الاخ ياسر بخصوصي عملة المقابله واختبرت من تقريباً سنه واجتزتها وكنت في قائمة الاحتياط والان لي الاولويه الاولى في التعيين وللمعلوميه الفرع اللي انا راغب التعيين فيه محتاج ولاكن توصلت مع الاخوان في الموارد البشريه وافادوني ان التعيين على مشروع الاحوال متوقف من قبل وكيل الوزارة لوكالة الاحوال المدنيه علماً ان مسمى الوظيفه مسؤول خدمة عملاء ... هل مازال التعيين متوقف او لا؟؟؟

ياجماعة الخير كلنا بالهوا سوا لنا الان سنة واحنا ننتظر مشروع الديوان الملكي

ولاحس ولاخبر ولا احد يدري عن هالمشروع شي

الاخ غربة هو غير متوقف من قبل الوكيل السنة هذي حصلت اشكالية تغيير الوكيل بالسابق اللواء الفداء والان العبدوهاب واتوقع ان ملفات الموظفين اما ان تكون معلقة في لجنة التوظيف بالوكالة او انها معلقة بالشؤون الامنية للمسح الامني وفعلا التاخير واضح وللان لم يتم مباشرة الاخوان الجدد بجدة والمفروض انهم باشرو العمل من الشهر السابق

وانا اؤكد لكم ان التاخير ليس من قبل شركة علم الله يوفقكم جميعا اخواني ولو عرض عليكم اي مشروع غير الاحوال نصيحة لا تفوتوها كل الاماكن حلوة سواء كانت بالديوان الملكي او مكتب وزير الداخلية او الجوازات او الاحوال او المطارات

ألأخ ياسر بخصوصي حسب مافهمت من الاخوان في الموارد البشريه انتهيت من مرحلة المسح الامني ووصلتهم الموافقه لاكن مازلت انتظر وكذالك افادوني ان وكيل الوزاره لوكالة الاحوال المدنيه هو من اوقف التوظيف على مشروع الاحوال ويمكن انه يلغي المشروع وهم ينتظرون توجيهاته... هذا اللي فهمته منهم والله وانا اخوك مااحنا متشرطين ودنا بواظيفه في اي مشروع لان الشركه تعتبر من افضل الشركات في الشرق الاوسط من واهم شي الامن الوظيفي

اخ ياسر ياليت تفيدنا عن وظائف الاحوال المدنيه في المدينة المنورة بالنسبه للقسم النسائي
عملنا المقابلات والاختبارات في شهر ذي الحجه الماضي وكل مانتصل عليهم لا جديد

يعني هما عندهم وظايف واحتياج؟؟ ولا بس احتياط طلبو موظفات و اذا اتوفر شاغر يكلموهم؟؟
وبيوظفو كل البنات اللي نجحو في الاختبار وخصوصا انو العدد كبير؟؟ وقد ايش نستنى.. احوال جده تقريبا في نفس الوقت اختبرو معانا وتقول قريبا بيبدا توظيفهم
طيب احنا متى ؟؟

احنا من المرشحين للديوان الملكي وكملنا تقريبا سنة كاملة واحنا ننتظر وخلصنا المسح الامني من زمان وكان عذرهم انهم ينتظروا رد الديوان بالمباشرة وجاهم الرد واستدعونا عشان نعطيهم صور بطاقة الاحوال وصور شخصية ورحنا وعطيناهم وبعدها سحبة اسبوعين ودقوا علينا قالوا تعالوا وقعوا تصاريح وتعهدات خاصة بالديوان ورحنا ووقعنا والحين كملنا 3 اسابيع لاحس ولاخبر وكل ماتسألهم يقولك قريبا بنتواصل معكم ولايعطيك الصدق ليش مدري طيب وين وصلت الاجراءات وش صار مايقولك الا اذا هو دق عليك

يعني مدري ليش كل هالمماطلة دام اننا انتظرنا سنة كاملة وجاك المسح الامني وجاك رد الديوان

وفوقها لسى باقي فحص طبي واجراءات ثانية يعني يالليل ماطولك شكلها بنصك السنتين

السلام عليكم ورحمة الله وبركاته،

وصلني بالأمس إتصال من شركة العلم، وسئلني هل الان موظف أو لا، قلت له لا، قال يعني نكمل إجراءات التوظيف حقتك قلت له أي نعم، علماَ أني متقدم على وظيفة خدمة عملاء في أيواء الشميسي عن طريق مركز طاقات من أربع شهور، ايش معنى كلامهم، هل انتهوا من المسح الأمني ؟؟؟؟ هل تمت الموافقة ؟؟؟؟؟

السلام عليكم ورحمة الله
بخصوص وظائف مشروع مطار الملك خالد مافيه اخبار جديده؟
خلصت من المقابله واختبار اللغه قبل اسبوعين
وبالمقابله قالوا ان المشروع يبدا بشهر 5ميلادي

أخبار عن مشروع الاحوال المدنية بتبوك
احد باشر هناك ياشباب

تم تدشين موقع الشركة الجديد ولاكن هناك مشكلة كل ما احاول ادخل على بياناتي عن طريق بوابة التوظيف تظهر لي رسالة مفادها ان اسم المستخدم وكلمة المرور غير صحيحه علماً اني متأكد من صحتها اتمنا احد يفيدنا هل هي مشكلة تقنية ام تم ازالة بيناتنا من قاعدة بيانات الشركه وهل حصل امر مماثل مع احد غيري