السلام عليكم
الطريقة انك تشتريلك بضاعة بالجملة و تروح توزع على البقالات بالآجل تأخذ من البقالة مبلغ بسيط ثم ترجع له بعد يومين او ثلاث وتاخذ دفعة من المبلغ أو بعض البقالات يعطيك كامل المبلغ و ينزل من عندك بضاعة ثانية إذا عجبه الوضع
و أنصحك تركز على البيبسي و تتخصص فيه أو تتخصص في الحلويات و بطاطس الأطفال عليها طلب كبير و شكرا

اللي ابغا اعرفه اشوف الموزعين معهم دفاتر كذا زي الفواتير
يعني اصلح له فاتوره واخليه يختم عليها بختم المحل هذا روتينهم يعني بس والا كيف

أنت من أي مدينة عزيزي

الشغله حلوه يبغالها ثقة لازم انت تثق في راعي البقالة يعني تخلي التعامل معاه مبني على الثقة وهو اذا ارتاح لك راح يتعامل معاك على طول واذا حس منك عدم ثقة فيه ما راح ينزل منك ..

طبعا تروح للمكتبات الكبيرة تلقى دفتر فواتير نسختين نسخه بيضاء ونسخه صفراء او زرقاء خذ لك منه دفترين ولما تروح للبقايل تنزل راح ينزل من عندك ويعطيك مبلغ مثلا نص القيمه وبعضهم يعطيك كاش اذا جيته في اول الشهر يكون استلم مديونيات الناس الي عنده وعنده سيوله فطبعا زي ما قالك الاخ انصحك وبشدة في الببسي + المويه + البطاطس ليز وتسالي .

طبعا اذا بتاخذ بتوزع ببسي تحتاج لدينا كبيرة عشان تتحمل وعاملين معاك عامل للتنزيل وعامل يقردن ( القردنه هي اقناع الهندي الي بالبقالة ) لأن خبرك الهنود ما يشترون من سعودي الا اذا تبيع لهم بخسارة يجوك زي الدود المهم خل معاك عامل يكون لسانه ذرب ومن الساعه 8 شغل الدينا وامسك احياء متتالية عشان ما تلف كثير وازين شي تاخذ الاحياء الي بعيده الي في اطراف المدن ما يوصلها المندوب بدري دايم يتأخر عليهم وراح تصرف الدينه في يوم واحد اذا كنت نشيط يعني لا تقول اوه جا الظهر ابرقد ابريح لا ما ينفع هالكلام لا تطفي الدنه الا لما تخلص الي بالحوض او تبقى كميه ..

طبعا شف الفواتير تفيدك من عدة نواحي اولا تسجل فيهم زبائن دائمين لك ويبغالك كروت تعطيها لهم عشان يتصلون عليك لما يبون بضايع وقولهم انا بتاع كله يعني مو بس ببسي يعني باقي الاغراض تجيبها لهم من تجار الجملة بالطلب وتاخذ على الطلب مثلا 100 ريال مع الببسي ودايم طلباتهم مو كبيرة يعني بحدود 500 ريال .

اخوي الشغله يمكلفه كثيرا ومحتاجه الى سياره دينا او فان وبصراحه يبيلك توفر كل شي يخص البقاله بجميع الانواع وفي الأخر مكاسبها قليله مقارنة بالتعب والمجهود ولاكن انصحك بتوزيع المنتجات البلاستيكه فيها خير ومحصوره على بوفيهات ومطاعم ومكاسبها حلوه والله يوفقك

موفق بإذن الله ...