19-11-2011, 07:17 PM
|
عضو نشيط
|
|
تاريخ التسجيل: Jul 2011
المشاركات: 186
معدل تقييم المستوى: 7385
|
|
|
تفاصيل يوم السبت1432/12/23هـ المباحث(معه إعتذار)
السلام عليكم ورحمة الله وبركاته:
الرتبة بإذن الله عريف
بالرياض
في البداية تجمعنا عند البوابة تقريباً الساعة 5:30
ودخلنا الساعة 6:00
وبعد ذلك صفونا في الطابور ويتأكدون من الهوية و من طباعة نتيجة القبول
ثم أنتظرنا حتى الساعة تقريباً 7:00 طبعاً هذه هي المجموعة الثانية
لأن الباص تقريباً يأخذ 20راكب
ثم مشينا في الباص تقريباً نصف كيلو
وبعد ذلك دخلونا في القاعة بالترتيب
ملاحظة كل واحد يجيب معه قلم حتى لا يجلس ينتظر مثلي جلست أنتظر حتى يخلصوا من القلم
(يعني أعتمد على نفسك)
ثم أعطونا أوراق نعبيها الاسم و تاريخ الميلاد و أغلب البيانات اللي بالهوية الوطنية
و إذا عندك دورات أو مهارات تكتب نوع التخصص أو المهارة ومدتها و أسم الجهة اللي أخذت عندها الدورة
أو المهارة
بعد كذا تسجل اسم الوالدة وجنسيتها
ومقر السكن الدائم في أي منطقة وأي حي و أي شارع
وبيانات الإتصال
رقم هاتف البيت الثابت
رقم جوال
رقم جوال
وصلة القرابة
والصفحة الثانية
تكتب الاسم
ورقم الهوية
والمؤهل الدراسي
والصفحة الثالثة على ما أعتقد
إقرار بالموافقة على الرتبة
و الصفحة الرابعة
إقرار بخلو المتقدم الصرع والأمراض النفسية
هذي كل البيان السابقة نعبيها يعني كل واحد يجيب معه قلم أزرق
ثم نتقدم بالترتيب
على الكراسي اللي قدامنا
يختمون اللي عبيناه قبل شوي
ويتأكدون من الشهادة وصورة لهويتك الوطنية وصورة من هوية الجد و صورة من هوية الأب و صورة من دفتر العائلة و 8 صورة شخصية ملونة مكشوف الرأس بالثوب
وليس الملابس
ثم نجلس حتى يخلصوا كل أخويانا
ثم نروح للمبنى المقابل
ندخل غرفة نجلس الترتيب
ثم ينادون علينا بالاسماء
للغرفة المقابلة للكشف الطبي ثم نخلع الشماغ و الطاقية والنعال وأنتم بكرامة ثم يأخذون الطول والوزن
ثم يأخذون قياس النظر وعمى الالوان
ثم نروح لغرفة ثانية نجلس بالترتيب حتى يخلصوا كل أخويانا
ثم نطلع الدور الثاني نجلس في غرفة بالترتيب
ثم ينادون علينا بالترتيب للمقابلة الشخصية في الغرفة المقابلة
نرفع أكمام الثوب حتى المرفق ونرفع السروال حتى الركبة و نربط الثوب كأننا بنصعد النخل
ويسألونا أسئلة
ثم نطلع في الغرفة اللي كنا فيها بعد الكشف الطبي حتى يكتمل العدد
ثم نروح بالباص ويحطنا عند البوابة
ويقولنا النتيجة النهائية
بيجيكم اتــــــــــــــــصـــــــــــــــــــال يعني اتركو الجوال شغال
بالتوفيق للجميع
أعذروني على الموضوع السابقة لأني كنت أكتب وبعد ذلك خرجت من النت اللي بالمقهى بسرعة
وقلت حتى ما تضيع الأفكار ما فيه طريقة احفظها إلا هاذي الطريقة
وسامحوني على القصور على فكرة حبيت أعطي معلومات اللي عندي و أترك لأخواني اللي حضروا معي اليوم يعطونكم تفاصيل أكثر
لأني ماراح أكون متواجد على طول بالموقع لأن النت بالبيت ضعيف جداً
وأتمنى من اللي حضروا اليوم يواصلوا في نفس الموضوع حتى لا يكون هناك تشتيت في المواضيع إلى اللقاء,,,,
تحياتي للشباب اللي كانوا معانا من الطائف اللي سألوه عن المبشرين بالجنة واللي قالوا له أحلق شنبك
بالتوفيق للجميع,,,,
التعديل الأخير تم بواسطة عاطل يبي التقاعد ; 19-11-2011 الساعة 07:42 PM
|
العرض الشجري
