السلام عليكم ورحمة الله وبركاته

انا ببالي مشروع ضيافة الطفل طبعا اطلعت على الشروط وكل حاجة

لقينا بيت ..دور واحد مساحتة 540 متر مربع

6 غرف و مطبخ ومخزن و3 حمامات وصالة كبيرة مساحتها 30 ..وساحة مساحتها 80 متر ..

اجارها 70 الف بالسنة ..مع دخول بمنافسة مع كثير يبون يأجرون هالمكان ..

وهو في حي سكني ..وتقريبا مستوفي الشروط ..

لكن السؤال ..هل مشروعي يستدعي بهالمساحة هالسعـــر ؟؟!!
ولا كثير ولا طبيعي ولا عادي وكم تقترحون .؟؟؟

لقينا وماباقي شي على توقيع العقد ..بس هل السعر غالي ولا عادي يعني بالشهر 6000 الاف ريال

احس انه واجد وكثير مررة ..بس بما أنة حضانة وتجارة فاكيد الاستغلال ..

وش رايكم ؟؟؟!!

اخوي عندي فكره....




استاجر محل داخل مجمع

تكون روضة اطفال موقته


يعني اجي بطفلي واخليه عند الحضانه واروح اتسوق


بس مشكلة الملاهي الي بالمجمعاات

بس فيه ناس يستخدمونها ...


اما تستاجربيت لا ما انصحك


انصحك افتح روضه وخلاص احلى لك وسوي اعلانات قويه



موفق والله يرزق

هل عملت دراسة جدوى للمشروع ؟

هل دخل الحضانة يغطي قيمة الإيجار والمصاريف الباقية ؟

هل في نهاية السنة تخرج بربح أم بخسارة ؟

بعد ما تجيب على هالأسئلة يمكنك تحديد هل الإيجار يستحق أم لا ... لأن ممكن تحصل مكان للإيجار بـ 100 ألف لكن موقعه ممكن يدخل عليك 300 ألف ريال

وممكن مكان إيجاره 5 آلاف ريال ولا يدخل عليك سوى 1000 ريال

انا مااعرف يعني ..توقعاتي ربح مئة بالمئة ..(من باب التفاؤل )
لان المشروع الوحيد بالمنطقة اللي ساكنة فيها ...

واستقبال 150 طفل باليوم ..فقط ..برسوم شهري ..500 ريال وعليكم الحسبة ..اضرب وغير اليومية 35 ريال ..


مادري انا سئلت هل يستاهل ام لا ..؟؟؟!!

أرى أن السعر عادي بناء على المساحة خصوصا إذاكنت في مدينة سعر العقار فيها مرتفع
لكن أهم شيء يجب أن تحرص عليه هو القيام بدراسة جدوى واقعيه
وأنصحك بنشر استبيان في المنطقة على أرباب المنازل تطرح فيه هذا السؤال
هل ترغب في تسجيل اطفالك في دار ضيافة الطفل وبسعر500 شهريا ؟

من اكثر اسباب الفشل بالمشاريع هو العمل من باب التوقع والتفاؤل

دائما نتفائل اننا راح نربح .. ولا عمرنا حطينا احتمال 1 % احتمالية خسارة ...

اختي المشروع يحتاج دراسه مستفيضه ... دراسة مبنيه على حقائق وليس مبنيه على تفاؤل ...

من وين توقعتي انو بيكون عندك 150 طفل ؟؟؟

هل الـــ 150 طفل راح يجون لك من اول يوم افتتاح ؟؟ او ممكن تجلسي سنة كامله عشان تجمعي فيهم ؟؟

ماهي طرق واساليب التسويق اللي راح تعتمديها عشان تجذبي اكبر قدر ممكن من الاطفال ؟؟

ماهي مميزات المشروع ؟؟؟

وما هو الاسلوب اللي راح تشغلي فيه المشروع ؟؟

كم التكلفة الماليه ؟؟؟ او حسبنا الايجار ونسينا التأثيث الداخلي بما يتناسب مع بيئة الطفل ؟؟؟

هل حسبتي حساب الديكور والرواتب والتكاليف كلها ؟؟؟؟

كم عدد العملاء المتوقع تسجيلهم لاطفالهم .. نبغى تأكيد للمعلومة وليس تفاؤل ...

يالطيبه ما ينفع تدخلي مشروع وانتي ماعندك معلومات ودراسه للمشروع ...

كما ان الاستبيان كما قال احد الاخوان لا يعطي الصورة الكامله للسوق ...

فالكثير منا يجاوب على الاستبيان من باب المجامله او من باب ياليت ..

لكن لو جاء الجد ما راح تدخل طفلها ...

الاستبيان اصبح حبر على ورق ولا يعكس الصورة الحقيقية لحاجة المجتمع لاحد المشاريع

اختي حفظك الله .. مبلغ الايجار ليس هو الاشكال بالموضوع .. الاشكال كله يكمن هل ينجح المشروع ام لأ ...

كلامي مثل اخوي تسويقار معقوله يجي من اول يوم 150 طفل !


الا اذا عندك معرفه او عندك محل سابقا تحولين الاطفال

غير كلام الاخوان
ما تشوفين ان 70 الف كثيرة على دور واحد وخاصه انه سكني مو تجاري؟؟؟

^^

يمكن هي من سكان مدينة الخبر او مكه وقريبه من الحرم او في شمال الرياض علي حسب الموقع اخوي يرتفع الاجارات






اختي تذكرت شي ما قد فكرتي كم عدد المدرسات او الموضفات في الحي والاحياء القريبه منها !


عشان هذي نقطه فاصله في نجاح المشروع

عملت دراسة الجدوى ..وكل اللي كتبتة عندي له دراسة ..من والى ..لكــن انا سئلت هل الاجار غالي ام لا ..

عدد المدرسات مايقارب 400 الى 500 مدرسة او اكثر ويوجد بالمنطقة اكثر من 7 مدارس ....واول مشروع بالمنطقة ..اللي انا ساكنة فيها ..


عشان كيذا توقعت النجاح ووممكن عمل بروفة اسبوع مجانا للتجربة هل هي تمام ام لا ..