السلام عليكم،

أنا مبتعث ومأجز عند أهلي، قلت أدور لي وظيفة حقت شهر شهرين ثلاثة بالكثير استغل فيها وقت فراغي ومنها اجمع فلوس للتذكرة والسكن والمواصلات لا وصلت هناك،


اليوم اتصلت على باب رزق جميل ( مكتب عبداللطيف جميل ) وسألتهم عن الوظايف ..
قلي موجود بمكتبة العبيكان كاشير الراتب 3500 ريال دوام كامل ..
قلت له طيب عادي لو بعد شهرين انفصل ؟
قلي لا مافي وظايف مؤقته
اوكي شكراً مع السلامة

الي بعرفه ياشباب ليه وش المشكلة لا اشتغلت مثلاً كاشير بالعبيكان وشهرين ثلاثة وفصلت منها،
هل فعلا لو توظفت فيها وفصلت بعد شهرين راح تصير مشاكل ولا كيف ؟ ماني فاهم ؟ يعني لو جلست فيها شهرين ثلاثة وقلت لهم بنفصل بسافر ، يبقى اسمي ف مكتب العمل والعمال والتامينات الاجتماعية ؟ ولا ينلغي ؟

أحد يفيدني جزاه الله خير ؟

الاخ / سطام المحترم
السلام عليكم ورحمة الله وبركاته وبعد
اولا : عند التقدم لأي وظيفه من الخطأ انك تقولهم ابي اترك العمل بعد فتره اكيد ما راح يوافقون على ها الشيء يعني وانا اخوك لاتقول لهم انك بتترك العمل بعد فتره بضرب لك مثال تخيل تجي تبي تتزوج وحده وتقول لأهلها ابي اطلق بنتكم بعد شهرين احد بيوافق انه يزوجك ؟؟؟ اتوقع المثال واضح

الشيء الثاني اللي حاب اقوله لك ما يمنع انك تشتغل معهم وتوقع العقد لانه تسجيلك بالتأمينات الاجتماعية لو كانوا يسجلون بالتأمينات ما راح يتم الا خلال شهرين من مباشرتك للعمل ونظام التأمينات الاجتماعية ينص على انك في حالة ترك العمل قبل سنه بإمكانك تسحب مستحقاتك من التأمينات الاجتماعية بشرط مثل ما قلت لك ما يكون عدى عليها سنه

اما بالنسبة انه عليك مشكله او لا هذا يعتمد على حسب بنود العقد اللي راح توقعه معهم اذا ينص على اي شروط جزاءية او لا ، بس غالبا ما يكون في شروط جزائية ومجرد ما تترك العمل خلال كم شهر اللهم ما راح يكون لك اية حقوق بالشركة .

اتمنى اكون افدتك
وتقبل تحياتي

عليكم السلام ورحمه الله وبركاته،
حياك الله

الشكر الجزيل لك أخوي الكريم وداعاً للبطاقة على إثرائك بالإجابة على سؤالي،
البلوي

من المعروف ان اول 3 شهور بالعمل فترة تجربة يحق لاي من الطرفين فسخ العقد

وانت مثل ماقال اللي قبلي لاتقولهم بمشي بعد شهرين

داوم الشهرين بعدين استقيل وماعليك شي