والله ما صرنا عارفين وش نهايتها كملنا السنه من وصلتنا رسايلهم بأجتياز المقابلة والاختبار واجتزنا المسح الأمني وكل مانتواصل مع الشركة يقولون احنا في اجراءات التوظيف لما تنتهي الاجراءات يتواصلون معكم والله حالة ... الخوف بعد كل هذا الصبرومايوظفونا.. نعم هي ارزاق وبيد الله وحده لاكن ياليتهم يقولون بتتوظفون ان شاءالله بعد سنتين او مافي وظايف ويريحونا ويرتاحو هم كمان.. الله كريم

طيب ياجماعه ينفع نشتكيهم على وزارة العمل
يعني عملو لنا مقابلات واختبارات في مراكز وزارة العمل اللي هيا طاقات واعطيناهم بياناتنا وسيرنا الذاتيه وعدينا كل العقابات معاهم واخرتها توظيف وهمي
يعني مو معقوله سنه ولا سنتين ونستنى وظيفتهم بس ضحك على وزارة العمل وعلينا مادري على اي اساس وظفو الناس اللي معاهم حاليا وناس لا رغم انو الجميع عدى المقابله والاختبار

وبعدين مانسمع في احد من اللي قدمو معانا اتوظف ولا احد من اللي في التجمع الحالي توظف عندهم
غير موظفين قدامى الله العالم بالواسطه ولا الشركه لسه كانت في بداية التوظيف وكان عندها احتياج

ياليت يعني يقولو خلاص مانبغى نوظفكم ويبطلو حركات اننا نوظف الشباب السعودي ويدخلو طاقات و وزارة العمل وماشوفنا شي

اكثر الوظائف اهمية وحساسية في الدوله ما تستغرق كل هالمده للتوظيف .. سنتين يمديهم يسوون بحث امني عن جدي السابع .. لكن الموضوع واضح ما فيه لا مسح امني ولا غيره لان ما فيه وظائف من الاساس ..
والمقابلات والاختبارات اللي اجروها كلها شكليه تستفيد منها الشركه بشكل ما ..

وقت المقابله والاختبار كان الوضع جدي جدا وكانوا سريعين في النتائج .. لكن بعد مرور كل هالمده واعذارهم الغير مقنعه اتضح ان الموضوع فيه إن ..
حسبي الله عليهم

السلام عليكم أخواتي وإخواني الأفاضل ،،، اتواصلت مع شركة علم اليوم وحولني الموظف على القسم النسائي سألتها عن التوظيف وقالت انتي بأي مدينه قلت جده ،،،قالت :والله عزيزتي التوظيف حاليا متوقف قلت : كيف يعني،، قالت :ممكن يتواصلون بعد شهرين او اكثر مو واضح قلتلها لازم نفهم كيف يعني نبحث عن وظائف اخرى مثلا ،، قالت : إيه . قلتها شكرًا وجزاكم الله خير ،، حسيت نفسي اتحطمت لآني منتظرتها وأحلم فيها كل يوم ومجهزه نفسي لها،،، لكن العوض من الله ،،،، الله يرزقني ويرزقكم أجمعين من واسع فضله. ،،،، سامحوني على الإطاله . حبيت أوضح وافضفض.

السلام عليكم
انا قدمت قبل 5 ايام على وظيفة اوبريشنز اوفسر.
جاني إتصال اليوم الساعة 10 الصباح من شركة علم
سألني كم سؤال وقال احنا حابين نعرف مستواك بالانجليزي ممكن تتكلم عن نفسك بالانجليزي.
المهم تكلمت و بعد ماخلصت قال لي راح احط اسمك في قائمة المقابلات الشخصية وراح نتواصل معاك قريباً.
ياترى هالاجراء صار معاكم من قبل؟
تتوقعون متى يردون عشان المقابلة؟

السلام عليكم ورحمة الله وبركاته
بنات الي قدموا على الاحوال ابها قبل سنه ارسلوا لكم رساله
انا ارسلوا لي اليوم عالاميل كاتبين عزيزي المرشح عليك تحديث بياناتك ما ادي وش السالفه المشكله نسيت الملف الشخصي كيف ادخله وتنبيه الوظايف وبياناتي من وين ادخل لها لان لي سنه تقريبا من يوم ارسلوا لي رساله الترشيح

برضو اناكمان وصلني ايميل منهم يطالبوني بتحديث بياناتي على بوابة التوظيف طبعاً مشروع الاحوال / ابها ومن سنة وصلتني رسالتهم اني اجتزت الاختبار والمقابلة وكل ما اتواصل معاهم يردون احنا شغالين على اجراءات التوظيف وراح نتواصل معاكم الله كريم عن نفسي ما راح احدث بياناتي وكيف يطلبون منا تحديث بيانات واحنا متقدمين على وظايف وتم عمل مقابلة واختبار لنا على هل الاساس يعني هم يبون منا نقدم من جديد ونرجع من نقطة الصفر..