24-11-2011, 12:40 PM
|
 |
عضو مميز
|
|
تاريخ التسجيل: Aug 2010
المشاركات: 1,068
معدل تقييم المستوى: 454377
|
|
اقتباس:
المشاركة الأصلية كتبت بواسطة حلم حياتي اتوظف
لي 4 سنين واسمع عن نزول العقار وما حولك احد كل ماله وهو طالع
ناس تطبل للنزول وناس تطبل انه راح يرتفع اكثر والحق فرص العمر ومدري وشو وكلهم تعبانين
الي بيشتري بيت وعنده سيوله راح يشتري بعدين هو يشتريه عشان يسكن فيه لسنين طويلة فوش الفايده من اخباره ان بيته بينقص سعره ؟ طيب ينزل السعر هالسنتين او العشر سنين مرده بيطلع اكثر من السعر الي شريت فيه ولما يبيعه ما راح يبيعه بخساره هذا بيت مو سيارة يعني الواحد اذا مل من بيته راس ماله 10 الاف ويغير ديكور بيته بالكامل وراح يشعر انه في منزل جديد .
تجار العقار 99% حراميه ونصابين وكل ربحهم مبني على الكذب والدلس والغش الله ينتقم منهم .
الحل اذا بينزل من الدوله هو بناء مدن جديده يعني ما اعرف ليه في اراضي خالية بين المدن بمئات الكيلو مترات ارض خلاء وش يمنع ان تبني الدوله فيها مباني حكوميه كالوزارات وتحط فيها الخدمات والناس كذا يزيد خياراتهم بدل ما ننحشر كلنا في مدن معدوده وزحمة السير الي خنقتنا خنق وين ما تروح زحمه وراك وراك
|
لا حرام عليك 99% بالميه انا ارى انه 100 % وليس 99%
والادلة كثيرة جداً ومايحتاج نقولها
وبعدين عمركم شفتوا صاحب عقار له اعمال خيرية او بصمات في المجتمع او مسوي خير للناس
كلها يارفع العقار ويادمار للناس وغش وحيل وشوفوا كيف عند الشراء يبخس السلعة وعند البيع ما شالله
تقول مافيه غيرها بالعالم
على فكرة اشتغلت بالعقار كم شهر وليتني ما اشتغلت كرهت حياتي نصب وقرف وتدليس وتلميع
كان فيه مرة من المرات ناس جيران اهلي طلعوا من بيتهم دورين بالقصيم طبعاً وراحوا سكنوا المدينة المنورة ..ماعليها البيت مو ذاك الزين عادية
المهم الكلام هذا قبل ارتفاع العقار الصاروخي والمعروف مين السبب طبعاً اصحاب العقار اللي حوشوا على الاراضي والشقق والفلل والمحلات حتى المستودعات وربما الشعير ههههههه
بعد ماطلعوا كلمت ولدهم لأن ابوهم متوفي الله يرحمة قلت له تأجرون البيت قال ايه قلت كم
قال الدور الاضي 15 الف والدور الثاني 9 الالاف
قلت طيب ممكن اشوف البيت قال خلاص حنا يومين بس وبحط المفتاح عند العقار الفلاني
قلت تمام بعد يومين رحت للعقار واخذت المفتاح وشفت البيت ماعليها كويسة
رجعت للعقار وقلت اوكية ابي الدور الثاني قال اجارها 13 الف قلت ما شالله اجل الدور الارضي بكم
قال 18 الف قلت لاياشيخ ومين اللي حط الاسعار قال صاحب البيت قلت لاياحبيبي صاحب البيت انا اعرف كم حاط السعر قال كلمة انت وشوف بلغة الواثق اللي مايخاف الله المشكلة كبير وعنده دستة اعيال
قلت طيب اوكية يالله سلام
دقيت على الولد وقلت له السالفة قال لا نفس الاسعار اللي قلت لك وحتى اكدت عليه وانا لو انت مو ولد جيراننا كان ماصدقتك
قلت تعال وشوف والا ارسل احد ويستطلع الامر قال خلاص انا بعد شهر جاي للقصيم وبأخذ منه المفتاح
وبس خلاص
يتبع مليت
|
العرض العادي
