بسم الله والصلاة والسلام على رسول الله وبعد ,

اخواني الكرام : كل عام وانتم بخير جميعاً ,

سبق وقمت بالامامة في مساجد وجوامع عده بالرياض لمدة 5 سنوات ( صلاة التراويح والتهجد وفروض) وفي الاخير كنت على وشك للحصول على مسجد رسمي ( لجميع الفروض ) ولكن في احد الايام عند الذهاب اليه لاداء صلاة المغرب تعرضت لحادث مروري وتركته ,

والان رعاكم الله جميعاً اني ابحث عن مسجد ( رسمي .امامة فقط ) بالرياض عليه سكن حتى اكون قريب من المسجد والكل يعرف زحمات الرياض

الاحياء المرغوبه ( حي عكاظ - حي الشفا - حي البديعه - حي السويدي - حي شبرا - حي لبن - حي الروضه - حي الربوه - احياء بشمال الرياض )

الاحياء الغير مرغوبه ( حي العزيزيه - عند حراج بن قاسم - البطحاء - عند الديرة - الدار البيضاء - حي الفواز )

تلاوتي بالقران الكريم ممتازة ولله الحمد وبدون اخطاء والتجويد عندي جيد والحفظ عندي جيد , واما عن الصوت وطريقة الترتيل فاني أحاكي طريقة ترتيل الشيخ علي جابر الله يرحمه بالحرم المكي وكثير الاستماع له وقد حفظت على صوته الشيئ الكثير والحمدلله

العمر : 25

الحالة الاجتماعية : اعزب + بإذن الله بخطب قريب لاني ابحث لي فترة على بنت الحلال ومالقيت المناسب < دعواتكم بس

المهنة : طالب جامعي , كلية الشريعه

فمن سمع او يخبر او يعلم عن مسجد يحتاج لامام وعليه سكن في احد الاحياء المرغوبه والمذكوره لكم في الاعلى فعليه مراسلتي جزاه الله خير هنا على الخاص او الكتابة هنا على العام

الله يوفقك انشاء الله
لاكن لو تروح لادارة الاوقاف شؤون المساجد راح يفيدونك اكثر
بالتوفيق

تبغى براتب ولا بدون راتب

*=== (( ما يلفظ من قول إلا لديه رقيب عتيد )) ===*

*=== (( ما يلفظ من قول إلا لديه رقيب عتيد )) ===*

عسى يكتب لك الصالح في القول والعمل والنسب والذرية

هذا حقك علينا الدعاء

والله يوفقنا وياك

الله يحفظك ياخوي ويغفر لوالديك ماقصرت بيض الله وجهك

الله يرزقك ويفتح لك ابواب الخير

الله يحفظك ويجزاك خير على دعائك الطيب