18-01-2012, 04:03 PM
|
عضو موثوق به
|
|
تاريخ التسجيل: Dec 2011
المشاركات: 5,877
معدل تقييم المستوى: 4901989
|
|
اقتباس:
المشاركة الأصلية كتبت بواسطة مستر داج
بسم الله الرحمن الرحيم
اللهم لك الحمد حتى ترضى ولك الحمد أذا رضيت ولكم الحمد بعد الرضا
الحمدلله والشكر تم قبولي .. مابقى ألا الفحص الطبي أن شاء الله مع أني متخوف
شوي لأنه أذكر بالمقابلة قالو بالفحص يركزون على النظر والوزن .. وأنا للأسف
النظر ضعيف ولازم نظاره والوزن زايد .. لكن الحمدلله على كل حال والله يسهل
ويتمم على خير ومثل ماتسهلت أول شي الله بيسرها أخر شيء يارب ياكريم
ولله الحمد تم الأتصال بي يوم الأحد تقريباً 2:45 وقال لي الموظف أنت مقدم دبلوم
قلت أيه نعم قال هل لك رغبه بالبرنامج قلت ايه أكيد لو ماعندي رغبه ماجيت من
القصيم قال طيب تجي يوم 28 يناير 2012 1433/3/5هـ
وتجيب معك الشهادات الأصل و 4 صور مدري قال 6 صور شخصيه وبعد تصور
بطاقة الأحوال وتجيب الأصل
وقال فيه أختبار انجليزي >> على طول سألته هل هالأختبار يحدد دخولي من عدمه
قال أيه مهم << قلت الله يعين بس أنا مش ولا بد بالأنجليزي لكن قلت بروح وربي
يسهل .
يوم جاء الأثنين وبنفس التوقيت تقريباً أو زياده شوي جاني أتصال مره ثانيه لكن في
البدايه مارديت أنشغلت ورجعت دقيت على نفس الرقم سوي لي تحويل وحوسه وكلمني
واحد وعطاني رقم قال دق عليه ألين يردون عليك دقيت مرتين ما أحد رد
بعدها بـ 10 دقايق دقو علي كلمني قال أبغى بيناتك أسمك ومن وين متخرج وش
تخصصك وكم المعدل << أعطيته معلوماتي وقال خلاص مشكور قلت لحظه أخوي بسألك
قال تفضل قلت القبول هذا نهائي قال ايه قلت طيب أنتو أمس كلمتوني وقلتو فيه
أختبار انجليزي وسألت الموظف يقول مهم ويحدد قبولك .. قال لا بالنسبة للأختبار
هو عباره عن تحديد مستوى أذا عديت الأختبار تروح عنك سنه وتبدى بسنة
التطبيق مباشره سنه وأن ماعديته تدرس سنه تخصص قلت الله يطمنك ويرح بالك
طبعاً أنا دبلوم تخصص محركات ومركبات
وبعدها بنص ساعه أو أكثر وصلتني رساله :
"بعد أن تم ترشيحك ضمن برنامج سابك لسعودة وظائف المقاولين وبعد تأكيدك عبر
الأتصال الهاتفي نرجو حضورك في أول يوم دراسي الموافق ليوم السبت الخامس من
شهر ربيع الأول 1433هـ الموافق 28 يناير 2012م الساعة الثامنة صباحاً في مقر كلية
ينبع الصناعية ( الصالة الرياضية ) مصطحباً معك جميع المستندات المطلوبة"
حبيت أكتب لكم اللي صار معي .. صح انا متخوف من الفحص الطبي لكن الله يكتب
اللي فيه الخير وييسر أمري وأمر جميع المتقدمين
كل اللي أتمناه تدعون لي بالتوفيق ولجميع المتقدمين
ابكتب لكم جميع الأرقام اللي دقو عليه منها علشان تستفيدون :
033452636
033452931
033452660
كلمة حق :
أشكر أخوي نوازشريف وأخوي صالح الجبيل أستفدت كثير من ردودهم وتفاعلهم بالموضوع
من البدايه والله يوفقك يارب أخوي نوازشريف وتقبل بالبرنامج يارب ياكريم وجميع المتقدمين
وأنت أخوي صالح أن تتوفق بدراستك بالبرنامج وتخلص وتتوظف يارب ياكريم
وأشكر جميع من شارك بالموضوع بدون استثناء كلكم فيكم الخير والله يوفقنا جميع يارب ياكريم
|
الشكر لله اولا وأخيرا اللي وفقكم في هذا البرنامج ومبروك للأخوان اللي انقبلو وشدوا حيلكم وبالنسبة للشكر أنا ما استاهله غيري كفى ووفى ..
وشكرا على الارقام اللي سدحتها توك توني داق على رقم منها وقلي ادخل رقم التحويلة او صفر للمساعدة ...
دخلت صفر بس الساعه اللي داق فيها 3 الظهر الظاهر محد فيه ...
اللي عنده رقم التحويله ياليت يفيدنا ..
ومره ثانية شكرا للأخوان اللي تفاعلوا معنا في هاذي الردود واللي كتب استفسار واللي زار الردود من دون لا يشارك ...
(( لا تنسوووووووووون رقم التحويله )) 033452636 تحويلة هذا الرقم اللي دق عليهم على هذا الرقم ياليت يفيدنا برقم التحويله
|
العرض العادي
