اسعد الله اوقاتكم بكل خير
عندي مبلغ 250000 ريال حبيت اشغلها بس المشكلة مادري شلون انا اشغلها بنفسي وتكون ناجحه ايش رايكم بصناديق الاستثمار مثل بنك الأنماء والبلاد وكلمت مكتب عقار قال عنده فرص اسثمار ويبي شركاء معه بمبلغ معين والارباح بعد 6 أشهر بس متخوفه . ساعدوني . ولكم جزيل الشكر .

شوفي توقيعي
الله يوفقك

زر مــوضوعي في التوقيع ممكن ان يحوز على رغـبتك ... وابدء بالقليل .


ومــــــــــوفق إن شاء الله ,,,

نصيحه اخويه

ابعدي عن صناديق الاستثمار والاسهم مافيها الا الخساره

واذا بتدخلين مع ناس شريكه اول شي ماعليك من اغراءات بعض الناس لاتدخلين شي الاومقتنعه فيه
واذا دخلتي شراكه اول شي تسوينه عقود وتوثيق بينكم كلا يحفظ حقه

والاراضي حاليا اشووف مرتفعه جدا مادرى وش تاليتها خوفي يصير انخفاض مثل ماصار بالاسهم ارتفعت الين اغرو الناس فيها ثم طاحت طيحه ياساتر

انتي شاوري واستشيري قبل اى خطوه او اى فكره

اذا فى بالك افكار اطرحيها هنا والاعضاء ونتشاور بها والاعضاء معا


واتمنى لك التوفيق لك وللجميع ان شاءالله

تبين النصحيه واخذيها من شخص مجرب حطيهم في التقسيط وراح يدخلون لك شهرياً 10000 ريال وانا والله ماقلتها الا وانا مجرب بس اهم شي ماتلمسي منهم ولا ريال لمده اقل شي سنه او سنتين وبعدها تعالي وشوفي كم يصير راس مالك وكم دخلك الشهري

السلام عليكم ورحمة الله وبركاته



الاخوان ماقصروا


ولكن من وجهة نضري انصحك ان تقربي من الشراكه حتى لو قيل لك تدخل في الشهر5000
لان نحن في الزمن قل فيه الامين

الا من رحم ربك


ولذلك من وجهة نضري وكونك امراه يصعب عليك متابعة اموالك فانصحك بامرين

اولا/ بيت شعبي بصك يدخل عليك شهريا مبلغ معين
ثانيا/ ارض بصك شرعي وهذه صعبه لان الاراضي مرتفعة الاسعار



ولامانع لدي من مساعدتك في ايجاد بيت شعبي اذا كنتي من سكان جده


وفي احياء طيبه ورخيصه


للاستفسار الخاص



وبالتوفيق

[align=center]
شوفي أختي صراحة لا انصحك في صناديق الاتسثمار اذا كان بيستثمرونها لكي بالاسهم ،انتي اشتري اسهم بنفسكي افضل قسمي المبلغ على 3 او 4 شركات مثل اعمار وبنك الانماء و الاحساء والمتقدمه من وجهة نظري مع ان السوق مع هذه
الاوضاع يخوف لاكان اذا نويت اسثمار كم سنه هذا افضل من انكي تسلمين المبلغ للبنك , او شوفي لك مشروع مثل مطعم
او مغسلة سيارات يشرف عليها اخوك او ابوك او احد ثقه ثقه ثقه ، بعدين احذرررري من مكتب العقار كيف راح يعطيكي ارباح بعد 6 شهور ممكن يبي يضارب بفلوسكي في الاراضي وممكن يخسرها ودام ان الفلوس مهي له راح يخاطر فيها ولا عليه ان ربح ربح وان خسر انتي تتحملينها الا اذا كان شخص تثقين فيه والله يوفقكي



[/align]

احسن شي ان الأنسان يشغل ماله بيده حيث يكتسب الخبرة وراحة الضمير طبعا على حسب الاشخاص فيه ناس عادي يمكن يوكل غير ويستفيد انت من كلاملك انك تبي تستثمرها بنفسك وعندك امرين محتار بينهم الي هي الاسهم والعقار
وفيها كلها خير لكن تبي انسان خبير في المجال هذا سريع التصرف ما هو متررد يمكن يبع بخساره من شان يربح اذا كنت تجيد العمل بها توكل على الله اذا لا فكر في عمل اخرى او الدخول في شركة قانونيه واحفظ حقوقك بعقود وضمانات وإن شاء الله الناس فيهم خير واعقلها وتوكل على الله .
واعرف لك ناس تدخل معهم في شراكة لو كنت مهتم بالموضوع

يعطيكم العافية على الردود بس فعلا انا محتارة لأن فكرة الدخول كشريك بمبلغ معين يطلبه مني مكتب العقار هي حلوة وعلى حسب كلامه فيها مكسب مره حلو بس الواحد مايضمن . ومره افكر في مغسلة ملابس ومره اقول لا افتح كافتيريا بجد بجد أحترت . وانا كمان خايفه من تعقيد البلدية والتراخيص لأن قبل كذا فكرت بمشروع كوفي شوب بس عقدوني وبطلت .

فيه اراضي غرب الرياض بصكوك في مخطط اسمه نمار
اسعار الاراضي فيه معقوله من 250 الف ودون
انصحك تأخذين ارض وتصبري عليها سنة واحدة فقط وراح تدبل قيمتها

اذا تبغي ارض في هذا المخطط اوغيره في الرياض او الجنوب انا مستعد ادور لك والعرض اللي يعجبك اقبليه ولا تغامرين في موضوع الشراكة ابدا