معليش شباب انا توني انتبه لموضوعكم دا مع اني يوميا هنا

راح اكتب كل اللي عندي ويارب يستفيد منه الجميع ..وخاصة الاخوان اللي معايا من جدة .

الكلام للمتقدمين من جدة .

1/ اي شخص جاه ايميل انه ترشح ح يدقوا عليه ويحددوا له موعد المقابلة واللي بتكون في جواد سنتر .
2/ المقابلات بدأت من يوم الأحد تقريبا او الإثنين الماضي اقصد الأسبوع الماضي
3/ المقابلة عادية جداً وباللغة العربية وعامة وهي بكل حال فقط لإثبات اتزانك وقدرتك على الكلام والقائمين عليها محترمين جداً واسلوبهم لبق وبعيد عن الإستفزاز او رفع الضغط .
4/ اخبرني المسؤول أن العدد تقريبا 170 مرشح للمقابلة الشخصية ومنهم يتم ترشيح المؤهلين لإختبار الشخصية .
5/ يوميا يتم استقبال عدد بسيط ومعين في المقابلات بين 10 الى 15 .
6/ سألته عن موعد الإختبار قالي بين اسبوعين الى ثلاثة ..طبعاً هالكلام الإسبوع الماضي ..ولو جينا الآن نقدر نقول ان المتبقى على ابعد تقدير تقريبا اسبوعين هذا على ابعد تقدير .

موفقين وان شاء الله يتم ترشيحنا جميعاً .
بروح اليوم لجواد سنتر واسألهم عن موعد النتائج
اتأخروا
وان شاء الله لما ارجع بعطيكم التفاصيل

هلا هموم الوظائف
حلو حلو
انا بروح اليوم الجواد سنتر في نفس المكان اللي عملت فيه المقابلة وان شاء الله الاقيهم هناك وبسألهم ..
بس ما اعرف فيه اخوان لسه بيعملوا مقابلات ؟؟

كمان ارجوا من الاخوان اللي عملوا اختبار الشخصية مدري النفسية يعطونا الأسئلة
هو اختبار زي قياس ؟
او تحريري ؟
اختيار من متعدد ؟؟
نبغه نتجهز من بدري ويارب الكل موفقين و يتوظفوا

والله يالغالي انا سئلت اللي عملوا لي المقابله ..وقالوا لي لو اجتزت مرحله المقابله الشخصيه راح تنتقل لمرحله الاختبار والاختبار عباره عن اختيار متعدد لاانجليزي ولا مسائل حسابيه ولا فيزياء ولا كميماء ولا شيء وانما يحدد شخصيتك شوف الاختيار اللي تطيب لك نفسك واختاره سواء موافق او غير موافق او محايد ولو كنت تختار اختيارات عشوائيه هذا ينعكس على مصداقيتك لان الاختبار تعمل لك شركه مختصه بهذا الشان وهم متعاقدين معها ..والله يوفقنا جميع