شركه سنام --تكفووووون ساعدوني ولكم دعوه بظهر الغيب

رغم الجروح · #1 (**permalink**) 14-11-2011, 07:18 PM

انا احدموضفين في شركة سنام سعودي وراتبي 1000ريا ل حارس امن ممرضات واخذها الى بعد شهرين اواكثر مافيه زياده ولاشي الله يعين ويطيل في عمرملكنا ابو متعب اميييين
المهم ايضاااا مره بالصدفه شيكت على اسمي و لقيت اسمي مسجل بالتامينات الاجتماعيه ومكتوب انت مسجل حاليا وخاضع لنضام التامينات الاجتماعيه هل له دخل بوضيفتي علما اني بعد شيكت اسمي بوزاره العمل ومكتوب انت على راس العمل بس المشكله مكتوب مكتب العمل بالرس وش جابني للرس مع اني ماعمري جيتها بحياتي والله وانا بعد مسجل بحافز وجاني الرقم السري والله ان حافز راتبها اكثر من راتبي مع اني محتاجها بس خساره الظاهر ماراح تجيني لاني على راس العمل وبالتامينات تكفوووووون ساعدوني ويش المطلوب مني استمر بوظيفتي والعوض على الله بحافز والله غني عنهم علما اني مو رسمي بالشركه ولا فيه زياده ولا يحزنون تكفون ادعولي وقولوي ويش المطلوب مني وهل فيه احد مثلي ؟؟؟

شموخ الأحزان · #2 (**permalink**) 15-11-2011, 12:36 AM

اخو افصل في وظيفة الان ب1000 افصل انت مضحوك عليك وسجل في حافز قبل نهاية السنه الوظايف الان بعد الاوامر الملكية اقل راتب 3000 وفوق ولا تنسى تاخذ ورق إخلاء طرف وتوديها الى مكتب العمل اذا فصلت

رغم الجروح · #3 (**permalink**) 15-11-2011, 07:50 PM

طيب اخوي عمر سهيل ابروح مكتب العمل ابشوف هم ويش موظفيني يمكن موظفيني بوظيفه غير وظيفتي الل انا فيها لان وظيفتي اللي انا فيها غير حكوميه ومو رسميه وهل اللي مسجل اسمه بوزاره العمل هو بس اللي موظف حكومي هل صحيح ولا لا والا حتى موضفين بشركات خاصه مثل شركتي يسجلوهم بوزاره العمل وين اروووح مكتب العمل اللي حاطيني فيها اللي هي الرس والا مكتب عادي قريب من الديره اللي انا فيهااا والله لايحرمك الجنه رد علي

شموخ الأحزان · #4 (**permalink**) 22-12-2011, 12:05 PM

هذا رابط مكتب العمل تضع رقم هويته ويطلع وين موظف واي منطقه http://mol.gov.sa/Services/Inquiry/S...quiry.aspx?m=4
هذا رابط التامينات الاجتماعية ضع رقم هويتك ويتضح لك هل انت مسجل او لا
http://www.gosi.gov.sa/portal/web/gu...stration-state

امري بيدك يارب · #5 (**permalink**) 22-12-2011, 02:52 PM

أخوي أسمح لي اني اقول لك انك " ملعوب عليك "

الزرياب ب · #6 (**permalink**) 23-12-2011, 10:36 PM

رغم الجروح; 2انا احدموضفين في شركة سنام سعودي وراتبي 1000

لا حول ولا قوه الا بالله سعودي يستلم 1000 من ابناء البلد في بلد البترول فقط لا غير ....

اخي اذهب الى صندوق الموراد البشريه و ظيف اسمك يزيد راتبك ...........

شموخ الأحزان · #7 (**permalink**) 24-12-2011, 08:50 AM

انت الي رضيت بالاهانه

متفائل الى القمة · #8 (**permalink**) 24-12-2011, 10:29 AM

اقتباس:

المشاركة الأصلية كتبت بواسطة عمر سهيل

انت الي رضيت بالاهانه

لا اهانة ولا شئ تجي ظروف غصب عليك تقبل وتتحمل بس لا تقف استمر

بطلب البديل على طوال خليك كا النحلة روح مكتب العمل الغرفة التجارية

اشتغل معقب لدى شركة وتتعرف على الناس الوظائف كثيرة بس دور

ياشيخنا في ناس يبيعون شاي في اماكن المتنزهان ويجي له فلوس موعيب

اهم شيئ ترجع البيت ومعاك قوتك وقوت عيلك

اسال الله يرزقك ويغفرلك ويغنيك من فضله