ضيف جديد هل من مرحب...تفاصيلي بالداخل ..أرجوا الدخول

تاجر بخيالي · #1 (**permalink**) 21-11-2011, 10:09 AM

السلام عليكم ...صباح / مساء الخير

اخوكم من المدينة المنورة موظف براتب بسيط ابغى أطور وأزيد من دخلي وأبني مستقبلي ومثل ما انتوا عارفين القطاع الخاص ماله امان ورواتبه ضعيفه نسبياً اللي عنده اقتراح لا يبخل علينا علماً بأني متابع للمنتدى من فترة واعجبني فيه بأن ترابط الاعضاء مع بعضهم البعض مثل ترابط الاخوان واكثر بعد فأحييكم على هذي الروح واتمنى للجميع التوفيق والسداد
علماً بأن دوامي كل صباح 8 ساعات يوميا وبعد الدوام متفرغ شوروا عليا يا اخواني واخواتي....ولكم مني الدعاء بظهر الغيب
......ودمتم بحفظ الرحمن......

ماخفي أعظم · #2 (**permalink**) 21-11-2011, 10:24 AM

اولاً

يامرحبا تراحيب الغلا

ويسعدني أكون أول عضو يرحب فيك

حياك الله أخوي بين أخوانك

وإن شاء الله تعالى تفيد وتستفيد

لك ودي

المواضيع والأفكار كثيرة جدًا شوفها وادرسها واستخير الله

بالتوفيق

تاجر بخيالي · #3 (**permalink**) 21-11-2011, 11:14 AM

أبقاك الله وبيض الله وجهك ووفقك دنيا واخرة

ابي احقق امنيتي · #4 (**permalink**) 21-11-2011, 11:52 AM

حياك الله معنا ولنا الشرف انك تكون احد اعضاء القسم

الصافي دانون · #5 (**permalink**) 21-11-2011, 12:09 PM

حياك الله ونتشرف بوجودك معنا

والمشاريع كثيره ودعم الاخوان المعنوي ان شاء الله راح يفيدك كثير

ومن نصايحهم وخبراتهم

تقبل مروري

تاجر بخيالي · #6 (**permalink**) 21-11-2011, 12:14 PM

مروركم على صفحتي شرف لي ووسام على صدري

للطموح مشوار · #7 (**permalink**) 21-11-2011, 05:06 PM

حياك الله اخووي ,,

والله شف وانا اخوك المشاريع كثير وفيه منها الناجح وفي منها اللي لك عليه ولكن الواحد قبل يبدأ لابد يدرس الخطه والفكره لاجل ينجح فيهاا وتمشي اموره باذن الله ,,

وانا لي عندك مشروع الا وهو بيع المسك ودهن العود والسبحات ,,

يعني مشروع ماشاء الله تبارك الله وخصوصآ انك في المدينه المنوره السوق معك راح يمشي زي الحلاوه بأذن الله ..

انا اقولك ..
اول شي نتوكل على الله سبحانه وتعالى ..
تشتري لك كم حبه دهن عود + مسك ابيض او اسود وانا افضل الابيض لانه هو اللي يمشي + سبحات بالجمله وفيه بالمنتدى ناس تبيعها وبالجمله وسعر مناسب ,,

لاخلصت من دوامك رح للبيت وروق وتغدا واتكل على الله وسو لك بسطه عند المسجد النبوي او مكان مثل كذا ,, لان تعرف زوار المسجد النبوي كثير وراح تلقى الفائده باذن الله انت راح تشتري جمله بسعر رخيص ممكن 50 حبه دهن عود بـ 6ريال ومسك , بتبيعها تجزئه بسعر 25 او 20 او 15 انت وشطارتك ,, وباذن الله راح تلقى فائده ,, او تبيع على المحلات العطورات وماشابه ,,

والله يا اخوان لاحد يستهين بالشغلات البسيطه لها مدخول قوي وماشاء الله تبارك الله سوقها ماشي ,,

أتمنى لك التوفيق اخوي واذا حبيت افيدك بأي شي الخاص موجود

الله يوفقك

القارب · #8 (**permalink**) 22-11-2011, 02:37 AM

زر مــوضوعي في التوقيع ممكن ان يحوز على رغـبتك ... وابدء بالقليل .

ومــــــــــوفق إن شاء الله ,,,

تاجر بخيالي · #9 (**permalink**) 22-11-2011, 10:53 AM

...بيض الله وجيهكم وماقصرتوا في اقتراحاتكم وجعلها ربي بموازين حسناتكم يوم لا ينفع مال ولا بنون الا من أتى الله بقلب سليم...

أخي للطموح مشوار : الله يجزاك بالخير وماتقصر يا غالي واكيد منك استفيد

اخي القارب : الخاص مايرسل عندي لأني عضو جديد اتمنى انك ترسلي رقمك على الخاص للتواصل وانت من اي مدينة ؟؟؟ ....

................................ودمتم بحفظ الرحمن..................................