28-12-2011, 02:49 PM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
[align=center]
ما ابي احطم بعض الناس لكن دام انهم اتصلوا على بعض الاخوان والبعض محد دق عليهم أكيد الآخرين ما قبلوهم مثلي .
لكن بحاول اني ارسل لهم ايميل وقلهم (( فين كلامكم اللي تقولونه قبول اصحاب الدبلومات والجامعات ))
يمكن غيرت الصيغة شوي هاذي هي الصيغة (( تدريب وتأهيل عدد ألف متدرب سنوياً من خريجي الثانوية العامة مع عدم استثناء خريجي الدبلوم والجامعات أو ما دون الثانوية العامة لبعض التخصصات المحدودة ))
طبعا انا تخصصي حاسب كلية تقنية ومختار (( مساعد اداري + وعندي خبره ادارية 3 سنوات + لغة انجليزية لابأس فيها )) .
فما ادري هل راح يكونوا عادلين ويتركون الوساطات ويراعوا ضميرهم شوي ولا يتركون بعض الناس اللي عندهم مؤهلات وجداره لجل يمسكون مناصب في هاذي الشركات او بتدخل الوساطات ؟
اضرب لكم مثال (( واحد قبلوه وقبل لا يدقون عليه جاء واحد وكلم فلان من الناس في سابك في ولده او ولد عمه فقال المشرف في سابك والله اكتفينا السنة الجايه ان شاء الله يقدم وابشر اصر عليه هذا الادامي إلا هاذي السنة فقال المشرف بسابك طيب راح نزحلق واحد ونحطه مكانه )) .
عن نفسي والله اني مقهور على اخواني اللي قدموا ومحد قبلهم (( أخوي توه متخرج من الثانوي تخصص علمي ونسبته طيبه وله الحين حوالي 3 اسابيع محد رد منه أكيد انهم ما قبلوه )) .
ومره اقول في نفسي لو اعتمدوا المشرفين في سابك على اختبار الشخصية ولقيوا ان هذا المتقدم ما ينفع فأقول هذا الشيء ظلم عمر اختبار الشخصية ما يحدد شخصية المتدرب يمكن هذا المتدرب حل الاسئلة بسرعه من دون لا يركز فيها يمكن كان وقتها حالته النفسيه معكره يمكن ويمكن ))
اما عن المقابلة الشخصية فأقول انها فاشله على حسب نوعية المشرفين يعني يسألونك في اشياء تافهه ومن خلالها حكوا عليك بعدم القبول ..
مثال (( أنا اخوي لأنه توه صغير ما قدر يجاوب على بعض الاسئلة عشان كذه ما قبلوه )) .
بعد اسبوع ان شاء الله براسلهم وشوف ان شاء الله اطلع بنتيجه ويمكن يتصلون عليه ...
وفي الاخير ابارك لكل واحد قبلوه واقله شد حيلك 3 سنوات تعدي مثل الريح او سنتين وأتركك من الفله في الوقت الراهن اللي بتدرس فيه وبعد التخرج ان شاء الله فلها على كيفك .
واقول لكل واحد ما قبلوه (( يمكن خيره لك انك ما درست وخصوصا اذا انه استخار كذا مره ))
[/align]
|
العرض العادي
