[align=center]
بسم الله الرحمن الرحيم
السلام عليكم ورحمة الله وبركاته

مممم بصراحه انا ماكنت ادخل منتدى حلول البطاله غير لقسم الضمان الاجتماعي اذا عندي استفسار كتبته ويردون الاخوان الله يجزاهم خير
والحقيقه هو موضوع واحد نزلته عشاني مطلقه وكانت بطاقتي بتنتهي
المهم مااكثر عليكم هرج ماكنت عارفه انه يوجد قسم مثل هالقسم
هو بصراحه بداخلي حكي ودي اقوله واطلع مدري اذا هذا مكانه او لا بس ماعلينا بقل اللي عندي واذا مكانه غلط احذفوه مسموحين

بقولكم سالفتي انا تزوجت من ثمان سنوات كان عمري 16 مره مستعجلين اهلي خايفين علي من العنوسه
مابقيت غير شهرين وتطلقت بحكم عمري بزر والله مدري وربي وين حاطني ولا كنت اعرف شي
بقيت معلقه سنه كامله انا مستانسه اني افتكيت من شي اسمه زواج واثر العالم تضحك علي وانا مدري وش السالفه
بعدين بدت نفسيتي تتعب من الحكي اللي اسمعه من القريب قبل البعيد وبزر وتأثرت دراستي
واللي اصغر مني دخلت الجامعه وتخرجت وتوضفت وانا محلك سر
قلت يابنت مايبيلها العالم تحركت وصلت للي تبيه وانتي تندبين حظك والله اللي اقوم واتعوذ من الشيطان واترك هالخرابيط عني واشد على نفسي واخلص ثانويه وادخل جامعه ولا في شي يساعد الضمان ينزل كل شهر 800 ريال يالله لك الحمد والوالد رافع يده عني لو آطر مادرى عني ولا عمره قال ناقصك شي او تبين شي ويالله ادبر نفسي آجار سواقين ومصاريف جامعه وجوال وملازم وكتب الله وكيلكم كل سنه بسنتين مامن دفاره بس الحمدالله السنه هاذي آخر سنه وآتخرج ان شاءالله
زبدة الهجر اللي بقوله لكم ياآخوان كل واحد يعتمد على نفسه واللي بدراسته يكملها ترى والله مو نافعك غيرالله ثم نفسك لا اهل ولا ضمان ولا غيره
وسلامتكم
[/align]

الله يوفقك يأختي وربي ييسرلك كل امورك شدي حيلك وربي يسهلك ان شاء الله بالتوفيق لك....

آميييييييييين ياحي ياقيوم
وياك اخوي تسلم على مرورك

الله يسهل امورك
ويرزقك الى الفضل

احترامي وتقديري

بجد قصتك روعة وامل كبير

الله يوفقك اختي وانا حاب اقولك حاجه وحده انت (بطللللللله)

الله يوفقك كملي دراستك وخلصي جامعتك

وكملي دراسات عليا

والي تبينه ابشري فيه


ترا كل الي في هالمنتدى اسره وحده .. وباذن الله راح ندعمك

بالتوفيق ان شاء الله

ماشاء الله عليك

الله يوفقك وتتخرجين على خير

ويوسع لك في رزقك يارب

وعليكم السلام ورحمة الله وبركاته

الله يجزاك خير ويسهل امورك وامور كل مسلم