مواطنون بعد الإعلان عن شروط حافز‎

حلاها غير · #1 (**permalink**) 24-11-2011, 07:44 PM

(أنحاء) - متابعات : -
قوبل شرط تحديد عمر المستفيد من 20 إلى 35 سنة من أجل الحصول على إعانة الباحثين عن عمل "حافز" بردة فعل غاضبة من مواطنين ومواطنات استهجنوا بشكل شبه جماعي هذا الشرط وغيره من الشروط التي اعلن عنها اليوم، ووصفوها بالتعجيزية.
وأجمعت معظم تعليقات القراء في عدد من مواقع الصحف السعودية على اجحاف المسؤولين عن وضع هذه الشروط بحق المواطن ومخالفة القرار الملكي بتأخير صرف الاعانة الى منتصف صفر القادم بدلاً من بداية محرم، وقالوا أن هذه الشروط قتلت الفرحة بالقرار الملكي .
من تعليقات القراء في الصحف السعودية على شروط حافز:
مواطن سعودي مقهور : ماذبحنا غير مقصقصين الأوامر والله كأنهم يبون يعطون من جيوبهم اللي يسمعكم يقول الشئون الاجتماعية تعطي5000 ريال كل اللي تعطية 800 ريال والراتب التقاعدي 2500 ريال والمستفيدين 7 أفراد يامسؤولين خافوا من الله اتركو الحسد شوفو المناقصات إللي بالملايين ولاعندك أحد جدة غرقت والمسؤول إلى الآن لم يعاقب.
فيصل : شروط تعجيزية للأسف فعلا للأسف أبو متعب ما يقصر والموظفين اللي يحطون الشروط ذبحوا الشعب السعودي وش تمنون فيه حنا مواطنين وهاذي اقل حقوقنا الى متى وحنا اهل الولاء لدينا وبلدنا الى متى الفقر والظلم الى متى الوضع السيئ الى متى وحنا اغنى بلد نداء لابو متعب.
أبو نواف : ابو متعب رعاه الله يريد الخير لشعبة ولكن المسؤولين يأبون ذلك أذلوا المواطن على 2000 ريال ! الشعب بأكمله مستحق للاعانة الشعب يعاني من ظروف الحياة المعيشية لاحول ولا قوة الا بالله.
أبو سعد : اللي لهم أكثر من 15 سنه وكل يوم وهم يحلمون بوظيفه لاخراجهم من شبح البطاله وتخلى عنهم حافز وجداره ماهو ذنبهم...!!! وماهو المستقبل الوظيفي الذي بقي أمامهم.
منمون : ياخي حرام حرمتوني من تعييني كا معلمة وبعد بتحرموني من مكرمة خادم الحرمين الله يحرمكم من ريح الجنة جلست لين طقة كبدي اتحر عمل وظيفة وفرحت بحافز سنه انتظر واقول فرج الله قريب واليوم تقولون محرومه ياخي الله لا يربحكم عمري 36 سنة لا وظيفة ولا حافز اشحذ بشوارع حسبي الله وهو يكفي حسبي الله وهو يكفي.
مجدي : ياحبيبي خلاص بطلنا ما نبغى لا إعانة ولا شي الحمد لله بس، يعني مجلس الوزراء قال من يوم 1 محرم 1433 وانتوا تقولوا خلال الاسبوع الأول من شهر صفر حسبي الله ونعم الوكيل وعلى فكرة ترى حتى مكافأة الجامعة ما استلامناها لحد الآن.
رائد الداموك : قالو محرم والحين صفر وبكره اخر السنه الله يعيننا على مانحن فيه.
قارئ : تلعبون علينا مره بداية محرم ومره بداية الصفر قولوا ماتبغون تصرفون او ندمتوا عالقرار ؟؟؟ تراها مو من جيوبكم حسبي الله عليكم ناس بنت امال عليها الله لايسامح كل من حط شرط فيها المفروض تنصرف بدون شروط لانها مكرمة ومو مستمرة سنة بس خلوا الناس تتهنى مره في عمرها.
موزه : طيب الشروط هذا امربها خادم الحرمين يا وزير العمل ولا من عندكم ايش ذنب الي عمرها 36 وما تعينت وشهادتها امتيااز واتفيه ضمان من يصرفلها الحكومه ماقصرت بس المسؤؤلين هم السبب حسبي الله ونعم الوكيل عليكم.
هين : أنا ما سجلت في حافز رغم اني عاطل ومحتاج لاني عارف انهم بيذلونا فيها وانواع المرمطه والتطفيش راح اشوفها منهم.
موسى : انها محاولة يائسة لتخفيض المستفيدين من الاعانة و كانها من اموالكم و ليست من المال العام طيب اللي اكبر من 35 و ماعنده وظيفة منتو مسؤولين عنه ومع العلم ان الضمان الاجتماعي لا يقبل اقل من 50 اللهم لا تحوجني الا لوجهك الكريم مع الاسف حقوقنا وضعناها في خانة الاحلام و الدليل السكن من حقوقنا و نحلم به
هند : ليش كل هذا وعلى ايش كلها الفين ريال ولمدة سنة وتصرف للعاطلين كاعانة خليتوها كانها قرض والا سلف غريبة كيف غيرتوا قرار الملك.
ندوش : قمة الظلم فيه بنات عمرهم فوق 35 وغير متزوجات وعاطلات ليه تستبعدوونهم كذلك فيه رجال عمرهم فوق 35 ولم يجد عملبس الله كريم.
شهادتي متوسطة : حسبي الله ونعم الوكيل والله اني جالسه ابكي كان عندي امل حسبي الله عليكم الملك قال للعاطلين وانتم تستثنون وتحطون شروط وتعجزون الناس الله لا يسامحكم وربي اني ابكي من القهر كنت فرحااانه بطير من الفرح وذبحتوني بشرط العمر حسبي الله عليكم الله يكون فى عوننا يارب يجي يوم ونذلكم كما ذليتونا.
حزينة : اااه كم هو خبر محزن فقد علقت جميع ااامالي على حااافز ماذنبي انا عمري 19 وعاااطله عن العمل والشروط من 20 فما فوق.
معاندني حظي : حسبي الله ونعم الوكيل انا متخرجة من 15 سنة اش ذنبي يعني لقيت وظيفة وقلت لاصراحة صدمت بالعمر بس ماأقول غير ارزاق ، اللهم كما رزقت يونس في بطن الحوت ارزقني يارب واغنني بحلالك عن حرامك.
بالله هذا عدل اللي حاصلين على شهادات ابتدائي ومتوسط وثانوي ياخذون واحنا يالجامعيين لا وظيفة ولا فلوس حسبي الله.
متخرجة عاطلة : طيب وبالنسبه لحمله الباكاليوروس اللاتي مضى على تخرجهن اكثر من عشر سنوات وشارفوا على سن الاربعين ومازالوا ينتظرن تعيينهم السؤال هنا ماهو مصيرهم وانا احداهن افيدونا وفقكم الله.
ريما : الله لايوفقكم دنيا واخره لازم تحرفون بالقرار على كيفكم هذي من ابومتعب طلبه الانتساب يدفعون تكاليف دراستهم وهم عاطلين وبيتخرجون عاطلين ، الله يرزقنا ان شاء الله.
بدور : حسبي الله ونعم الوكيل عليكم وانا وش ذنبي انتظر الوظيفو وقد تجاوزت 35سنة وانا انتظرها ومتخرجة لي 17 سنة الله يفجعكم فيمن تحبون اذا كان هالخبر صحيح ياوزارة العمل.
الفقير الى الله : الله لا يوفق من حط العمر والله يحرمة عيالة انشأء الله مثل ماحرام المسكين من هذة المكرمة الملكية والله ان غلب العاطلين هم منالعمر 26 الي 38 ايوالله انا بالنسبة لي عندي وظيفة والله لايحوجني لكم لزم ان الملك ينضر في الوضع وا لابي تكون هناك عواقم وشيمة من العاطلين ، حسبنا الله عليكم ياالحرامية.
للصبر حدود : رساله الى مليكنا وابونا الغالى من بنت تستغيث بأبوها أقسم بالله العظيم أقسم بالله العظيم أقسم بالله العظيم ان بحثت عن وظيفه من قبل عام اى قبل صدور قرارالاعانه وذهبت وعملت مقابله ورفضت بسبب كبر سنى فعمرى 47 فماذا افعل ظروفى السئيه اجبرتنى على العمل فى هدا العمر ولم اجد ونزل قرار الاعانه ويفرحه ماتمت.
مواطنة : حسبي الله ونعم الوكيل متخرجه من 12سنه مع مرتبه الشرف وعمري 36 سنه وحرمتوني من التعيين وحافز وحسيت ان مالي قيمه في مجتمع هاضم حقوقي صدمتونا بقراراتكم ليش تحددون العمر وين شهاداتنا وسنين الي كرفنا فيها وزاره التعليم تجاهلت الخريجات القديمات وحسبي الله ونعم الوكيل .

الشآآمخ · #2 (**permalink**) 24-11-2011, 07:49 PM

الله حسيبهم واحد تلو الاخر
والله لا يبارك فيهم
والله يعجل بنتفهم ويبدلهم بمن هو اكفاء منهم

الدواميك · #3 (**permalink**) 24-11-2011, 07:54 PM

آمينِ يآربِ ^^^

أحساس مترف · #4 (**permalink**) 24-11-2011, 08:01 PM

لاحول ولا قوة إلا بالله

إن شاء الله يتغير الحال ويعدل أي قرار فيه إجحاف

المهم لاحد يسكت عن حقه والكلام يوصل وويسبب لهم شوشره هم بغنى عنها

حسبنا الله ونعيم الوكيل

ياربي متي أتوظف · #5 (**permalink**) 24-11-2011, 09:35 PM

حسبنا الله ونعيم الوكيل فيهم
انا مسجله بدوره ليا شهرين بس وكنت حاطه بالي ادفع افلوس الدوره من حافز وبنهايه استبعد لاني مسجله بدورة حاسب ست شهور ايش الظلم هذا يعني لازم اضطر اخذ من اهلي دحين الله لا يوفقهم