موب انتم كنتم تقولون وظفونا وحنا اهل البلد وووو ولاعشان وظايف حق الهنود والبنغال غريبين بجد مااقصدك ولا المشكله الي انت فيها بس مو كنه تناقض وكلامي بشكل عام

أنا ودي أعرف اللي أخترع الاستقدام
ودي أمسكه وأفقع وجهه أفقع وجهه ألين يدوخ


المهم أن هذا القرار فاشل فاشل فاشل

وعليكم السلام ورحمة الله وبركاته



بصراحه عاجبني الموضوع


وآخيرا يامكتب الهمل (يمشي في الاتجاه الصحييح)


حلو والله حلو بدا المكتب يشتغل

(صاحب الموضوع عذرا ما اقصدك ولاكن السعوديين كا كول وانا واحد منهم)

طاحو في التأشيرات مؤسسة رخصه محل اي شي تآشيرة

اشتغلت السعوديه أمتلت اجانب لدرجة أنهم بعضهم ما حصل عمل


الحين جاء هاذا القرار وتعيبون فيه بعد (ماعرفنالكم)


والي يقول بيوقف عملي او مشروعي بسبب العامل والاستقدام


معليش اقوله( ما عندك سالفه تبي تعتمد عليهم وتنام)

صاحب الموضوع استاجر اجلب عمال من برى براتب بنسبه واشتغل معاهم

معليش انت موظف بصباح داوم المساء (ما عندك عذر)


معليش ياصاحب الموضوع ممكن تزعل علي ولاكن فرح بهاذا القرار

قرار فاشل
ظاهره فيه الرحمة وباطنه من قبله العذاب
أولا اين تجد السعودي اللي يشتغل عندك حتى لو اعطيته 3000 ريال يمكن يشتغل شهرين ثلاثة وبعدين يروح عنك وتبلش بمحلك والنظره الاجتماعية عندنا مشكلة كبيرة بامكان السعودي يشتغل فى شركة ارامكو مثلا بـ1000 ريال ولا يشتغل عندك فى بقالة بـ3000 ريال لان مازالت النظرة الاجتماعية مسيطرة علينا
بصراحة سيتضرر الكثير من هذا القرار من اصحاب المشاريع الصغيرة بينما الأجانب سيستمرون فى انتشار مشاريعهم فى بلدنا الحبيب

القرار بشكل عام يجب ان يتم تطبيقه لمن يمتلك اكثر من فرع بمعنى ان صاحب المحل الواحد او المشروع الواحد وراس ماله تحت 100 الف هذا كيف راح يوظف سعودي اذا كان محله يدخل ربح وقدره 2000 ريال شهريا ؟ يعني الربح يروح راتب للسعودي وبالتالي ما قدام صاحب المشروع الا الغائه لهذا من يمتلك اكثر من فرع يجب ان يطبق بحقه هذا القرار ومن يمتلك فقط محل واحد لا يجب ان يطبق بحقه هذا القرار .

اتمنى ان يتم التعديل ليعطي السعودي حقه وكذلك صاحب المشروع لا يجب ان يهضم حقه .

طبقو القرار اولا في الشركات الكبيرة الي راس مالها بالملايين ومن ثم نزولا الى المشاريع الصغيرة هكذا سيتم حل مشكلة البطاله من ناحية ودعم المشاريع الصغرى من ناحية اخرى .

انا موظف لو فتحت مشروع من المخاطرة ان اترك وظيفتي من اجل محل واحد الله اعلم بينجح او لا لكن لو نجح مشروعي وكان ربح محلي الشهري يوازي راتبي او قريب منه نعم سأترك عملي واسجل نفسي موظف في مؤسستي ولكن من البداية صعب ان اترك وظيفتي من اجل مشروع في بدايته

هنا رد من وزير العمل على موضوعك
http://www.youtube.com/watch?feature...&v=tXwH2vipf5o

اعذروني اخواني بس انا معه احس كلامه منطقي العمالة لاعبة في السوق لعب كم مره قرينا عن واحد فاتح مشروع الي بقاله والي محل كمبيوتر وغيرها

وكانو كلهم يشتكون من تكاتف عماله من جنسيات معينه عليهم و التضييق عليهم الين يطلعون من السوق