الصلام عليكم 
كيف الحال
<<------------ اسئل مجرب ولا تسئل طبيب
السلام عليكم ورحمه الله وبركاته
هذي طرق سهله وعصريه لرفع ضغط من حولك جربوها وشوفو؟
رد على أي شيء ينقال لك بـ" هذا اللي أنت تظنه !!"
طلع صوت "بيب بيب بيب" (زي التريلات) اذا شفت واحد سمين يرجع للوراء
فك قلم السائل وبالصدفة كب الحبر حقه على الفرشة !
عد اعداد عشوائية اذا شفت واحد قاعد يعد علشان تلخبطه !
غير ألوان التلفزين علشان تصير كل الصورة خضراء ، وأصر على انك "تحبها كذا !!"
دبس الأوراق في نص الصفحة !!!
اضرب البوري وسلم على الناس اللي ما تعرفهم !
كرر المحاورة التالية أكثر من مرة -"ان تسمع هالصوت ؟" -" وشو ؟" -" .. ما عليك .. لا تشغل نفسك"
اسأل الناس هل هم ذكر والا أنثى
اسأل اخوياك أسئلة غريبة مرة وبعدين سو نفسك تكتب الجواب في ورقة وإن سألوك .. قل "ولا شيء"
اذا أرسل لك أحد نكتة.. سو لها forward له ثاني مرة
رد على اي شي ينقالك بـ"يوم الخميس إن شاء الله" r
اذا وقفت عن صاحب المحطه اسأله "عندك بنزين" واذا جاء يحاسبك وقال لك عشره ريال قل له "يا شيخ ما عندك تخفيض"
اسأل شخص وقله : وش سالفتك مع فلان ؟ وهو بنص السالفة قوله : شكل اليوم الجو حار
خاص بالحريم ,,,,, إذا كنتي مع وحده وشفتي ولدها او بنتها قولي لها : ماشاء الله عليهااو عليه حلوووه او حلوووو ....اكيد طالعه على ابوها
برضوه خاص بالحريم ,,,,, اذا شفتي ثنتين يمشون مع بعض وانتي تعرفين وحده منهم سلمي عليها وقولي : هذي بنتك
اذا كنت متواعد انت وخويك تغششون بعضكم في الاختبار . ادخل بعده القاعة واجلس بعيد عنهم
اذا واحد نايم .. افتح الباب و طفي المكيف وافتح النور .. قول له صلاة .. ولا مانع من رفع صوت التلفزيون .. والمسجل إذ أمكن ,,
اذا اخوك اللي اصغر منك ولا قريبك والا اي واحد حاب ترفع ضغطه وكان يتفرج فلم وما يعرف انجليزي .. حط الصوت على ( mute ) ..و قول له باسمع الإف إم ,,
ادخل البقالة وقل له عندك بيبسي وان قال نعم قل هات ميرندا
حط لك كمية بيض نيء محترمة أو طماطم طرية على آخر عمرها وانتظر لك ليموزين (Taxi) وإذا مر اصقع السياره من قلبك طرطقععععععع ووف ردة الفعل وإذا كنت غبي مرة وقف وانتظر راعي الليموزين ينزل , وشوف التبقيس والكفوف على أصوله , إذا ما تلكمت كم لكمة تحرم أنك تناظر( تناظر بس ) ليموزين مرة ثانية وإذا ودك كمية اللكمات تنخفض شوي استبدل البيض أو الطماطم ببوالين الماء ,,,,
أسأل واحد أيش أسمك و لمن يجاوب ..... قله "ليش"
أسأل واحد سؤال وفي اثناء حديثه قل له خلالالاص فهمنا وشف وجهه كيف يتلون ,,,,
اسأل واحد عن سالفه واذا انتهى منها قله ،،،،،،، وبعدين
تبي ترفع ضغط أساتذة الجامعه ؟؟؟ قل لهم أكيد رواتبكم كثر مدرسين البتدائي عشر مرات و الا دكتوراه على أيش ؟؟؟
(( للسواقين )) وانت ماشي على المسار الأيسر بالخط السريع ولا بأي شارع وجاي واحد وراك مطيّر السرعه ويدق لك النور العالي من 100 متر .. لاتوخر عنه .. ويفضل تهدئة السرعة .. فالسرعة سبب لكثير من الحوادث
واحسن طريقه للرفع الضغط اذا تكلم واحد على طول قاطعه ولاتخليه يكمل موضوعه
وعند الاطفال اذا جلس يبكي اجلس اضحك معها يرتفع ضغطه ما يدري يبكي او يضحك
اذا ناداك حد علشان تشوف شيء حلوووو بالتلفزيون لا يفوتك ....... روح له بسرعة لكن انتبه وقف قدام بينه وبين التلفزيون وبعدها شوف وين بيوصل الضغط عنده
أذا جيت واحد بمكتبه.... لا توقف قدام الطاولة.... لأ أدخل و أقعد نا ظر بشاشة الكمبيوتر وشف وشهو فاتح,,,,, هذي من الطرق المضمونه لرفع الضغط
ادخل موضوع مع واحد وعقدهبالاسئله.... وبالاخير قله بصراحه ..... ما فهمت عليك وش قلت !!!!!
اذا واحد نايم وبسابع نومة....... صحه وقول له يافلان.... أنت نايم!!!!!!!!
اقرا الجريدة قبل صاحبها واسترسل في شرح الأخبار عنده
اذا كنت تتناقش مع شخص كل ما قال لك شيء قل " ممكن تعيد " !
\nنفس الشخص ,,,, أي جمله يبي يبدأ فيها خل كلمتك واحده وهي " أيه أعرفه " !
برضوه نفس الشخص ,,,,إن كنتم في مجموعه واقفين بهدوء ويحيط بكم الصمت فبدون سابق انذار وبخطوة واحده كن ملاصقا له " الوجه في الوجه "
نفس الشخص ايضاً ,,,, اذا كنت تسولف معه كشر في وجهه فإذا بدأ يتجاوب أكمل كما لو كنت تجرج شيئا عالقا بين أنيابك ...
اذا لقيت واحد (( عادي لو كانوا مجموعه )) يتابعون فلم او مسلسل وشايفهم خاشين جو فيه وانت عارف نهايته اقطع عليهم متعة المتابعه وعلمهم وش رايح يصير بالفلم وعكروا صفوا الثاره اللي هم خاشين فيه جو ,,, توقع انه الريموت رايح يجي في راسك بعدها ...
واخيرا
انا اطلب من
المنتدى وضع قسم
للتنكية يسمى
فلة العاطلين
او
عاطلين فاصلين
03-02-2008, 03:22 PM
تعلم كيف ترفع ضغط اللي حولك
العرض المتطور
