مساء الخير للبنات والشباب اليوم انا اتصلت على ديوان الخدمة في الرياض وسالت الموظف عن نقاطي وترتيبي قالي انتي مستبعده قالت له كيف مستبعده قال انتي مختاره مفاضلتين تعليمي وغير تعليمي
قلت له ايه انا مختاره الجميع قالي يااختي النظام هنا مستبعدك لازم تخنارين مفاضلة وحده اما تعليمي او غير تعليمي انا وقتها خنقتني البكوه قلت له طيب ايش اسوي قال عدلي وحددي مفاضلة وحده اذا تبغين تدخلين المفاضلة اما تختارين الاثنين النظام راح يستبعدك
قلت له ليش طيب حاطين الجميع قال انا اقولك اللي قدامي فلانه بنت فلان مستبعده هذا النظام وهذا اللي عندي .

سالته طيب متى راح تعلنون الاسماء ؟
قال النسائية التعليمية خلال هذا الشهر وراح ينزل عدد كبير من الارقام
والغير تعليمية النسائية ماندري عنها

______________________________________

خلاصة الكلام انا نزلت الموضوع هذا عشان ماتتورطون زيي ورب هذا اليوم وهذا الشهر انه هذا اللي صار معي لازم يابنات تحددون مفاضلة وحده
انا اسمع بنات كثير يقولون عندنا خبره ودورات وجابيبين معدل وماتعينا اتاري النظام يحدد بمفاضله وحده
نصيحة مني اللي تبغى يكون لها نصيب من التعيينات اللي خلال هذا الشهر تروح فورا تحدد مفاضلة وحده لها .

أنا قلت اللي عندي واللي صار معي بدون زيادة ولا نقصان ويشهد الله اني مانزلت هذا الموضوع الا نصيحه لكم اللي بتاخذ فيها تنفع نفسها واللي بتطنشها فهي حره .
لكن اذا نزلت التعيينات وماطلعت اساميكم تقولون واسطات خاصة اذا عينوا بنات اقل منكم في النقاط لان هذا نظام الكمبيوتر انا كنت كل ماتنزل اسماء ادور فيها اسمي واذا مالقيته قعدت ابكي ومدري وش خلاني اليوم اتصل واسال لان عندي خبرة ودورات ونقاطي قربت لل90>قولوا ماشالله
ادري ان الخبريقهر ويبكي لكن هذا اللي صار وهذا الواقع لا تقولون فيه ناس اختاروا الجميع وتعينوا انا اقولك كلام الموظف المسئول عن جداره انا ماصدقته لحد ماطبع لي الورقة وقالي تعالي خذيها مكتوب قدام اسمي مستبعده

تنزل الاسماء من غير تغييير الرغبات كيف كذا

وبعدين الشباب حطوا الجميع ووطلعت اسمائهم على اي اساس يستبعدون

اسمحي اقول لك انه نصاااااب

والله العظيم ان هذا اللي حصل واللي يفقدني نظري انه كلامه لي بالحرف الواحد وانا نزلت الموضوع اقولهم وانصحهم اقسم بالله العظيم اني انا لغيرت مفاضلتي بعد ماكلمته لان نقاطي حلوة عندي خبره وتقديري ممتاز وعندي دورات وماتعينت لكن بعد ماكلمته غيرت على طول المفاضله حقتي .

خييييييييييييييييييييييييييييييييير ان شاءالله وش اللي قآعدهـ اسمعه انا

اقووول قوليله طير انت وكلامك هذآ وآحد نصّاب كذّاب ماعنده ماعند جدتي ام امي تكفين الله يرحم والديتس

لا عآد تصدقين اللي يقولونه ورب الكعبه ترآهم دلوووخ مايدرون وين الله حآطهم فيه واذآ هذآ هرجه


ترا في بدآية التقديم على اللي ماينذكر اتصلنآ عليهم واستشرنآهم وقالوآ عآدي حطوا الجميع ليششششششششششش حنآعندهم لعبه يوم انهم يحرفونآ على كيفهم اقول البنآت كلهم حطوآ الجميع يعني بيستبعدونهم كلهم هزلت والله وطآالت وشمخّت يآ الخدعه المتدنيه طول هالشهور ذي سآكتين عنكم وعن مرمطتكم لنآ وبالاخير يجون يقولون اللي تحط الجميع مستبعده بآرده مبرده اقووول ورب الكعبه ترآني طفحت منهم ومن كلامهم ومن اعذآرهم بكره انا بروح لهم واللي خلق لو طلع الكلام هذآ صدق لااقلب المبنى على رآٍسهم والله لو انحبس يآشيخ خلااااااااااااااص من جد مآعآد اتحملهم ولا عآد اتحمّل تفهاتهم الله لايبآرك فيهم اي والله

والله تعبنا مع هالوزااااااااااارات كل يوم بكلام حسبي الله عليهم

أنا قلت اللي عندي واللي صار معي بدون زيادة ولا نقصان ويشهد الله اني مانزلت هذا الموضوع الا نصيحه لكم اللي بتاخذ فيها تنفع نفسها واللي بتطنشها فهي حره .
لكن اذا نزلت التعيينات وماطلعت اساميكم تقولون واسطات خاصة اذا عينوا بنات اقل منكم في النقاط لان هذا نظام الكمبيوتر انا كنت كل ماتنزل اسماء ادور فيها اسمي واذا مالقيته قعدت ابكي ومدري وش خلاني اليوم اتصل واسال لان عندي خبرة ودورات ونقاطي قربت لل90>قولوا ماشالله
ادري ان الخبريقهر ويبكي لكن هذا اللي صار وهذا الواقع لا تقولون فيه ناس اختاروا الجميع وتعينوا انا اقولك كلام الموظف المسئول عن جداره انا ماصدقته لحد ماطبع لي الورقة وقالي تعالي خذيها مكتوب قدام اسمي مستبعده

طيب اختي خذيني على قد عقلي وعطيني الرقم اللي اتصلتي عليه ورقم التحوويله ابي تحويلة نفس الموظف

اللي قال لتس كذآ


على العمووووم انا رايحه لهم بكره رآيحه الله لايعوق بشر وبشوف هالكلام صح ولالا




اذا صح جنت على نفسهآ برآقش