مساء الخير يا اخوان
توني واصل البيت مفرك من العمل
ادوور النوم وربي
المهم مالكم بالطويله
والله ماقدرت احصل معلومات كافيه ووافيه عن كل شي ابيه
قاعدة الطائف مافيها الا تخصص امن وحمايه ووظائف فنيه للتشغيل والصيانه
فعشان كذا ماجاتهم معلومات رسميه بخطابات الا اللي تخصهم فقط
لكن جلست مع الرائد واخذت واعطيت معه
طبعا هو مسؤل عن الصاله الرياضيه
واعطاني هي بوجهي من يوم سالته عن وظائف الرياضيين
قالي ارقام الرياضيين انساها يابو راكان كلها محجوزه من الرياض من الـ ..... بدون ذكر اسماء
وقالي ترى الشغله مو سهله انك تجيب مشهد من نادي انك لاعب في اي لعبه
ويبون بعد شهادات للبطولات اذا قد حققت اي بطوله او شاركت فيها مع النادي
وراح تصدقها من رعاية الشباب ورعاية الشباب ما راح تصدقها الا اذا لك بيانات عندهم
والاهم من هذا كله احيانا يطلبون برنت من رعاية الشباب
عشان يتأكدون لان فيه لجنه وفيه حوسه لانهم بيشاركون في بطولات
يعني الشغله صعبه لا تحسبها سهله
وبالاخير قالي اذا تعرف احد بنادي وتعرف احد برعاية الشباب روح دبر عمرك
يعني هذه شغلتها معقده جدا جدا جدا جدا وبقووووه بعد
لو كانت مثل شهادة الدفاع المدني حقت السباحه والغوص كان نقول ما يخالف
لكن دام فيها تصديق من رعاية الشباب وفيه لجنه واحتمال طلب برنت !!
احس الشغله ما تسوى كل هالتعب والقروشه
صح ان دوامهم فله وراحه لكن شروطها تعقيد
واللي يبي يتكل على الله ويقدم الله يوفقه ويجعلها من نصيبه محد يدري وين رزقه
ولا تاخذون على كلامي ولا كلام الرائد مع انه حلفلي بعياله
لكن لو اراد الله شي بيصير لو مدري مين حاجز الارقام
(لحد يتهمني بشي اني قلت محجوزه ولا غيره والله العظيم هذا كلام مسؤل الصاله الرياضيه لي،، والرجال ان شاء الله انه ثقه ولا بيلف ويدور علي ،،، حتى قالي شي لحس مخي ،، قالي ترى وظايف الجنود الاوائل اللي بقيادة القوات الجوية مو كلهم بيتعينون بالقياده فيه ناس منهم بيجون الطائف وناس بيتوزعون على القواعد حتى قالي تقدر تدخل على الموقع وتشوف انه مكتوب لم يحدد مكان الوظيفه ،، واما الجنود محدد مكان الوظيفه انها بقيادة القوات الجوية) وتوي رجعت ودخلت على الموقع لقيت كلامه صحيح وتقدرون تشوف هالشي بأنفسكم .
(والقرار بالاول والاخير لكم انا مجرد اخو لكم وانقل لكم اللي سمتعه من الرجال
واتمنى محد يزعل مني ولا من كلامي لانه مو مني ولا من عندي هذا اللي صار بيني وبين الرجال ونقلته لكم بالحرف )
لكن ربي معوضكم خير بباقي التخصصات بإذن الله
نجي لأخصائي طباعه
هذا تخصص جديد هو مو جديد بمعنى جديد لكن مجددين الاسم (بدل كلمة كاتب)
حاطين اخصائي طباعه وهو طبعا نفس العمل ونفس المميزات
دوام مكتبي تطبع خطابات واوراق القسم اللي انت فيه
وراتبها حلو صح انه يفرق عن الامن والحمايه والرصد الجوي
بس من ناحيةالعمل اريح لانه بمكتب وتعطل خميس وجمعه والاجازات تاخذها
وبالاعياد كل سنه يلحقك مناوبه مثلا هالسنه جاتك مناوبه السنه الجايه ما تناوب
وراتبها تقريبا بحدود 5200 الى 5500 تقريبا لان فيها صنف كاتب وله درجات ممكن يوصل الى 1600 تقريبا بالدرجه السابعه اعتقد اذا مو مضيع
اما تخصص مشغل إتصالات
فهذا تخصص فني وهو بيكون مساند فني (يعني يختلف عن الفنيين اللي متخرجين من معهد الدراسات الفنيه )
الحين الفنيين يينقسمون قسمين فنيين عاديين يسمونهم فئة 30 اللي الكل يعرفهم وهم حقيت الطائرات وتوابعها
وفيه مساندين اللي هم (اقسام الشرطة والاستخبارات والاقسام الاخرى الغير مختصه ولا تعمل بصفه مباشره مع الطائرات وتوابعها ) يسمونهم فئة 20 وهو مساند فني
راح يكون عملهم اما بسنترال او تابع لجناح الاتصالات والحاسب الآلي او حسب ما يحتاجون لكن عمله مكتبي واحيان يطلع لاقسام ثانيه اذا حطوك مثلا بصيانة اجهزه او شي طبعا بعد ما تاخذ دورات عندهم ويأهلونك .
واعتقد باقي التخصصات سبق وتكلمنا عنها بموضوع تخصصات القوات الجوية
فلكم القرار وانا والله العظيم تمنيت وكان ودي اجيب لكم خبر حلو ومفرح لكم
لكن ما باليد حيله ويعلم الله لو بيدي شي ما اقصر ولا ابخل عليكم فيه
الله يوفقكم ويكتب لكم اللي فيه الخير ويرزقكم وييسر لكم اموركم ويسخر لكم عبااده ياااااارب
03-12-2011, 02:56 PM
العرض العادي
