السلام عليكم ورحمة الله وبركاته

الى من يهمه الامر الى كل من يقرا قصتي ومعاناتي ارجو ان ينصحني ماذا افعل والدي زوجني من رجل عاطل ليس له شهاده لايقرا ولايكتب يعيش عند اهله وكل هذا طمعا في مهري وبعد فتره من زواجي حملت بابني الاول ومن هنا بدات معاناتي كنت اول اتحمل المشاكل وقله النوم والاكل لكن ابني يحتاج الى مستلزمات وحليب رفض اهل زوجي مساعدتي بحكم ان ابي غني ولكن بخييييل
زوجي رجل طيب محترم يصلي ليس صاحب مشاكل تحملت لاجله ولكن ابني يحتاج الى الحليب
حاولت البحث عن عمل لم اجد حاولت التسجيل في الضمان طلبو فحص طبي ان زوجي مريض ولكن زوجي ليس مريض انما لا يملك شهاده ولامستقبل لالالاسف رفضوني بعد فتره فكرت في حل ان اذهب عند الصيدليه اي شخص يخرج منها اطلب منه ان يشتري حليب لابني فقط والله فقط حليب دون زياده وملابسي اخذها من صديقاتي وللاسف الجمعيات الخيريه رفضتني بحكم اني متزوجه واعيش عند اهل زوجي بعد فتره
حملت بابني الثاني قامو اخوانه طردونا من البيت رجعت عند اهلي لذل والهوان ليس هناك مكان لي ولابني
وكنت تعبانه وحامل وبعد ولاده ابني الثاني رجعت اطلب حليب له من الشوارع فقط حليب
وبعد فتره اخذني ابي الى قريه اسمها ملهم بالقرب من حريملاء انا واطفالي وزوجي علما ان زوجي وافق ان يسكن هناك ويبحث عن عمل سجلت ابني في المدرسه كنت ادور على منازل قريباتي اخذ صحون مستغنين عنها وقدر وفرن كنت ابحث عند الناس عن كل مايستغنون عنه واخذه في منزلي الشعبي
وفي يوم من الايام قالت لي صديقتي خذي رقم فاعله خير تساعدك وفعلا اتصلت بها وعندما جائت لترى منزلي قالت لي قولي الحمد الله عندك فرشه ومساند تقدرين تعيشين قلت لها والفرشه والمساند توكلنا اذا جعنا او تسترنا اذا تعرينا او تدفينا في البرد والا تبرد علينا في الحر او تفرحنا انا وعيالي في العيد
والله صار منزلي كنه حراج اشياء مستخدمه عمري ماشريت لي شيئ جديد او خاص
رجعت قدمت في جمعيات الرياض رفضو بحكم اني خارج الرياض
قدمت في جمعيه حريملاء جلست ست شهور في مماطله وبعدها صرفو لي 1000 ريال سددت بها فاتوره الكهربا والباقي شريت به دجاج ومكرونه ورز
ابني الكبير عمره 9 سنوات والصغير سنتين
وفي رمضان اشوف اهل الخير يعطون اخواننا العرب وهم من سوريا اعانات من رز وتمر ومؤونه طلبت منهم قالو انتي سعوديه مانظن انك تجوعين وزوجك بصحته وانتي معروف انك بنت فلان التاجر عنده محلات واراضي .......ياويلك من الله يابوي ماراح تساعدني واسمك قاطع رزقي
طيب انا وعيالي من يعيشنا ويوكلنا ياااناس تعبت والله تعبت انا حرمه وعمري 28 سنه ماعندي اخوان او احد يساعدني قدمت معاريض وقدمت على كل وظيفه اسمع بها وقدمت على الجمعيات
واهل الديره مايساعدوني لانهم يعرفون ابوي انه تاجر كبير
بس الي مايعرفونه او يعرفونه ويتجاهلونه انه قاسي وبخيييل
الي عنده حل اي حل لايبخل علي لو بدعوه

......هاذي قصت صاحبتي نقلتها لكم كما كتبتها وكانت هاذي فكرتي والي عنده حل يبلغني حتى اقولها وجزاكم الله خير

الله يرزقها من واسع فضلة

ارسلي لية رقم حسابك والله يكتب اللي فية الخير

الله يجزاكم خير

وش فيهم البششر ...! صـآرت قلوبنـآ من حجر

المشكلهـ حنـآ خيرنـآ لغيرنـآ..

الله يرزقها يارب

آهلكِ حآلتهم زينهِ وآنتيِ لآ<<< انا زيكِ....
وين الي تقول السعوديين اغنياء وتقول وتقولِ ...
حاولي تروحين تروحين لـ آمآره الرياض ودخلي على الامير ...
روحي انتي وزوجك وعيالك وحلوه يوظفونه لو عسكري صدقيني مآيقصرون ولاتقعدين كذا ...جربي وش ورآك؟! لآتقولين وش فيهِ ذا او يستهبل او امير وصعبه هذا دوام له يقابل موآطنين ويشوف اوضاعهم ............. ترى انا دخلت ع امير الشرقيه مرتين
الله يرزقك بوآسع فضله وربي مآينسآ عبآدهِ

بصراحه شي محير طيب روحو انت وزجك مدينه كبرا مثل الرياض
وخلي زوجك يشتغل حارس امن وانت برضو حاولي اشتغلي فراشه
او اشتكي ابوك في المحكمه لين الله يسرها هاذي وجه نظري

وعليكم السلام ورحمة الله وبركاته

الله يفتحها بوجيهكم ياارب


اشتغلي انتي وزوجك بمدرسه


ويعطونكم شقه بنفس المدرسه

والله يكون بعونكم

اللهم آمييين

الله يجزاكم خير على تفاعلكم

اهما مقدمين من ست سنوات على وظيفه حارس مدرسه وفراشه بس الى الان ماطلع لهم تعيين يعني ملفهم موجود في الرئاسه وكل مادخلو لرياض راجعوها

والي تقول روحي للاماره والي يقول اشتكي
الله يجزاكم خير ماتقدر لان البيت الي ساكنته بسم ابوها واي شكوى توصله راح يطردها مع عيالها واخواتها كبار في سن الزواج واهما قايلين لها لاتشوهيين سمعتنا قدام الناس وامها حالفه عليها انها ماتشتكي ابوها
الله يعطيها على قد نياتها ويرزقها يارب والفقر مو عيب العيب الذل والهوان الي تشوفه بعيون الناس

ياااااااه
يارب فررج همهااا معقولة فيه أب كذا الله يهديييه
مدري كيف يفكرون الناس ذولا وربي الفلووس ماتدووووم
اصرف ع عيالك يذكرونك بالخير دام ربي معطيك مو إذا مت
جاهم ورث بالهبل وقالوا الله لاااا يرحمه كانه إلا مجوعنا
وعنده هالدراهم واللي بالمقبرة لما دفنوا أبووه قاال
صبوا عليه سميت لايقووم وكل هذا من قسوته وبخله
الله لا يبلانا ويعطي هالمره على قد نيتها وييسر لها ولزوجها
أموورهم ويفرحهم بوظيفة تغنيهم عن حااجة النااس