[align=center]

شباب يوم الاثنين اللي طاف سويت المقابله 24 / 1 .
(( آخر شيء في كلام مهم جدا جدا ))
موعدي كان الساعه 10 وجيت الساعه 9 وقلي ادخل (( استشفيت من هذا الحكي مواعيد المقابله روتين يعني لو مقابلتك الساعه 2 الظهر وجيت الساعة 7 قلك ادخل المهم في نفس اليوم وهذا مجرب ))
اتذكر واحد مقابلته الساعه 1 الظهر وجاء الساعه 10 وكمل اجراءات المقابلة ..

لما وقفت عن الكاونتر قلي الموظف اسمك قلك (( فيصل العتيبي )) قلي انت متأكد انهم ارسلوا لك رساله ! قلت ايه قال وش مؤهلاتك قلت دبلوم قلي .... قلي كذا وشيك على اصحاب الدبلومات ولقي اسمي .
وقلي عطني اوراقك (( مؤهلك صورة البطاقة الشخصية واذا عندك خبرات ودورات هاتها )) اعطيته المؤهل والخبرة (( حتى اني جبت من التأمينات برنت وخذاه )) مهم جدا اللي عنده خبره ياليت يروح للتأمينات وياخذ برنت + شهادة الخبره اللي مختمه من الشركة ..
واعطيته دروة الحاسب 3 أشهر ودورة الانجليزي 4 اشهر وخذا مني صوره شخصيه ولزقها على الابلكيشن .
وقلي فين تبي تدرس ؟ (( قلت في ينبع )) كتب جنب اسمي (( ينبع )) وقلي خذ اوراقك ادخل الغرفه دخلت غرفة النشاط لقيت الاخوان مشغلين (( ستلايت قناة الجزيره الوثائقية على ما أظن حلقة عن الثعابين ههههههههههه اشكال تخوف قلت من الحين الجماعه مسوين فلم هندي )) .

بعد شوي جاء الموظف وجلس يشرح كيفية التعامل مع ورقة الاستبيان .

الورقه كالتالي رقم هويتك + رقم جوالك + ايميلك + اسمك ...
بعد سطرين اسئلة اختبار شخصيه 25 سؤال ،،، عباره عن 25 صف وفي كل صف 4 أعمدة يعني مثل كذا

ـــــــــ 1 1 1 1
ــــــــ 1 1 1 1

كل صف فيه عباره مثل (( جريء ــ لا تتحمل المسوؤلية ــ واثق من نفسك ـــ ظريف ))
الصفة اللي تنطبق عليك من بين هاذي الجمل تحط بجنبها في المربع الصغير حرف m والصفة اللي بعيدة عنك كل البعد تحط بجنبها حرف L (( يعني لازم في كل صف تكتب حرف m وحرف L .

إلى نهاية الـ 25 صف ويقلك الموظف معك 10 دقايق لجل تنتهي من حل هاذي الاسئلة ....
بعد كذا تسلم الورقه للموظف

بعد كذا قال اللي عنده سؤال (( قلت اذا اشتغلنا في احدى شركات سابك هل فيه ترسيم في سابك ؟ قال ما أظمن لك )) .
واحد ثاني سأله قال (( في فتره التطبيق هل ناخذ راتب (( قصده المرحله الاخيره من البرنامج )) قال لا ما تاخذ راتب المكافأة فقط 1500 اذا بتسكن خارج سكن الطلاب و 1000 ريال اذا بتسكن بسكن الطلاب )) .

بعد كذا خرجنا لبيت شعر كبير جلسنا فيه والموظف جاب الاوراق كلها حقت اللي اختبروا لموظف آخر داخل بيت الشعر .

بدء الموظف ينادي بالأسماء فلان قم خذ هاذي الورقه الصغيره (( مكتوب عليها لجنه رقم 1 او 2 او 3 او 6 )) ومع هاذي الورقه الصغيره يعطيك اوراقك (( اللي هي عباره عن حلك لإختبار الشخصية وباقي اوراقك مؤهلاتك وغيره )) .

لما دخلت خيمة رقم 3 (( لجنة رقم 3 خارج بيت الشعر )) لقيت 3 مشرفين من سابك وكل واحد قدامه ابلكيشن اول ما تدخل تعطيهم اوراقك ويكتبون اسمك على الـ 3 ورقات حقت الابلكيشن .

كل واحد يسألك سؤال ويحط صح او يكتب كتابات في الابلكيشن .
اللي في النص قلي اخ فيصل تكلم عن نفسك وعن مؤهلاتك تكلمت وذكرت له نسبتي و و و .
قال طيب سالني عن نفس تخصصي بالكلية التقنية رسم رسمه في ورقه 4 خيمات وقال كيف اقدر اسوي شبكة لهاذي الخيام (( نسيت اقلكم انا تخصصي شبكات حاسب آلي )) المهم ذكرت له كل شيء مع وجود اخطاء .
سالني عن (( الهب )) و و و .

اللي بجنبه قلي سؤال وما جاوبت عليه قلت ما عندي خلفية (( مدري اش قلي الظاهر قال في بعض التلفزيزنات فيه usb والحين وصل usb الى (( فيرجن )) 2 .
اش فايده هاذي ،،،،،،،،،،،،،،،،،، لخبطني مدري وشهو هذا السؤال دخلني من الجبيل وطلعني على البحرين .

الثالث قلي ما شاء الله معك دورة انجليزي (( توهقت قلت ايه )) قال طيب اتكلم شوي خلينا نسمعك .
قلت انا اسمي فيصل ولدت بالرياض وهواياتي السباحه والقراءة (( حتى اني اتذكر اني قلت (( ماي هابي )) هواياتي هل الكلمة صحيحة ؟ رد عليه واحد ثاني وقال لا (( ماي هوبي )) .

آخر واحد قلي انت متزوج قلت لا اعزب بعد كذه قلت خليني اقولها لك بالانجليزي singal .
آخر شيء قال عندك خلفية عن البرنامج ؟ قلت ايه ...
وقلت كم الراتب بعد التخرج قلي 4000 ريال أساسي قلت حتى الدبلومات ! قال حتى الدبلومات ....

.....................................

ملاحظه ياليت تجي للمقابلة وانت جنتل مشخص عشان الغتره والعقال الظاهر ان لها درجات .

شيء مهم المقابله كلها بالعربي لكن لما عرف ان معي دورة انجليزي قلي تكلم انجليزي نبي نسمعك
اما الباقين اللي بدون دورة عربي ونصيحه لكل واحد عنده دورة انجليزي لو اسبوع واحد يرفقها
راح تفيده ..
كمان اللي عنده خبره ياخذ برنت من التأمينات ظروري جدا
الوضع اقل من طبيعي
حتى اتذكر ان واحد دخل بيت الشعر بعد انتهائه من المقابله وقال المقابله سهله ..

قال الدراسة (( بعد شهر ونص هذا الحكي من الموظف او المشرف اللي في بيت الشعر ))
قال تبدأ الدراسة بعد شهر ونصف .
بعد اللي لفت نظري واحد اجنبي اختبر معنا (( مصري باين من لبسه والشنطه اللي معاه ومن لهجته ))
ودخل واختبر وعمل المقابلة (( هل البرنامج هذا خاص بالسعوديين او الاجانب ))
[/align]

شباب نسيت شيء

أهلية حافز اليوم نزلت ياليت تشيكون عليها

انا جاني مكتوب

تاريخ التحقق 23 محرم 1433
حالة الاهلية مؤهل

البرنامج من اسمه سعوده مقآولين
اليوم حصلت مشكلة عندنا بالكلية
الي هي ماعطونا مكافاه خلال 3 شهور من درستنا
وصراحه الطلاب يمكن يسون شي يشبه الثوره هع
يطلبون بحقوقهم وصراحه شي يقهر
لانهم قالو لزم تشترون البدله ~
واحنا قلنا مارح نشتري البدله الا لمن تنزل المكافاه
وصراحه ظلم كبير ناس تنزل لهم وناس ماتنزل
وناس تنزل لهم شهر وشهرين لا
وفيه الي مثلي مانزلهم ولا شهر سلامات ؟؟؟
شي يقهر صراحه لكن الله يعين بكرة نشوف وش بيصير معهم