صحيح تجارة التمور فيها ربح كبير .. كلامي هذا من واقع تجربة

اخوي ممكن تحط صور للتمر وهل الكرتون 8 كيلو ولا 12 كيلو وهل الحبه صغير كبيره وسط

واللي يبي مثل خمس كراتين أو عشره لتجربه هل تعطيه وبكم السعر

ارجو الجواب على أسئلتي

شـكرا لك وبارك الله فيك... لك مني أجمل تحية .

[align=center]

اخوووووي كأنك تقرا افكاري .. لي كم يوم أفكر بالشغله ذي

اللي عندك مكنووووز و الا رطب ... ناشف او رطب .. وش الانواع اللي عندك

كان عندك رطب على كم الكرتوووون ؟؟

[/align]

اهلين انا كنت حاط صوره للتمر الي عندي بس شالتها الاداره لاني حاط الجوال عليها


وعندي كل الانواع انت اطلب واامن لك واجيبك واوريك عينه اذاعجبتك كان بها

بس مو تقول اول اجرب اول اصرف انا الحمدلله تمري ماشي سوقوه ولا اجيب الا الطيب

وحاليا عندي سكري وهو سعر ه اقل من الخلاص الكرتون فيه 8 اكياس من كيلو بميه ريال

حبه متوسطه وجوده عاليه اما الخلاص فاذا تبي جبتلك بس غالي اشوي ياصل الكرتون280

الكيلو ينباع بخمسه وثلاثين اما السكري الكيلو 15 وكله ضميد تحياتي

اقتراح :: ضع وسيلة للاتصال كيف يكتمل الموضوع وتستفيد

فيه عدة اسئله
1/ ماهي طريقة العنايه به في الشتاء هل يحتاج الى ثلاجه او برودة الجو تكفي ؟
2/ وما الفرق بين الضميد والمكنوز وايهم افضل ومطلوب بالبيع ؟
3/وهل التمر مطلوب في فصل الشتاء يعني لو ببيع التمر هل بيمشي او له اوقات معينه لبيع ؟

وشكرا

التمر وانا اخوك يالمستشا ر اوقاته على مدار العام

مثلا عندك في فصل الصيف وباتحديد رمضان وحواليه السكري مرغوب

اما في فصل الشتاء فالاقبال على الخلاص اما بالموسم فالمستهلك هو الخراف وقت طلع التمر....


والضميد هو المكنوز وهو المرعوص على قوله البعض او المرصوص عند بعضهم

نسيت نقطه ان طريقه الحفظ اذا رطب لين لازم تجميد واذا مكنوز عند المكيف يكفي

اما اذا وسط الشتاء لا يحتاج ال انك تبعده عن العوامل الخارجبه من غبار وغيره

اما وسيله اتصال انا حطيت الرقم شالته الاداره والي يبي شي يرسلي الايميل على الخاص

الله يرزقنا وياك
...

تسلم يافتى على هالدعوه