[align=center]
والله يا شباب فرصه حلوه نصيحة لكل واحد يقرأ كلامي او يبلغه للي يمون عليه .

فرصة لا تخليها تعدي اول شيء استخير ربك بعد كذا ابذل السبب وداخل للدراسة سواء معك دبلوم او ثانوي او كفاءة .

منت خسران شيء أقل شيء (( تتعلم انجليزي وتاخذ شهادة )) ويا كثر الوظائف اللي راح تلاقيها اذا اتقنت اللغة .

سواءاً وظائف حكومية او قطاع خاص وبرواتب حلوة .
وصدقوني (( سعودة المقاولين انا قريت اكثر الحكي اللي انقال فيها ان شاء الله تترسم بعد كذا سنة ))
شيء مهم (( لنفرض انك لقيت وظيفة حكومية بالثانوي او الدبلوم او الكفاءة كم حيكون الراتب ؟ أكيد حيكون قليل مقارنة بشركات سابك )) لا أحد يقول الراتب 4000 ريال (( على حد علمي هذا الاساسي و 1000 بدل سكن وفيه بدل مواصلات وغيرها من المميزات )) .

بالنسبة للعمر لا احد يقول عمري 28 سنة وبعد التخرج بيصير 31 او 32 !
يعني فين تبي تروح وعمرك 28 (( العسكرية مثلا راح تتمرمط في العسكرية حتى لو راتبها 7000 ريال ))
ترى الراحة النفسية شيء مهم في الوظيفة .

انا ولله الحمد استخرت كذا مره والحمد لله جاء اسمي في المقابلة في الجبيل يوم 24 / 1 .

اذا انقبلت فالحمد لله واذا ما انقلبت فالحمد لله أستخرت وفوضت امري لله والله عز وجل ما راح يضيعني عرف ان هذا الشيء ما يصلح ليه لجل كذه ما قبلوني وانا الحين اكتب لكم هاذي الكلمات اشعر اني في سعادة ما توصف .
بعكس بعض الناس متوتر ويشيل هم المقابلة انا ويعلم الله ما ني شايل هم شيء .

بقلكم شيء عن نفسي واعتبروني اخوكم الصغير واقل منكم بكثير من الناحية الثقافية او من ناحية الطموح وغيره .

تخرجت من الثانوي وعمري 26 سنة دراسة ليلي وتأخرت لظروف مهب بيدي مهب هجولة شباب ،، لا والله بس حكم القوي على الضيف مثل ما يقولوا بمعدل حلو ودخلت الجامعة وعمري 27 سنة قسم انجليزي لأني هاويه جلست شهرين وفصلت (( مهب ظروف هاذي المره بس جتني حالة نفسية من بعض الدكاتره )) .

جلست كذا سنة ابحث عن وظائف لما وصل عمري 29 سنة لقيت وظيفة في شركة براتب 1365 ريال جلست فيها سنتين و 10 أشهر في هاذي الفترة كنت ادرس كلية تقنية بعد العصر الى العشاء تقريبا تخصص شبكات حاسب آلي وتخرجت ولله الحمد بمعدل 4.97 من 5 مثل ما يقولوا قطعت الكتب من المذاكره كنت كل يوم اذاكر زيد على هذا المناهج كانت باللغة الانجليزية رياضيات ومعادلات و امن شبكات و و و كلها انجليزي مع هذا كنت ما اغيب لدرجة اني كذا مره احضر لوحدي للمحاظره وباقي زملائي غايبين .
خذيت الدبلوم ورحت للرياض لجل اكمل هندسة بس بسبب ان عمري كبير رفضوني قالوا اذا بتدرس ادرس بفلوسك 92200 مبلغ جامد صح ! قدمت ابتعاث بس رفضوني بسبب العمر .
المهم خلصت الكلية ودفعت لهم مبلغ 12000 ريال كل ترم 3000 ريال وانا كنت موظف اول سنة ونص تقريبا براتب 1365 ريال . بس للأمانة في آخر سنة تقريبا او قبلها رادوني 500 ريال المهم لما قدمت الاستقالة كان راتبي 2300 ريال .
قدمت استقاله قبل 6 أشهر تقريبا .

دخلت على مواقع الوظائف بالنت وارسلت لهم السي في حقي وانقبلت بكذا شركة آخرها في (( شركة نسما في الهيئة الملكية بينبع واجتزت الاختبارات كلها ودقوا عليه وقالوا تعال قلت كم الراتب قالوا 4000 ريال فما رحت ))

جتني وظيفة في شركة (( منار العمران براتب 3000 ريال بالرياض وقبلوني وحطوا اسمي في التأمينات وبعد يوم من توقيعي العقد لقيت شركة ثانية بجدة وكنسلت منار العمران لدرجة ان مدير شؤون الموظفين يقلي امنا لك سكن خاص لوحدك قريب من الشركة وركبنا لك مكيف و و قلت الغي العقد ولله الحمد لغوا اسمي من التأمينات .

العقد الثاني اللي بجده (( شركة الخريف لها موقعين لما قبلوني استاجرت جنب الشركة بالضبط سكن عزاب وفي اليوم الثاني قالوا بننقلك ماكن آخر وترك الشركة مع ان راتبها اكثر من 4000 ريال ولأن ما عندي سيارة اقرب اداوم فيها رفضت العمل فيها قلت ابي الموقع الاول بس محد رد عليه )) .

وكذا وظيفة جتني بس ناسيها .

الحين في شركة بن لادن عملت المقابلة ورواتبها زينة وكبيره (( لا تنسون ليه موضوع في قسم ناسيه في هذا المنتدى بخصوص الرواتب وطبيعة العمل اللي يحب يقرأ )) .
باقي الفحص الطبي ان شاء الله قريب .

قلت لنفسي انا استخرت في شركة بن لادن وفي دراستي في شركات سابك اذا توفرت ليه الدراسة توكلت على الله ورحت ادرس اذا الله عز وجل ما اراد اني ادرس فلله الامر من قبل ومن بعد .

عمري الحين قربت على 33 سنة عندي خبره سنتين و 10 أشهر مدخل بيانات .
عندي دورة لغة انجليزية مدتها 4 اشهر من معهد wall street .
عندي دورة 3 اشهر (( تطبيقات الحاسب في الاعمال المكتبية )) .

لا أحد يا أخوان يقول عمري وأنا بسكن بعيد عن أهلي .
أنا من سكان الطائف وان شاء الله اذا قبلوني بدرس في الجبيل او ينبع بعيده عني الاولى حوالي 1500 كيلو والثانية 400 كيلو .

بسال اخواني اللي متذمرين من الدراسة وش هي حجتكم ورى ما تدرسون ؟

آسف على الاطالة عندي استفسار السكن مال الطلاب قريب من مكان الدراسة ؟ يعني اقدر اروح برجولي ؟

عمري الحين
[/align]

اسف عندي اخطاء املائه كأني من البنقله كلامي مكسر بس يمكن احد يقول جتك وظائف برواتب حلوه ورى ما دخلتها وانت تنصحنا وتقول ادرسوا وتوظفوا براتب 4000 ريال .

اقلك أنا عندي طموح لو وحده من هاذي الشركات اللي قدمت عليها فيها دراسة ومثل شركات سابك كنت استخرت ودخلتها من زمان بس طموحي اني احب الدراسة .

ومثل ما قلت اذا ما صار ليه نصيب فيها ان شاء الله راح ادخل شركة بن لادن اذا ربي وفقني فيها وبحاول اني اكمل دراسة (( تعليم عن بعد )) .

نسيت شيء مهم كل هاذي الوظائف اللي جتني مهب لسبب ان مؤهلاتي تسمح ليه اني اتوظف فيها .

انا اعتبر مؤهلات (( ولا شيء اقولها بدون مجاملة )) .

بس ولله الحمد كنت اسمع قصص عن الاستغفار ومن ناحيتي مقصر حيل لكن كل ما تذكرت الاستغفار اجلس استغفر والصلاة مع اني مقصر فيها بالحيل احيانا أأخرها عن وقتها واحيانا انام عنها لكن الله يغفر لي ويغفر للجميع .

اتعجب من واحد كل يوم يستغفر الله أكثر من 10000 مره والله ان اموره متيسره .

بعض الناس الله يصلحهم وأياي يقول استغفرت بس مالقيت نتيجة (( أكيد انه ما يصلي او عاق والدين او ماكل حقوق الناس وظالمهم )) .

هذا اول شيء يحاول اصلاح ما بينه وبين الله ثم الناس بعد كذه راح يشوف نتائج الاستغفار .

اذا منت مصدق جرب (( الله عز وجل قالها في كتابه ابحثوا عن آيات الاستغفار )) (( ومن أصدق من الله حديثا )) .

القصص دليل على كلامي هذا وهي مليانه بالنت ابحثوا عنها .

التوفيق من الله في اي وظيفة او توفيق في دراسة مهب لأنك ذكي او انك تذاكر او بسبب مؤهلاتك .

أنا اعرف شخص معاه بكارريوس قانون جلس 10 سنوات ليما توظف وظيفة حكومية مع ان هذا التخصص حلو ونادر .

وثاني مهندس له كذا سنة مالقي وظيفة .

عرفتوا الحين لما قلت (( صلاتك واستغفارك وقبل كل شيء بر الوالدين وعدم ظلم الناس )) .

حاول انك تعدّل حالك مع الله ومع الناس وشف كيف الوظائف تنزل عليك بالكوم . ولازم الاستغفار والصلاة .

ما لايعلمه الكثيرون ان الاستغفار لله تعالى من
الذنوب هو مفتاح لكل طلب ورزق ان شاء الله.
فالله سبحانه وتعالي يقول في سورة نوح :

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))..


اذن الاستغفار سبب لنزول المطر
الاستغفار سبب لمسح الذنوب
الاستغفار سبب للرزق والمال
الاستغفار سبب للحصول على الذرية
الاستغفار سبب للحصول على النعيم
وهذا كلام الرحمن وليس كلامي كما هو واضح في سورة نوح .

وقال تعالى (وما كان الله ليعذبهم وأنت فيهم وما كان الله معذبهم وهم يستغفرون)

ففي حديث أبى سعيد الخدرى رضي الله عنه
أن رسول الله قال:
"إن الشيطان قال:
وعزتك يا رب لا أبرح أغوي عبادك ما دامت أرواحهم في أجسادهم
فقال الرب تبارك وتعالى:
وعزتي وجلالي لا أزال أغفر لهم ما استغفروني".
أخرجه أحمد وأبو يعلى والحاكم وقال صحيح الأسناد..


وعن أنس بن مالك رضي الله عنه قال:
سمعت رسول الله صلى الله عليه وسلم يقول:
قال الله تعالى:
" يا ابن آدم إنك ما دعوتني ورجوتني غفرت لك على ما كان فيك ولا أبالى يا ابن آدم لو بلغت ذنوبك عنان السماء
ثم استغفرتني غفرت لك ولا أبالى يا ابن آدم إنك لو أتيتني بقراب الأرض خطايا ثم لقيتني لا تشرك
بي شيئا لأتيتك بقرابها مغفرة"
رواه الترمذي


دعونا نكثر من الاستغفار عن ذنوبنا حتى
ينفعا الله بما رزقنا ويزيدنا من رزقه

جزاك الله خير ياخوي

جزاكم الله خير جميعآ على كلامكم الحلو وماقصرتو ~~

والله يوفقنا في ما يحبه ويرضا

اخوي نواز اشكرك على كلامك الحلو
وكلامك عين العقل ولله يسهل عليك
ويختآر لك الطريق الصحيح
تقبل تحياتي

استغفر الله العظيم