[align=center]السلام عليكم ورحمة الله وبركاته ..

صباح الخير / مساء الخير[/align]

اقدم لكم تجربتي .. انا موظف في اسوق العثيم

بحكم ان مكان العمل قريب من بيتي .. يعني ادقها كعآبي

قدمت اوراقي للإدارة وقالوا لي باشر العمل وسوف نتصل بك حتى توقع العقد

سألتهم هل هالايام محسوبة لي .. قالوا نعم محسوبة .. قلت حلوو شيء طيب

المهم مالكم بالطويلة .. اول دوام كان لي بأول شهر ميلادي يعني 1 /2011/8

وكنت اداوم اول بأول واتأخر احياناً 10 دقائق بالكثير

دوام العمل طبعاً 8 ساعات اللي مكتوبة في العقد لازيادة ولا نقص

فكنت بدل ما اجلس 8 ساعات .. اجلس يوميا من تسع الى عشر ساعات يكمل دوامي وانا ماخرجت


طبعاً ماقدر اخرج الا بأمر المشرف واذا خالفته يهددني بالفصل والاستغناء عني

وتحملت هالكلام .. والضغوطات بحكم اني اكون صبور ..


عدا اول شهر ومانزل لي راتب .. وجاء الشهر الثاني .. ونزل في حسابي 3039 ريال بس


راتب شهر وأسبوع !!

رحت اسأل المدير .. قال لي برفع لك ايميل < ياكثر مايقولها ولا تفيد

قلت .. يالله بصبر يمكن خيرة لي ..

بعد ماتحققت من الموضوع .. حاسبين لي اسبوع فقط من الشهر ..اللي باشرت فيه بعد توقيع العقد



مو مشكلة ماقلت شيء ..


لكن تفاجئت .. ان راتبي للشهر الاخير .. نزل بحسابي 38 ريال .. فقط

ومعتمد من الادارة ..


طيب وش اسوي ؟؟؟

كلمت المدير .. وكالعادة .. قال يوه .. غريب والله وكلمته .. برسل ايميل للإدارة

داومت 15 يوم من بعد الراتب وقدمت استقالة ..


ورحت اطالب يراتبي قالوا لي .. راجع مدير فرعك

وراجعت مدير فرعي .. يقولي .. انتظر والى الان .. لي اسبوع كل ما اتصل عليه يقولي .. ماوصلني شيء من الادارة ..

يعلم الله اني بحاجة الوظيفة وما أملك وسيلة نقل .. وجالس اكمل دراستي الثانوية الليلية ..


وفوق هذا خاطب .. وعلى وجه ملكة ..

مانقول الا الله يعين ..

وحسبي الله على من كان السبب ..

انا موظف بالعثيم منظم ارفف

اغلب المدراء يفرقون بين السعودي والاجنبي اقصد بالاجنبي الهندي والفلبيني والنيبالي

الاجنبي حتى لو يتاخر ما ينخصم راتبه وراتب الاجنبي مثل راتب السعودي فرق 200 ريال الاجنبي ياخد 1300 والسعودي 1500 من العثيم و 1500 من الموارد البشريه

رآتبي 3000 ريال

مع خصم التأمينات الاجتماعية .. 2725


يقولون السبب .. في تقليص راتبك عجوزات كاشير

وانا .. ماعندي الا .. 200 ريال فقط ..

الله يعينك ويسر امورك يارب

موفق بإذن الله ... لك مني أجمل تحية .

حاول انك تتصل على الاداره بنفسك وتطالب بباقي رواتبك وانت غلطان مفروض يكون عندك اثبات انك موظف عندهم من اول يوم مباشرة عمل لكن اذا شفت ان الوضع تأخر وراتبك ينزل على حسابك بالبنك اخذ كشف وقدم شكوى هذا حقك واذا قالوا لك عجوزات ومن هالكلام روح راجع العجز الي طالع عليك ويمكن فيه اخطاء بالحساب ولا تنسى تطلب منهم يحذفون اسمك من التأمينات ومكتب العمل لا يستغلونه بدون علمك

[align=center]اخوي نصيحة لا تفكر بالزواج الا بعد ما تحصل وظيفه تستقر فيها وراتبها معقول...لا تورط نفسك....الله يوفقك
[/align]

الله يساعدك
طالب بحقك لا تسكت عنه

الله يوفقك وصبرك ماراح يروح بلاش ان شاء الله


وطالب بحقك لآخر نفس والله بيعوضك

الله يوفقك