ياسر عطنا العلم وش صار معك

السلام عليكم و رحمة الله

اللي صار معي اليوم في الكشف الطبي لوحدات المظليين

مشيت من البيت الساعة 6:30 و مريت رجال مثلكم و شرواكم

وصلنا المستشفى الساعة 7:10 إنتظرنا عند الباب لحد الساعة 8 تقريباً

دخلونا للكشف الطبي .. خلونا ننتظر 5 دقايق و طلع لنا الرقيب المندوب اللي في تجنيد الطايف قال ألحين ننادي بالأسماء و اللي يسمع اسمه يجي ياخذ ورقة الكشف الطبي

المهم بعد ما نادوا اسمي أخذت ورقتي و إنتظرت 10 دقايق و دخلونا على أول دكتور مختص في العظام و العمليات الجراحية قلي ضم ارفع ثوبك و السروال الطويل لحد الركبة و ضم رجولك و سألني قال سويت عمليات في رجلك و لا غير رجلك ؟ قلت له لا .. كتب لي في العظام و الجراحة لايق

بعد ما خلصنا طلعونا ننتظر برى لحد ما يجي دكتور النفسية جى الدكتور و دخلونا عليه يقول قلي السلام عليكم و يحشر لك في الأسئلة قلت له السلام عليكم و مشاني لايق و بعد ما خلصت النفسية على طول دخلونا على دكتور السمع و النطق يسألك كيف حالك طيب وش اسمك و مشاني لايق

إنتظرنا برى لحد ماجى دكتور العيون و دخلونا عليه يجيب لك دفتر فيه أرقام و يقلك كم الرقم اللي في الدفتر و يمشيك على طول ما يقلك غطي عيونك و لا شي

خلصنا العيون على طول على المختبر فحص الدم و البول الله يكرمكم أخذوا دم و عطوني علبة قالوا ادخل دورات المياة و خصلتها

المهم بعد ما خلصنا الفحص و النظر جينا للمشكلة الأسنان جى دكتور الأسنان يخليك تضحك المهم جيت عنده و ضحكت إلا المصري ماله نية يمشيني في الاسنان قلي أسنانك تحتاج تعديل و غرزت فيها

المهم خلصنا الأسنان رصونا في طابور و خلونا نطلع للأشعة تدخل الأشعة و يخليك تنزل الثوب و تجي تحط صدرك على الجهاز

لكن يا عيال و الله العظيم متساهلين لدرجة ما تخطر على البال متساهلين مع الكل
كل دكتور يبغى يمشيك بأي طريقة و ما هم مدققين في اي شيء
لكن خلك معهم محترم يمشونك سلام سلام
هذا علمي مع الكشف الطبي و سلامتكم

سلمت يا ياسر والله يوفقك يارب

وبإذن الله إننا مقبولين

يآسسر كفو وربي أنك وحشش .. عقبال القبول النهآئي "

توها وصلتني الرساله "مكتب تجنيد الطآيف موعد كشفك الطبي يوم الأحد 23/1 السسآعه السآبعه
صبآحا أمآم بوابه مستشفى الهدىآ "

من قال يسسلم علي

كفوك الطيب ملامح

هههههههههههههه قلت لك طول بالك الرسالة بتوصلك

الله يوفقك يا بطل و عقبال ما تبشرنا بالقبول إن شاء الله

تبغى نصيحة مني

لا تحضر عند المستشفى إلا الساعة 8:00 تماماً لأنك لو روحت الساعة 7 بيلطعونك في البرد لحد الساعة 8 أو 8:10 و يدخلونكم

و الكشف لا تشيل همه متساهلين كنك داخل حراسات أمنية مو وظيفة عسكرية

و الله يوفقني و يوفقكم لما يحبه و يرضاه

ياشباب انا قريت لموضوع واحد مقدم على المظليين يقول دقو عليه تعال استلم البدله يعني معقوله الي يخلص كل شي ونتيجة الفحص سليمه من يسلم الاوراق يقولوله روح تبوك؟؟

ياشباب باقي يقبلون طلبات تقديم والا خلاص قفلوا انا مقدم من السنه اللي راحت وسقطت في النظر وعطوني تحويل للمستشفى العسكري وقالي الدكتور سوي عمليه وارجعلي والحين مدري يقبلوني والا لا مع ان اوراق المستشفى باقي معي واراق التجنيد والاختبار اللياقه كلها موجوده واذا ماقبلوها اقدر اقدم من جديد الحين