أنتبهوا ترى الرز.. ((( مغشوش )))

abadi77 · #1 (**permalink**) 02-02-2008, 10:31 PM

السلام عليكم

طبعاً يا جماعة منهو السعودي اللي ما ياكل رز ؟؟؟

هذا سعودي تقليد

عموماً طلعت يوم من الأيام إلى أحد السوبرماركت الفخمات تعرفون وش أقصد

قلت على كم هالرز يا ولد ( رز الوليمة )

قال بستين تريل ( ريال ) العشرة كيلو

قلت الله يخلف خلينا .. يامرة خلينا ناخذ لنا واحد

قلت لها تصدقين ماعمرنا وزنا هالرز مكتوب عليه عشرة كيلوا

ومن باب الفضول والله وأقوم وألقط خيشة الرز ( 10 كيلو )
وأذبها على الميزان الإلكتروني وأطالع وأطالع

9.4 كيلوا عمى وش السالفة

وآخذ الكيسة الثانية ونفس الحكاية

الله يخلف تدفع أكثر وتاخذ أقل

تكفون ياجماعة جربوووووووها
وقولو هاك الرجال صادق

(( إلى وزير التجارة شكراً لحرصك الشديد على المواطنين ))

زيدان · #2 (**permalink**) 03-02-2008, 01:42 AM

علبة النيدو الكبيره شريتها يوم فتحتها مالقيت فيها الا ثلاثه ارباعها ...

خلها على الله بس ...

وانا بعد احيي وزير التجاره على حرصه اللا متناهي ..

بسكويتة · #3 (**permalink**) 03-02-2008, 01:44 AM

الا على سيرة النيدو قبل كانت بتسعة و ثلاثين
الان بثمانية و خمسين ريال >> شفت الفرق يا زيدان
الله يعطيكم العافية

المستشاره · #4 (**permalink**) 03-02-2008, 01:53 AM

من يسمعكم...

الفله · #5 (**permalink**) 03-02-2008, 01:56 AM

الله المستعان

جانيت · #6 (**permalink**) 03-02-2008, 02:03 AM

واللـــــــه ياليتـها جات على
الـ 0.6 بـس..
كل واحـد يلعـب على قــدهـ..!!

عاطلة منذو مبطي · #7 (**permalink**) 03-02-2008, 02:18 AM

حتى كريمات التجميل لما جيت اشتري كريم كل مره اشتريه 160 لما جيت ادفع الفلوس قال 169 قلت ليه انا كل مره اخذه بنفس السعر قال وهو يبتسم الاسعار ارتفعت لازم نرفع اسعارنا ...... والله قهررررر

ونا ايضاَ اقدم شكري لوزير التجاره

ايه احبك · #8 (**permalink**) 03-02-2008, 03:15 AM

اوه لا تعليق

كــــــــــــــــــــــــانت هنـــــــــــــــــــــــا

ايه احبك

*مشـK.S.Aــمشــ* · #9 (**permalink**) 03-02-2008, 09:04 AM

ياشباب كل المنتجات نفس الطريقهـ

شفوا ادوات التنظيف وغيرة من جميع الانوااع

الفجر المشرق · #10 (**permalink**) 03-02-2008, 02:28 PM

السلام عليكم
انتم مساكين ماتدرون
هذا الله يسلمكم وزير التجارة
خايف على الشعب السعودي
من الامراض مثل الكلسترول
انتم ما تقدرون ياخي جهود الوزير
الله يخليه للتجارة
ههههههههههههههههههههههههههههههههههههههههههه
لاتصدقون