بالنسبة لإستئجار ليموزين ما انصحك فيه الا اذا كنت فاضي تماما يعني ما عندك اي ارتباط لأن عندك يومية محسوبة عليك واذا تكاسلت يوم تراكمت عليك ويصبح عندك مديونية وتصير تكد للشركة فقط ..
في هذه الفترة اصبح الليموزين اقل فائدة من اول وخصوصا مع نظام ساهر فربما قيمة مخالفة واحدة تساوي قيمة ايجار الليموزين لمدة ثلاثة ايام . ولكن الاحلى من هذا النظام انها بدأت تقل اعداد سيارات الليموزين وخصوصا الاجانب وهذه فرصة للسعوديين لأنه قبل تطبيق النظام كان هناك كثرة في سيارات الليموزينات وقلة الركاب اما الان اللي اشوفه ان الراكب احيانا ينتظر عشر دقايق حتى يمر عليه تاكسي بخلاف السابق اول ما يأشر الراكب يوقف عنده 5 ليموزينات ..

آلية اسئجار الليموزين اهم شيء يكون عندك رخصة وما يهم عمومي او خصوصي ويكون فيه كفيل حكومي ..

اسعار التأجير بين 70 ريال و100 ريال ويعطونك سيارة قديمة و مكروفة على يد باكستاني نشيط وكل يوم وفيها خراب بس اهم شيء الصيانة على الشركة ويكون دفع الايجار اسبوعي وتدفع يمكن 10 ريال في اليوم تأمين في حالة حصل حادث لا سمح الله يقومون بتحمل تكاليف تصليح السيارة فقط وليس ضد الغير ..
اما عناوين الشركات تجدها بحي الصحافة في الرياض امتداد شارع العليا شمال بالقرب من مركز تدريب الدفاع المدني ومكاتبهم تشبه للاستراحات . يعني تشوف استراحة وداخلها سيارات ليموزين فهذه مكاتبهم ..
واتمنى لك التوفيق

خذ لك سيارة مستعمله من شركات الليموزين وخلها باسمهم ( انت تشتريها وتخليها باسمهم اذا انت موظف حكومي )

وصدقني تطلع باليوم مالايقل عن 100 ريال باليوم

اسئل مجرب انا امتلك ليموزين

ممكن اعرف وين شركات الليموزين بمكة او جدة إللي تسمح لك تشتري سيارة وتكتبها بإسمهم ويستأجروها منك بالشهر ..

اللي يعرف لايبخل علينا وجزاكم الله خير