السلام عليكم ورحمة الله وبركاته
أسعد الله جميع أوقاتكم

الله يوفقكم تساعدوني لحل مشكلة أخوي

ابقولكم سالفته من البدايه اخوي معلم لغه انجليزيه
من فتره طويله تعرف عن باكستاني وكان يعزمه عندنا في كل مره مانقصر بضيافته
بس صار كل شوي يعزمه . . ابوي ماعجبه الوضع قال لاعاد تعزمه هم لهم مجمتعهم وحنا لنا مجتمعنا واقطع علاقتك معه . . ساعده اوقف معه بس ماتصير العلاقه لهالدرجه
بعدها اخوي ماعاد عزمه بس صار يروووح له وكان كثير يتكلم عنه
طفشنا وحسينا انه بدا يتغير امي عصبت عليه وهو يزعل بعدها ماعاد يجيب طاريه
بس حاسه انه متواصل معه من ورانا . . وصار يتغير علينا اخوي مب اخوي اللي اعرفه
صار مايحس فينا ولا يفكر فينا بالمره ولاكأنه عايش معنا
يداوم ويرجع ينام ثم يروح لـ وين مدري وهذا اللي مخووفني

ودايماً إن سألناه عصب علينا وإن قلنا جيب كذا وكذا يطفش ويعصب
صرنا نخاف نطلبه شئ واللي اقوى من هذا كله اننا عايشين بديرة غربه يعني مب ديرتنا
ونبيه يقدم نقل لديرتنا عشان نرجع بس هو رافض مايبي ينقل
وامي ماعادت تتحمل الوضع والعيشه اللي عايشينها تخيلوا تمر شهوووور محد يجينا
طفشنا من الوحده خلاص نبي نرجع ديرتنا ملينا من الغربه بس مايحس فينا بالمرررره


انا افكر اروح اراقبه وين يروح وايش اللي غيره علينا كذا ؟!
بس انا بنت مقدر اطلع من البيت وماعندي الا اخوي صغير وتعبان يعني مااقدر بالمره
والله انه مخوووفني وامي تكسر الخاطر ماعلى لسانها الا ديرتنا وهو مو حاس فيها بالمره

تكفوووووووون طلبتكم تساعدوني كيف اراقبه كيف اعرف سره . . لازم يصحى من هالغفوه

لازم يقدم نقل هالسنه لازم نرجع ديرتنا . . والله ماعاد نتحمل طلبتكم تتساعدووووني

الله يوفقكم ويخليكم ساعدووووووني

وعليكم السلام ورحمة الله وبركاته
معاناتك مرة مع واحد اعرفه زين كان متعلق بولد خاله مايخلي مكان مايروح وياه له
ويشتري له كل اللي يبيه ويسافر عند خاله علشان ولده اذا احد كلمه قال انا احسه مثل ولدي
واخاف يروح مع احد يخربه لكنه اهمل اهله بالشهر والاسابيع دايم عند خاله حتى طفشوا اهله
وقالوا لخاله شف حل قام خاله واخوانه واجتمعوا عليه بغرفه ينصحونه لدرجة الهواش بعدها
خلاص رجع لأهله وصارت العلاقه مع خاله وولده سطحيه بالمره ..
انتم دوروا احد يكلمه وتكون شخصيته قويه+غشوه بالماءالمقري فيه مع العصير اوكاس ماء..
ربي يفرج همك ياأختي والله انه شيء يقهر من جد.

__________________
"لله دُر أمي إذا ابتسمت
تهادت جروح قلبي والتئمت"

مشكوره أختي

بس حنا مانبي احد يدري بسواليفه
وماعندنا احد شخصيه قووويه . . كلنا بنات
وابوووي مايقعد معه ولايسمع كلامه