه 160ك تم الوصول إلى الرياض تقريباً الساعه 3:00 عصراً بعدها خط حفر الباطن مروراً بالمجمعه لأن مفرق الحفر في المجمعه
تم رفع السرعه إلى 170ك المهم وصلت إلى مفرق مدينة الملك خالد وهي تبعد عن الحفر تقريباً 50كيلو
الساعه 8:00م تعشيت واستاجرت غرفه المهم يوم جات الساعه 6:00صباحاً يوم السبت وانا محظر عند البوابه حقت القبول والتسجيل دخلونا واخذو اسامينا وطابقو المعلومات عندهم العدد تقريباً 30 طالب المهم اخذونا في باص إلى المستوصف داخل المدينه العسكريه وتعال شوف النصائح الموجهه لي لأن شهادتي الثانويه مايبغوني اسجل في الجيش طبعاً مع المندوب محماس الروقي رجال اخلاق وطيب يستاهل المهم دخلنا المستوصف واخذو الفحوصات دم وبول ولكم الكرامه والاسنان والنفسيه والباطنيه والبتاع احم احم والعيون طبعاً قالو لي عندك عمى أللوان قلت ماجبتو شيء جديد وانا وش حادني على الجيش غير عمى الألوان يمين يسار مانفع معهم الكلام خيره ان شاء الله المهم خلصنا الساعه 12:30الظهر ركبنا الباص ورحنا للمستشفى داخل المدنيه العسكريه واخذو الاشاعه وفحص العضام وخلصنا من عندهم الساعه 3:00 العصر تقريباً رحنا للقبول والتسجيل واخذنا مواعيد تسليم الاوراق العمده والبصامات إلخ...
وامس الاحد وأروح للبصامات في حفر الباطن وابصم وألقاء واحد حربي نسيت اسمه المهم استلمني نصائح يقول الامن افضل لك جزاه الله خير بصمت عندهم ومشت وديركت للديره على طول ....

تنبيه : انا معاي رخصه عمومي نقل ثقيل ومقدم على الجيش سلاح النقل سواق لذلك يوجد اختبار عمى أللوان...
تنبيه : يوجد ناس مقدمين على الدفاع الجوي في الحفر وراجعو معنا في المستشفى وعددهم ماهو واجد...

وفي الاخير الجيش يبي يحولوني إلى مراسل أو كاتب لذلك انا سحبت عليهم والرزق على الله ....

هانيبال ليكتر · #3 (**permalink**) 12-11-2011, 12:28 AM

ابشر والله انا بكره موعدي .

حمودي الروقي · #4 (**permalink**) 12-11-2011, 03:10 PM

الله يوفقك ياغريب الحياه

حبردي · #5 (**permalink**) 12-11-2011, 09:01 PM

اهم شيء الي ياخذ النظر سعودى والا لا

غريب الحياه · #6 (**permalink**) 12-11-2011, 10:42 PM

اقتباس:

المشاركة الأصلية كتبت بواسطة حبردي

اهم شيء الي ياخذ النظر سعودى والا لا

لا هندي أو باكستاني

هانيبال ليكتر · #7 (**permalink**) 13-11-2011, 03:23 AM

احم احم انا جيت مع اني تعباااااااااان اليوووم من النفسيه ههههههه
المهم ما ودي اثقل عليكم بقول اللي عندي وصلت 7 ونص عند مكتب التجنيد دخلت قال العسكري بطاقه عطيته شاف اسمي من ضمن الكشف دخلت قالي وين تبي البصمات قلت الحفر المهم جاء عسكري يقول الباص راح يجي وتركبون ع المستشفى ركبنا ومعانا المندوب الزاحف جمال الروقي المهم توكلنا وعلى المستشفى وصلنا اول شي ينادون بالاسماء اللي عندهم كشف وياخذون بطاقه الاحوال وتكون عند المندوووب طبعا بالدور اسم اسم تروح اخر مكتب ويقولك جهز الصور 3 وتروح يدبسها بروقه ويقولك اول شي تروح للطول والوزن طبعا سعودي ممرض يقيسك
وبعدها بكيفك تبي تخلص العظام الجراحي الباطني النفسيه المختبر الاشعاعي اخر شي المهم خلصنا من كل الفحوصات الا النفسيه كان يأخرنا يجلس معاك 5 دقايق الى 6 دقايق المهم يأخرك ما طلعنا الا 12 ونص او 11 طبعا النظر يفحصك مصري العظام مصري جراح وباطنيه باكستاني النفسيه مصري مختبر سعودي ومعاه هندي اما الفحص الاشعاعي يحولونك ع المستشفى الكبير ويفحصك او يصور اشعتك فلبيني بس ع الاستقبال سعوديين المهم خلصنا والكل توجه الى مكتب التجنيد طلعت اسماء معلقه ع الجدار اسماء المواعيد والوقت متى تخلص من الادله والعمده والاحوال انا طلع موعدي 9/1 احضر هناك واخلص اوراقي
اوراق العمده كل ورقه تصورها ورقتين فقط اما شهايدك كل شهاده 3 صور ثانويه 3 صور حسن سيره وسلوك 3 صور بطاقه 3 صور وتجيب شهايدك الاساسيه عشان يطابقونها مع المصوره . وهذا يومنا بالفحص بالتفصيل الممل .
ارجوا لكم ولي التووفيق والنجاح الدايم يارب ودعواتكم لي . والسلالام عليكم .