السلام عليكم
انا مدرس انجليزي مالي الا شهرين ومتعين في جدة نفس مدينتي ونصابي قليل يعني كل شي في صالحي
وانا داخل التدريس وانا متردد
قررت ادخله على اساس تجربة استمر فيها او لا
لاني تخصصي غير تربوي
وبعد التجربة مارتحت للتدريس لانه متعب وما فيه تجديد ولان مستويات الطلاب العلمية غاية في السوء حتى المستوى الاخلاقي
وودي استقيل بعد ما اظمن وظيفة حكومية غير تعليمية
وش رايكم تؤيدوني او لا

استخر يارجال
وترتاح

أجي مكانك دامك ماتبي التدريس ياخوووي قل الحمدلله على النعمة اللي إنت فيها والله غيرك يدور لها مومحصلها

اذا بوه طموح لا توقف على التدريس وناخوك

لا تترك التدريس رواتب المدرسين تطلع فوق فوق ...انظر للمستقبل

وانت الان جديد ويمكن تشعر بشعور غريب مثل

الجندي المستجد في الدوره
او مثل الطالب الذي يريد الدراسه براء
او مثل المغترب


خلال الايام راح تسير محترف في التدريس وراح تعرف نفسيات الطلاب والتعامل معاهم
كلنا قابلنا مدرسين منهم الطيبين ومنهم شخصياتهم ظعيفه ومنهم شخصياتهم قويه
ومنهم يعرفون حركات الشباب والف والدوران مايمشي عليهم
هذا كله راح تكسبه يمكن خلال سنه او سنتين راح تتعود وتكون عندك اسلوب تعامل مميز


وعلى فكره قيادة الفصل مهي صعبه لدرجه انه الشخص يخاف
افرض اسلوبك على الطلاب
نوع في الحوافز لهم
مثل الدرجات مثل الهدايه

قول لهم الذي يتعاون معايه راح اتعاون معاه واثبت لهم ذالك على الواقع


والاهم اكثر من الاستغفار والاذكار والصلاه ....لانه لاقدر الله يمكن ناس يعطونك عين على الوظيفه
انا خالي تعين تمريض ونفسيته تعبت وكان يريد يترك العمل ويالله نحن معاه لين بالقوه رجع وجلس على الوظيفه ومع الصلاه والاذكار والاستغفار تحسنت حالته والان بالف خير والحمدلله

انتبه يا خوي
ربي يوفقك
وظيفتك هذه الوف يتمنوونها
امسكها وعض عليها بالنواجد