السلام عليكم ورحمة الله وبركاته


بسم الله الرحمن الرحيم




الحمدلله والصلاة والسلام على رسول الله وعلى آله وصحبه أجمعين




انا عمري 23سنه ادرس بالجامعه ومتغرب ضروفي صعبه جدا تعبت من دنيتي اقسم بالله يأخوان مابغي حياتي وانا اتكلم بكامل قوتي العقليه الفقر ذبحني اللهم لاعتراض كل اصحابي عندهم سيارات واي شي موفر لهم وانا اشطر منهم بالف مره بس ماني لاقي ربع اللي هم لاقينه

حاولت كم مره اترك دراستي واروح للعسكريه والله رفضوني كثير واخرها اليوم المباحث نفسيتي زفت انا ماني معترض علي ربنا او شي بس حياتي والله وجعل ربي يفتفت عظامي مابغاها ابغي الله ياخذ روحي من جسدي بكل اريحيه يارب ربنا اعطاني الجمال لاكن بهالدنيا متبهذل نفسيتي تعبانه والله الحي مقفل علي نفسي ودمعتي نزلت علي الكيبورد

يارب اناام وماصحي الا بقبري خلاص مابغي شي بالدنيا والله مابغي

استغفر الله العلي العظيم
الله يغفر لك ولنا والله كل واحد منا مر بهالمرحلة والشيطان ما يقصر معنا
الله يعيذنا منه استغفر ربك وصل ركعتيين بآخر الليل وبث شكوااك للي خلقك
هو اللي قادر يغير حياتك ويجعلها أحسن وحاول ماتقارن نفسك بغيرك وبكذا تكون
حياتك أفضل بس الحل الأول والأخيير انك كل لييلة تفرش سجادتك وتدعي ربك ييسر لك
أمورك ويخلي حياتك أحسن ولاتخلي للشيطان طريق يدخل لك معه تعوذ من إبليس واطرد
هالأفكار من راسك والتجئ لربك الناس ماراح تنفعك بشيء والشكوى لغير الله مذلة
مافيه أحسن من الصلاة بآخر الليل وتشكي لربك وكل ماتضايقت افتح المصحف واقرأ كلام
الله وراح تتحسن وسورة يوسف سبحان الله تخلي الواحد ينسى همه أنا ادري ان القرآن كله خير
بس هالسورة بالذات تنسي الواحد كل شي بدنيااه لما يشوف الأذى اللي تعرض له يوسف عليه السلام
وكان يملك نصف جماال الكوون ياسبحان الله ومن مصيبة فمصيبة إلى أن أراد الله أن يعزه فأصبح
المسؤول عن الخزاائن لا تبتئس فسيجعل الله بعد عسر يسرا
فرج الله همك وأزال غمك وأبعد عنك وساوس عدونا إبليس
أراح الله قلبك بالإيمان وطاعة الرحمن ورزقك من حيث لا تحتسب
اللهم آمين

والله العظيم هالدنيا مامنها الا القرف ليتني مانولدت

والله العظيم اني عرفت وش عندك بالضبط .. لكن لا تفكر في اي شي وابدا حياتك من جديد وانت لسى توك في بداية حياتك مامداك تطفش .. لكن زي ماقلت لك افتح صفحة جديدة وصدقني راح يروح الطفش ...

قال تعالى" ومن أعرض عن ذكري فإن له معيشةً ضنكا "... ارجع لربك ... وانسى اللي مضى والله يستر عليك ويشيل الهم من قلبك .. (خلك مع الله والله وماراح يخليك ) ...!

هون على نفسك
ترى الدنيا وانا اختك ما تستاهل
لاتقارن نفسك باحد من اهل الدنيا ماندري عن اخرتهم (الله العلم
ياخي انت ضايق عشانك فقير واصحابك عندهم وانت ماعندك
انت عندك الصحه تقدر تمشي وتقدر تكتب وتفضي حاجاتك بنفسك
غيرك محروم منها
ترى الفلوس ماهي اهم شي بالدنيا ..انت لسى صغير والعمر قدامك ..مابين غمضت عين وانتباهاتها يغير الله من حال الى حال
بكره تتخرج وتتوظف يرزقك ربي
بس لا تفكر مثل تفكير الان انك ما نولدت او تتمنى الموت
تفائل بالخير تجدوه
اسئل الله العلي العظيم رب العرش الكريم ان يرزقك من فضله

وش دعوه ياخوي أذكر الله طيب

صدقني مع الذكر يسلى القلب وبيرتاح وتفرج الهموم يمكن أنت تتألم الحين لكن صدقني الألم أختبار ممن الله

يعني كل ماعصرتك الأيام التجيء لله ووكل أمرك له

الأستغفار مفتاح وفرج لكل هم أبدأ مع نفسك وفتح صفحه بحياتك

الله يفرج همك آآمين

نصحية اخ لاخوه حتى عمري 23 ولاتقبلني العسكرية بسبب الطول وظليت عاطل سنتين ونص والحمدلله توظفت وظيفة رسيمة بالقطاع الخاص انصحك تصلي ركعتين اخراليل وخاصة ليلة الجمعة وتدعي الله من كل قلبك يفرج همك ويرزقك الوظيفة اللى تتمناه واكثر وداوم على الاستغفار

استغفر الله العظيم كل يوم يطلعلي واحد ويقول بنتحر بسبب أمور تافهة تتحرون الكلمة بسيطه !! الإنتحار يعني الخلود في نارجهنم ..

قال صلى الله عليه وسلم : ( من قتل نفسه بحديدة فحديدته في يده يتوجأ بها في بطنه في نار جهنم خالدا مخلدا فيها أبدا , ومن شرب سما فقتل نفسه فهو يتحساه في نار جهنم خالدا مخلدا فيها أبدا , ومن تردى من جبل فقتل نفسه فهو يتردى في نار جهنم خالدا مخلدا فيها أبدا ) . ‏


وين الإيمان بالله وين الإيمان بالقضاء والقدر خيره وشره ؟!

انتوا بعدكم ماشفتوا شي شوفوا أحوال المسلمين في أفريقيا الآلاف يموتون من الجوع والعطش قدام عيون آباءهم وأمهاتهم ويعانون من قسوة الحياة ليش ماينتحرون بدل مايموتون من الجوع !!

ونحن إذا الواحد ماتوظف قال بنتحر وإذا تضايق شويه قال بنتحر وإذا مر بظروف أسرية قال بنتحر !! للأسف ماشفنا شي من قسوة وذل الحياة الحمدلله عايشين في نعمة لايعلم قدرها إلا الله عزوجل وفضلنا بها على كثير من العالمين ..

احمدوا الله على النعم واصبروا على البلاء واسعوا في طلب الرزق ولاتنساقوا خلف رغبات الشيطان ..

قـال تعالى :- "( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ )


إذا صابتك مصيبة تذكرإللي مصائبهم أكبر من مصيبتك فتهون عليك مصيبتك..



لاتزعل أخوي مصلحتك فوق كل شي والله يعطيك الصبر ويرزقك بالوظيفة إللي تتمناها

أخوي أنت تحسب أن الموت راحه !
ماتعرف وش ورى الموت ؟؟
هل أنت جاهز للقاء ربك ؟

عشان وسخ الدنيا تبي تخسر آخرتك ؟


لا أملك الا أن أدعي لك ان الله يفرج همك وصدقني ماعلى هالدنيا ضمير مستريح وأنت أحسن من غيرك

بديت كلامك بحمد الله .. تمنيت لو أنهيته بحمد الله