أخي العزيز السلام عليكم

احدثك من واقع تجربه انا مثل وضعك جيت من خارج المملكة قبل أربع سنوات بشهر 7 وانتظرت وانتظرت وانتظرت ماتركت مكان إلا وبحثت حتى كانت محصلة الإنتظار 7 شهور.. فقط كنت محتاج اني اكسر حاجز الخبره وعندي يقين ان وضعي رح يتحسن لني لدي كل وسائل التطور وفعلا قبلت بوظيفة راتبها لا يتجاوز 3400 قبلت بها على مضض ولكن الحاجه شقيّه وكنت توي متزوج
بعدها بسنه خرجت من عملي ورحت لشركه ثانيه براتب 7300 والحمدلله سنويا فيه زياده بعد أربع سنوات تغيرت حالتي تماما والأمور تحسنت بفضل الله

الخلاصه توكل وبعدها إذا ناسبتك كمل ماعجبتك اطلع..والله يوفقك ويسدد خطاك

إخواني الكرام يعلم الله أني اسعد كلما رأيت رد لانه يفيدني ويهمني
والله أني ادعي لكم من أعماقي عسى الله يسهل لكل من ساعدني

واللي عند إفادة او رأي أيضاً لايحرمني عساكم مأتحرمون الجنة
متابع لكل رأي يااحلى منتدى

[align=justify]

أهلا وسهلا أخوي .. حامل العنبر وألف مبروك على التخرج ..

أحب أعطيك وجهة نظري في موضوعك من خلال خبرتي المتواضعه وبكل إختصار.


1. ( إقبل الوظيفه ) شرط أن لا تكون الوظيفه متخلله شرط جزائي مثل ما قالو الشباب لأن المبالغ أو الأشياء الثانيه ممكن تكون عائق لك بعدين إذا حصلت على عرض ثاني. ( وهذا شئ تأكد منه 100% ) وأنصحك تسجل في موقع ( بيت.كوم+ قلف تالنت. كوم ) لأن أغلب الشركات في العالم صارت توظف عن طريق الأون لاين ).

2. إذا جاك عرض أخر من أي شركة وسألوك عن الراتب ( لا تقول لهم أبدا أبدا أبدا كم تاخذ ) وأكتف بمقولة .. أنا أطمح لوظيفه أرقى وأفضل قدموا العرض اللي عندكم وعينوني على السلم الوظيفي لخريجي البكالوريس .. إلخ إلخ ( بتقول لي ليه ما أقول لهم ؟!! ) لأنه وبشكل من الأشكال اللي منت متوقعها يكون عائق عليك من إنك تحصل على راتب ومميزات خريجي البكالوريس الجايين من الخارج بحيث إنه يقول راح أزيدك على اللي تاخذه 20%. بينما اللي مثلك خريج جديد يأخذ أكثر بكثير) ، لان موظف الموارد البشريه هنا راح يكون مستفيد كثير إذا وظف شخص جامعي لديه مهارات عمليه ولغويه وبراتب قليل وراح تسجل له في سجله العملي ، ومعلومه أكثر لك كل وظيفه لها حد ادنى وحد أعلى وأنت وجدارتك في التفاوض. حط هالكلام بإذنك .. لانك راح تستفيد بعدين منــه (;

3. خلك متفائل وإدعي لنا معاك.

دانيال

[/align]

دانيال حبيبي
عسى الله يسعدك يالغالي ويوفقك ويجزاك عني جنة النعيم
اسعدني ردك يالغالي واسمح لي أوضح ردي في نقاطك المذكورة

النقطة الاولى بالنسبة للشرط الجزائي فصراحة ماعندي الفكرة الكاملة عنه ولكن برأيي انه شرط طبيعي لأني متفق معاهم بعقد سنة معناه المفروض التزم بهذي السنة لأنهم معهد تدريبي ويجيهم طلاب وانا راح اكون مدرب فصعبة انه مايحطوا شرط جزائي اذا تركتهم وتركت الطلاب في مدة اقل من عقدي
ومااتوقع ان هذا له علاقة بانني أجيب لهم طلاب او كذا لانه وظفتي مدرب وأكيد استدعوني بوجود حاجة عندهم وطلاب والا أيش رأيك يالغالي نورني لو عندك وجهة نظر

النقطة الثانية اشكرك من قلبي والله عليها لانها بتفيدني وتفيد غيري
فعلا وجهة نظرك فيها صحيحة ومحتملة الحدوث وراح أخذها بعين الاعتبار


لو عندكم اي وجهة نظر او إفادة فسأكون سعيد وممتن لكم لو كتبتوها على الاقل لو مااستفدت منها انا يستفيد غيري منها
عسى الله لايحرمكم الأجر ويسهل دروبكم ياكريم

يالغالي الله يوفقك
وان حبيت تقرا نصيحتي توكل على الله ووقع العقد ترى شرط العقد مو كثير بالنسبة لك يعني 5000 لو كل اول 3 رواتب تجمع فيها المبلغ مراح تتعب يوم تفسخ العقد وغير كذا انت جيت بوقت مو موسم تقاديم , بداية السنة الشركات توظف بكثرة .وفي الاول والاخير استخير وبالتوفيق

بس نسيت اسالك أكيد تعرف شرط ال90 يوم بين الموظف والشركة من بداية توقيع العقد اللي هو يحق لاحد الطرفين فسخ العقد بدون الرجوع للطرف الثاني حاول انك تسال عنه هل المبلغ حق قيمة فسخ العقد يُدفع بعده او من البداية اسال اهل الخبرة بيفيدونك تحيتي

الله يعطيك الف عافية يالغالي
من جد الف شكر لتفاعلك حبيبي
والله انا كمان فكرت نفس التفكير انه عادي مو مشكلة لو ضحيت بمبلغ راتب شهر
وانا خبرتهم اني موافق وانتظر بس رد الادارة العليا في الرياض ويارب خير
وجالسين ننتظر حافز لين يفرحها ربك وقدمت على ديوان الخدمة المدنية والله يوفقنا واياكم يارب

الله يوفقك تستاهل كل خير

أخوي الغالي الله يوفقك وصدقني إنها طيبه وخاصة إنها نفس تخصصك وهذا يساعدك في تطوير شخصيتك للعمل ويبعد عنك رهبة العمل الجديد وحلوه كون فيه خبره ..

ترى الوظيفه زينه وتحس بمكانتك بالمجتمع وتقدر تجمع منها مبلغ في حال أتت لك فرصة أفضل ..

أخي العزيز / ابي اقول لك شي الخمسة الالف ماهي صعبه بس انت حاول انك تستثمرر وقتك ع شان تحصل ع الخبرررة مثل اجيب لك الحل بس انك تحاول انك تجتهد في المعهد وتثبت نفسك علمن ان الموهل العلمي حقك ماهو بسيط وانت تشتكي من الشروط وهي الخبره والخبره تكتسب من المعاهد هذي يعني مثلاء انك توفر من الراتب 500 حق الشرط الجزئي يعني انك تحسب حق انك يوم من الايام تطلع من الوظيفه علمن انك راح تستفيد من الاحتكاك بالناس وتآخذ خبرات انا اشوف انك تشتغل في المعهد والله نصيحة يقول لك شي
( حب ماتعمل تعمل مآآتحب )
ببالتوفيق لك أخوي