السلام عليكم ورحمة الله وبركاته

كيفكم ياخواني انشاء الله بخير

اخواني بغيت استفسر عن حاجه

فيه معهد بالرياض عنده دبلوم شبكات سيسكو المعهد اهلي

سنتين ونصف ع مأضن

وسئلت موضف في المعهد يقول تاخذ الدبلوم من عندنا وتقدر تكمل البكالريوس بجامعات خارج المملكة معتمده من التعليم العالي

محتار انا

ودي ادخل المعهد هاذا او اكمل الجامعة انتساب


ارجو الرد جزاكم الله خير

ودي وتقديري

قصدي ياخواني ماهو الافضل

ماهي الشهادة الاقوى ؟

الانتساب بالجامعة

او

اخذ دبلوم شبكات وتكلمة البكالريوس خارج المملكه

ارجو الرد جزاكم الله خير

اذا انت حق دراسة ومستعد تتحمل الغربه وصعوبة الدراسة بالخارج
بعد ماتتاكد ان هالمعهد كلامه صح وثقه وانو اكيد حتكمل دراسه بعد ماتخلص هالسنتين

انا اقول ساااااااااااااااااااااااااااافر وخذ لغة قويه وشهاده قوويه

اذا انت مو واثق بكلام المعهد آو ... نَفَسَك مو طويل بالدراسه

خلك ع الانتساب *_*

الله لايهينك ياخوي نشوف الاخوان

اذا تبي نصيحتي ابعد عن تخصص الحاسب

تخصص ميت في السعوديه ولا له مستقبل ... لان ماحد يطلبه الراتب عالي فوق 10 الاف .. فيه فلبيني بـ 2000 يقوم بدورك

هذا احنا معنا بكالوريوس حاسب .. ولغه .. وشهادات مايكروسوفت مهندس شبكات .. وشهادات سيسكو

ومع كذا موظف في مجال لا يمت للحاسب بأي صله

وأسال اي خريج حاسب يجاوبك كم سنه عاطل !!!

موفق بإذن الله ... لك مني أجمل تحية .

يعطيك العافيه ياخوي مايكروسفت طيب وش التخصصات اللي تنصحني فيها

البكالريوس اللي اقصده انا شبكات سيسكو
غريبه تخصص الشبكات ماهو قوي

ياغالي في الغرب يعتمدون جميع الشهادات ...

السلام عليكم
اخوي الكريم بداية مع احترامي الشديد للأخ مايكروسوفت أقول تخصص الحاسب الآلي تخصص مهم ومطلوب
ولي صديق يحمل مؤهل دبلوم ويستلم راتب فوق 8000 واعرف شخص مؤهله بكالوريوس يستلم 15000
بالنسبة لك اخوي كيمو انا اعرف معهد نيوهورايزن يقدم هذا الدبلوم اللي هو شبكات سيسكو ولكن ماخبر انه فيه مجال تكمل بكالوريوس وعموما اذا فيه وفعلا هم جادين فهذا خير وبركة واحب اقولك امر مهم جدا أن تخصص الاتصالات والمقصود بكالوريوس هندسة اتصالات تخصص مطلوب ونادر فاذا استطعت تكملة البكالوريوس بحيث تتخصص في مسار الاتصالات فهذا راح يكون خير لك باذن الله أما اذا قررت الدخول منتسب فأنا أفضل انك تجتهد في دراستك في أول سنة دراسية لك وتجيب معدل فوق 4 حتى تكمل منتظم لأن الانتظام افضل بكثير وعلى كل حال البكالوريوس افضل حتى وان كان نظري يعني باختصار شديد اذا الدبلوم بيخليك تكمل بكالوريوس توكل على الله اذا مافيه الا دبلوم أنا افضل انك تنتسب وتحاول انك تنتظم بعد فترة.
اسف على الإطالة وبالتوفيق

[align=center]السلام عليكم ورحمة الله وبركاتة

اخوي الكريم كيمو ليمو الفاضل

مع احترامي وتقديري للاخ مايكروسوفت على نقطتة للتصحيح اول شي اخوي الكريم مايكروسوفت اول شي اقول شهادة الحاسب واللغة الانجليزية مع احترامي لك من يقول انك مااحد يتوظف فيها وظيفتك مثل سلام عليكم في نقص بالسعودية حاسب تقريبا 80% واللغةالانجليزية 90% انا معي شهادة بكالوريوس ادارة صحية
وطالبين على حاسب ولله الحمد اخذته وموظف وافكر اني ادرس شبكات حاسب بكالوريوس بس بعد ماانتهي من الماجستير
واشكر اخوي سفير الخليج على نقاشه معنا الموضوع بكل صراحه

اخوي كيمو فعلا على كلام احد الزملاء بالموسسة العامة تم اعتماد معادلة الدبلوم ب الشهادة الجامعية بمسمى بكالوريوس ويمكن انا اكمل دارستي بمعادلة شهادة الدبلوم اللي معي

اخوي كيمو لك رسالة على الخاص




[/align]