فتح باب القبول مجدداً لمشروع سابك لسعودة وظائف المقاولين

عاشق العاالمي · #**671** (**permalink**) 17-01-2012, 01:30 AM

اقتباس:

المشاركة الأصلية كتبت بواسطة أقسى الجروح

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين ,,,وبعد
السلام عليكم ورحمة الله وبركاته....وبعد

وصلني رسالة اليوم

محتوى الرسالة(بعد ان تم ترشيحك لمشروع سابك لسعودة وظائف المقاولين والذي سوف يبدأ في يوم السبت الخامس من شهر ربيع الأول1433هـ الموافق28يناير2012م في كلية ينبع الصناعية فسوف نقوم بالاتصال عليك غداً لتأكيد رغبتك للانضمام للبرنامج نرجو الحرص على الرد السريع على المكالمات).
وعقبالكم يارب
سوالي ياشباب س/الواضح من الرسالة انو خلاص انقبلت نهائي ولا باقي في اختبارات؟
وابي نصيحتكم الله يجزاكم خير
انا انقبلت في البحرية ودورتي في 15/3/1433هـ
تنصحوني اروح سابك ولا عسكرية ...وشكراً

ايوه خلاص تم قبولك نهائي مابقى اختبارات ولا مقابله بس باقي تدقيق شهاداتك والفحص الطبي بس

اما العسكريه او مشروع سابك والله ماقدر افيدك يالغالي بشي >>> استخير واذا انت صغير بالسن ورايق للدراسه >> ادرس

اما اذا مالك خلق على الدراسه العسكريه ماتخذ وقت

أقسى الجروح · #**672** (**permalink**) 17-01-2012, 01:32 AM

اقتباس:

المشاركة الأصلية كتبت بواسطة عاشق العاالمي

ايوه خلاص تم قبولك نهائي مابقى اختبارات ولا مقابله بس باقي تدقيق شهاداتك والفحص الطبي بس

اما العسكريه او مشروع سابك والله ماقدر افيدك يالغالي بشي >>> استخير واذا انت صغير بالسن ورايق للدراسه >> ادرس

اما اذا مالك خلق على الدراسه العسكريه ماتخذ وقت

الله يبشرك بلخير ياعسل ويجزاك خير انشاء الله وعقبالك
انا عمري 23

وطفشت ونا عاطل والعسكرية نفسية مدري وين اروح احترت افيدوني

سامي المحياوي · #**673** (**permalink**) 17-01-2012, 01:43 AM

السلام عليكم أنا اليوم جاتني رسالة منهم ونص الرسالة زي ماذكرها الأخ بندر ريكو وبالتوفيق للجميع عاد الله يعين بكرا أقعد مقابل الجوال من الصبح خخخخ والله نفسية كل مادق الجوال 200 وتمسك الجوال تقول بس هذولي سابك ويطلعلك واحد من الحاره ياشيخ ترسم ملامح وجهه من كثر ماتشوفه وتجلس معاه الله يسرها ويكتب مافيه الخير

مجتهدي · #**674** (**permalink**) 17-01-2012, 02:41 AM

اقتباس:

المشاركة الأصلية كتبت بواسطة عاطل بس جنتل

وعليكم السلام

المشكله اني ماخذ الرقم منك انت يالغلا

ماخذه من ردك في صفحة 58 الرد رقم 572 وأنا متأكد يعني وهقتني هههههه

بس يالله أجرب الرقم الجديد بكرا وأشوف

والله طلع كلام صح

والله انا اسف انها كانت من دون قصد وانا اقدملك اعتذاااري
واعتذر للجميييييييييييييييع غلط مطبعي

بندريكو · #**675** (**permalink**) 17-01-2012, 02:47 AM

اقتباس:

المشاركة الأصلية كتبت بواسطة سامي المحياوي

السلام عليكم أنا اليوم جاتني رسالة منهم ونص الرسالة زي ماذكرها الأخ بندر ريكو وبالتوفيق للجميع عاد الله يعين بكرا أقعد مقابل الجوال من الصبح خخخخ والله نفسية كل مادق الجوال 200 وتمسك الجوال تقول بس هذولي سابك ويطلعلك واحد من الحاره

ياشيخ ترسم ملامح وجهه من كثر ماتشوفه وتجلس معاه

الله يسرها ويكتب مافيه الخير

ههههههه حلوه يطلع واحد من عيال الحارة

اما النفسية واللة انك صادق على الاتصال المشكلة ان اتصالهم راح يكون الصبح في عز النوووم

لكن هين راح احط الجوال على العام وبعد عند راسي

انتبهو ياشباب لحد ينام

واللة يكتب لي ولكم الخير يارب

معتزل الغرام · #**676** (**permalink**) 17-01-2012, 03:43 AM

نـــفــــــــــــــس رسآآلتكـــم اليوووووووووووم وصلتني وللـــه الحـــــــمد ...

مبروووووووك للمقبولين ..وان شاء الله يقبلون الكـــل ..

والحـــين وش الطلبآآآت والله اني ما اعرف شيء ؟؟؟؟

مشهور الجمهوري · #**677** (**permalink**) 17-01-2012, 05:20 AM

مبروك للمقبولين ياشباب انا سوويت المقابلة في الجبيل 25/1 معاي ثانوي ولاجاني رد تتوقعو اكتفو وطالب الدراسة في ينبع

دعم فني مظلوم · #**678** (**permalink**) 17-01-2012, 07:36 AM

الف مبروك للي قبلوهم

شباب اذا بدا التسجيل الجاي وسجلت يقبلوني ويرشحوني للمقابله او لا

بصراحه انا في وظيفه خايسه اللي هي مامور خدمة عملا

وودي اكمل دراستي بسابك او شركه لها مستقبل مو مثل الاتصالات لا رواتب ولا بدلات ولا شي مجرد موظف على بند 105 على الاجر اليومي ....

فيصل العبدالرحمن · #**679** (**permalink**) 17-01-2012, 09:31 AM

اقتباس:

المشاركة الأصلية كتبت بواسطة بندريكو

ان الحمد الله توهم ارسلولي رسالة ونصها يقول
بعد ان تم ترشيحك لمشروع سابك لسعودة وظائف المقاولين والذي سوف يبدا في يوم السبت الخامس من شهر ربيع الاول 1433 الموافق 28 يناير 2012م في كلية ينبع الصناعية فسوف نقوم بالاتصال عليك غدا لتاكيد رغبتك اللانضمام للبرنامج نرجو الحرص على الرد السريع على المكالمة--------

مبروك وتستاهل أكثر (( وإحنا لازلنا منتظرين رساله او اتصال ))

فيصل العبدالرحمن · #**680** (**permalink**) 17-01-2012, 09:35 AM

اقتباس:

المشاركة الأصلية كتبت بواسطة بندريكو

ها بشرو احد ارسلولة رسالة

محد دق ولا اتصل (( شباب انا واحد يقلي قدمت على سابك بس محد رد عليه وقلت يمكن بسبب العمر 28 سنة )) بس ما استفسرت منه هل قدم على مشروع السعودة او قدم مباشرة على سابك
لا يكون استبعدوا بعضنا بسبب العمر ؟

والله حرام ناس معاها خبرة كذا سنة ودبلومات وعمره 27 او 29 او 33 سنة وبعد كذا ما يرضون فيه ..
مع إنهم كاتبين بالبنط العريض (( قبول الدبلومات والجامعيين بدون استثناء ))

فتح باب القبول مجدداً لمشروع سابك لسعودة وظائف المقاولين

التدريب المهني والفرص الدراسية

الأخوة الأفاضل لقد تم اليوم فتح باب القبول مجدداً لمشروع سابك لسعودة وظائف المقاولين وللتقديم على هذا الرابط

فتح باب القبول مجدداً لمشروع سابك لسعودة وظائف المقاولين

تسجيل الدخول

فتح باب القبول مجدداً لمشروع سابك لسعودة وظائف المقاولين

التدريب المهني والفرص الدراسية

الأخوة الأفاضل لقد تم اليوم فتح باب القبول مجدداً لمشروع سابك لسعودة وظائف المقاولين وللتقديم على هذا الرابط

فتح باب القبول مجدداً لمشروع سابك لسعودة وظائف المقاولين