وعليكم السلام ورحمة الله وبركاته

الله يوفقك .. ماعندي فكرة عن التكاليف

المشروع طبعا راح يكون ناجح إن شاء الله ومربح إذا كان المستوى الاقتصادي لأهل الحي جيد واخترت المكان المناسب

ملاحظة :

مشروعك رائع

كنت افكر فيه من فترة

يــجي من يــفيدك إن شاء الله ....

مـــوفق أخوي ,,,

هذي نصيحه لك علق لافته في المقهى ان اذا انقطع البث للمباراة او صار اي خلل في الشاشات

قلهم ان الجلوس مجاني حتى لو باقي خمس دقايق على المباراة لأن أحياناً آخر خمس دقايق عادتاً ما تكون اهم خمس دقايق في المباراة كلها . حتى لا تتعرض لموقف محرج مع الزبائن ويمكن يكسرون المقهى .

مجرد تنبيه والله اوفقك وينجح مشروعك انشاءالله

بالتوفيييييييييق

لا هنتوا جميعا على الردود الطيبة والتوضيحية .رغم انها ما شفت غليلي

ولكن نعم .المشروع مدروس جيدا وموقع المشروع الافتراضي في مكان راقي
وفيه اقبال على هالمشروع لو افتتح ..لانه يقدم خدمة حلوة للشباب من اهم باب

وهو أن الشباب غالبيتهم من العاطلين .اللي ممكن ما يستطيع انه يدخل في استراحة شباب
يكون فيها مثلا شاشة وكروت قنوات .ويبتلش ويقعد يقط كل شهر قطية توصل للـ500 ريال ..
عشان يكون مع الشباب باستراحة يتابعون فيها المباريات ..فهالمشروع يريح كثيرين من هالغثاء
لانه لو يبي يجي يوميا ويتابع ويشرب اللي يبي ..لمدة شهر ما راح تكلفه نصف هالمبلغ ..؟

هذي نقطة مهمة ..


عاطلة مش بطالة ..ان شاء الله وضحت لك صورة الجوائز المقترحة كنوع من الجذب "لا قمار فيها"

سعودي 2008 .. قصدك انه لو حضر الشباب مباراة و دفعوا رسوم الدخول .و لما تبي تنتهي المباراة
وينقطع البث أما لعطل كهربائي . أو لاسباب فنية بالكرت أو حتى النقل التلفزيوني . .؟ ارجع مبالغ الرسوم لهم ؟

(صراحة ما لي ذنب إلا أذا ..انتهى الكرت اللي عندي و لكن صعبة يصير هالموضوع بمباراة منقولة ومنتهية)


..وارجع أسأل ..لو فتحت هالمحل وتبي تتابع عندي .مباراة مهمة لفريقك .كم تتوقع الرسوم وكم اخر شيء راح تدفعه .؟ و اسأل كتوقع ..كم راح تكون تكاليف هالمشروع بهالشكل المذكور ..؟

موفق بإذن الله ... لك مني أجمل تحية .