بسم الله الرحمن الرحيم ..

السلام عليكم ورحمته الله وبركاته ..

كيف الحال اخواني ان شاء الله طيبين .

آليوم كنت اكلم واحد من العيال , وقال ان داخل شراكه مع احد الاصدقااء ,, وقالي وش المشروع اللي هم فيه ولكن بكل صراحه مادققت واخذت التفصيل ولكن قلبتها وخبزتها وعجزنتها وان شاء الله تضبط معي وبطريقه اللي راح اطرحها ولا نستغني عن افكار الخبراء واصحاب المشاريع في هالمنتدى ..


المشروع وبما فيه هو تقسيط مكيفات ..؟

الحين الكل ييقول وشش تقسيط المكيفآت .. !! > طيب فهمنا يآخوي



ركز معي وتربع زين ,, والعلوم الزينه جآيه ان شاء الله

..

مشروع تقسيط المكيفات مشروع كويس وزين ,,وباذن الله تعالى راح تلقى ربح فيه على مدار السنه باذن الله ,, لان التقسيط طبعاا ماراح تشوف الربح ع طول , الا بعد ماتدور السنه او بعد مرور كم شهر لحصولك على الاقساط كامله مع الربح .. وفي نقطه راح اتكلم عنها واشوفها كثير هنا في اعضاء المنتدى ولكن بعد ماشرح لكم طريقه المكيفات وتقسيطها ي اخواني ..


المكيفات هي عباره عن مكيف عاادي زي اي مكيف ,, طبعآ هو يشتريه بسعر 400 ريال , واحيآنا 500 ريال .. واحياآن بسعر اقل واحيان بسعر اكثرر .. الرجال مايبيعه كآش .. لو شراه بسعر 400 ريال راح يبيعه بسعر كم ؟ اكيد 600 ريال او 550 ريال يعني المكسب مش ولابد ..

يشتري بسعر 400 ريال يبيعه بسعر 1500 ريال , قسط شهري 500 ريال .. كلها 3 شهور كل شهر 500 ريال وانتهى القسط طيب نشوف المكسب من المكيف كم .. يطلع مكسبك 1100 ريال , شريناه بـ 400 ريال , وبعناه تقسيط بـ 1500 ريال .. طيب 1500 - 400 = 1100 ريال المكسب الربحي لك .. هذا حق مكيف واحد !!

نجي نقول تبي تاخذ 5 مكيفات وممتازه جدآ وماستخدمت كثير مثلآ .. سعر الحبه 600 ريال = يطلع عليك السعر 3000 ريال ,

تمام ,
نجي لتصريفف والسعر ,
بعت كل حبه من المكيفات بسعر 1600 ريال = قسط شهري 500 او 600 اللي يعجبك وهذا بينك وبين العميل حبآيبي ..

طيب نجي نحسبها هنا .. 5 مكيفات بعنا كل حبه بسعر 1600 ريال , يعني اخذنا مكسب في المكيف كم ؟ اخذنا في كل مكيف 1000 ريال
1600 * 5 = 8000 ريال , طيب طلع معنا 8000 ريال , نجي ونخصم منها رآس المال اللي اشترينا فيه المكيفات , اللي هو 3000 ريال ,, 8000 - 3000 = 5000 ريال .. > هذا هو ربحك خلال فتره تحديد الاقساط 4 او 5 او 3 شهور اللي يعجبك ويريحك ,, وربح ممتاز ماشاء الله تبارك الله ..


اللي يبدا ي اخوان الله يوفقه وفكره المشروع باذن الله ناجحه وممتازهـ .. خصوصآ حاليآ حنا بالششتاء وتلقى سعر المكيفات طايحه حبتين , واهم شي دوروا على النظيف والزين ..

اللي راح تحتاجه , محل 5 * 5 = وانت شخصيآ تشتغل فيه , او جب لك عامل , او تتفق انت ومحل انو اي عميل يجيك , تروح للمحل وياخذ منهم وانت تدفع لهم كاش والعميل يقسطك انت ,, الطرق والخطط كثيره ولكن نحتاج الى تفكير لاجل نوصل اللي نبيه ونحققه .. ...

النقطه اللي كنت بوضحهاا لكم


النقطه هي : الاحظ كثير من الاعضاء يبحثون عن الربح وبسرعه لمشاريعهم , وكل مانزلنا مشروع قالوا كيف الربح ,, شوفوا ياحلوين كل المشاريع مميزه وناجحه بعد التوفيق باذن الله , البعض يفتح مشروع ويشوف من اول شهر يقول والله ماجاني احد انا فاشل , لا ياخوي لازم تجاهد نفسك وتمشي مشروعك وتوقفه على رجوله , ونصيحه اي مشروع تبدا فيه أين كان حجمه كبير او صغير ,اول 6 شهور لاتبحث عن الربح ولا يهمك الربح حتى لو بالقليل , واول 6 شهور تهتم فيه طبعا وتوقفه لحد ماتشوفه تمام . لايهمك الربح قليل او كثير انت اشتغل واتكل على الله والربح يجيك قليلآ دآيم خيرآ من كثيرآ منقطع صح ولا لا ؟


أتمنى لكم التوفيق ي اخواني .. وان شاء الله انتظروني في مشاريع قآدمه .. وافكار مميزه بأذن الله

مشرووووع رائع جدا لكن اخوي استفسار مهم


الحين اذا وقعت العقد بيني وانا لاطرف الثاني الحين كيف تجيني فلوسي عن طريق مكتب او اخذها انا كل شهر


اسمحلي لانو هالايام ماتضمن احد يوعدك وبعدين ماتشوفه


اشكرك على موضوعك الاكثر من رائع

السؤال الثاني من وين نجيب هالمكيفات اقصد الرخيصه جدا حتى يكون مكسبنا اكثر


,,,,,,,,, تقـــــــــــــــــــــــــبل مـــــــــــــــــــــــــــــــــــــروري ,,,,,,,,,,,,,,,,,,,,,,,,,,

طيب يالغالي انت تقصد مكيفات جديدة بقراطيسها صح ومن وين احصل رخيص وشكرا لك

فكرة حلووه لكن مشرووع يبيله شوية صبر حتى يطلع ربحه
واضافة للمكيفات بعد يمكن الواحد يتوسع بتقسيط انواع الاجهزة الكهربائية واللابتوبات والاي باد والتاب واجهزة الجوالات الذكية

موووفقين جميعآ لكل خير

اذا كان المتحدث مجنون يصير المستمع عاقل اذا الزبون بيدفع قسط في مكيف مستخدم 500 ليش مايروح بقيمه هالقسط ويشتري واحد كاش ب500 او اقل للمعلومية المكيفات الجديده قسطها لايتجاوز 100 ريال

اخوي مو انت قلت انك ما اخذت التفاصيل وعشان كذا سويت حسابات غير منطقيه
ارجع لصاحبك وشوف الفكره ايش هيه وترى العمليه مو سهله زي ما تتوقع تحتاج
رخصة وسجل ووووو لانك راح تقصد وتبي تضمن حقك الشغله مربحه بس بالحسبه حقت
انت احسب صح عشان تمشي صح وربنا يوفقك ويكتب لك الرزق

طيب اذا بيركب 7 مكيفات الواحد قسطه 500 يعني الشهر ب3500 ريال يصبر شهرين ويشتري 7 جديده

اطلع فوق ي بعدي ,, وتشوفه