عندي مقابله شخصيه في الرياض في الشركه الي بالتخصصي موقعها
سوال تخصصي حاسب الي كيف المقابله الشخصيه كانت للي تخصصهم حاسب
افيدوني جزاكم الله كل خيرر عن طبيعه المقابله

انا ترشحت قبل اكثر من سنه وست اشهر لوظيفه بأحوال عسير .. وعلى اساس يتم التوظيف بغد 3 شهور وكملنا سنه وما شفنا منهم شي ... المهم قبل فتره غيرت رقمي فما ادري هل ممكن بعد هالمده يتذكرون انهم وعدونا بالوظايف و يرجعوا يتصلوا علينا .. عشان اتصل احدث بياناتي واعطيهم رقمي الجديد والا ما فيه امل
واذا فيه احد ترشح لوظايف عسير واستلم الوظيفه يا ليت يفيدنا ..

السلام عليكم

أنا اتصلوا على شركة علم قبل ثلاثة أيام وقالوا معك مقابلة في مركز طاقات
لوظيفة مرشد توظيف ؟
ياليت اللي يعرف شيئ عن المقابلة يكتبها أو عن الوظيفة بكره المقابلة

قدمت على اكثر من وظيفة في شركة علم

مع توفر المهارات اللي تحتاج لشغل هالوظائف

بالاضافة اني خريجة برنامج الابتعاث معدلي عالي ومرتبة شرف

وجداً احب المجال اللي درسته واتمنى اتوظف بشركة متخصصة مثل علم


لكن ماوصلني منهم اي دعوة


بالتوفيق لنا ولكم ان شاء الله

انا بقولكم حقيقة شركة علم من واقع تجربة

جاني فيها وظيفتين في مشروعين مختلفات


الاول مع انه عندي خبرة 5 سنوات ومعاي دبلوم ...اعطوني راتب 5 الالاف ومافيه شي غيرها لابونص او بدل دوام او حوافز او اي شي وكان عملي موظف خدمة عملاء واستقلت لان الفرص الي فيالسوق كثيرة والرواتب اكثر ....هرفي صاروا رواتبهم 6 وبدون خبرة هههه

وبعد فترة اتصلوا على بخصوص وظيفة في المطار وقالوا رشحناك لوظيفة مسؤول عمليات والراتب مايقل عن 8 قلت خير باذن الله وجيت وتكلمنا عن الوظيفة والعمل والي بيصير وبلاخير قالوا انتظر منا العرض وبلاخيرارسلوا لي العرض وكان الراتب بعد خصم التامينات سته وثلاث مية ودوام شفتات وفي المطار ....قلت الله الغني وشكرا لكم


الحقيقية الشركة سمعتها اكثر من عملها وكلكم تعرفون السبب لان صاحبها طووووووووووووووووووووووط ....

بس كمميزات ورواتب واستقرار وظيفي ...مافيه للاسف ونسبة التسرب الوظيفي فيها عالية


هذه تجربتي معهم والله اعلم

انا سبق وان تكلمت عن الشركة ومميزاتها وكنت احد موظفيها

الشركة صار فيها تغيير في المناصب العليا وتخبطت فيما بعد ايام تعييني فيها كانت اكثر من ممتازة والمدراء افضل من ممتاز حتى الفصل كان لازم يوقع عليه الرئيس التنفيذي ولكن من بعد التغيير صار مديرك المباشر يقدر يفصلك

وهذا سبب تسرب كبير من الموظفين وتم فصل الكثير من الشباب وانهاء عقودهم وكثر توظيف الاقارب من تحت الطاولة حتى الاحوال المدنية رفض تجديد العقد مع الشركة لمدة عشر سنوات واكتفت بثلاث سنوات مر عليها الان سنة ولمن تكلمنا مع الادارة عن وضعنا بعد ثلاث سنوات اذا ماجددت الاحوال المدنية مع الشركة قالو راح ناخذ منكم الافضل ونحولهم الى مشاريع ثانية والباقي مع السلامة خاصة الي ماكملو ثلاث سنوات مع الشركة

ولكن الحمدلله انا الان في البنك الاهلي وراتبي ضعف الي كنت استلمه من شركة علم

مختصر الكلام اعلاه

( وظيفة في ادارة شركة علم راح تستفيد من كل مزايا الشركة وراتبك يكون عالي ) اما في ادارة المشاريع ما اقول الا كان الله في عونكم

السلامم عليكم ورحمة

اخوي ياسر واخوي عاطل بحكم خبرتكم في شركة العلم

بالنسبه لشركة علم هل يحق للمدير المباشر يفصلك ؟؟
بنظام العمل السعودي اتوقع هالشي مب على كيفهم ولا ؟

لاني ناويه اقدم اعتراض على بعض السياسات التعجيزيه
اللي صايرين يتعاملون فيها معنا بعد ماكانت الشركه توب بداية التوظيف !!!!

حتى تعديل الوضع من ناحية الرواتب والدرجات فيها كلام كثير

عجيب امرهم واللي زاد الامر سوء القسم النسائي وفصلهم عن الرجال كانت امورنا اسهل مع مديرنا السابق
واكثر مرونه ومن يوم تسلمت الاداره نساء وهي من سيء لاسوء


ارجو افادتي بخبرتكم من ناحية الفصل ؟؟ وهل هو كلام دقيق ؟


مع جزيل الشكر

افيدوني ياشباب

انا جاني عرض بالادارة الرئيسية بشارع العروبة

ومتردد بخصوص الزيادات السوية والبونص والتطوير

افيدونا احسن الله اليكم