بسم الله الرحمن الرحيم
السلام عليكم ورحمة الله وبركاته وبعد
خير الكلام ما قل ودل
يا اخواني انا في حيره من امري والله احس اني بنجن مدري وش اسوي حالتي حاله
بنت عمي تحبني وهي واختي اصحاب المهم لها فتره غايبه ما تتواصل ما اختي فاستغربة المهم واليوم عرفة وش السبب انها في الاجازة الي راحت خطبوها اثنين وكلمو امها والبنت تسمع فقالت البنت انا ما ابيهم وخليهم ينسوني وجلست محتاره انقطعت عن اختي وبعدين علمتها بلي صار وتقول انها خافت تقولنا ومدري وش طبعا اختي علمتني وقالت لي كل شيئ ونا مدري وش اسوي لانو هي تقول انا رفضت لاني ابي اخوك احبه بس خايفه اعلمه واضغط عليه واضايقه
طبعا كلكم رح تقولون ليش يا محبوب ما تتزوجها بصراحه يا اخواني انا عندي اعاقه بسيطه في اذني ما خلتني ادخل العسكريه والحين موظف في شركه براتب 3000الف وبعد شهر ان شاء الله رح يكون 3500 والله اعلم والزواج مسؤليه ونا والله العظيم ونتو ما حلفتوني اني ادور ابي حكوميه بس ما لقيت لانو الحكوميه مستقبل وامان احسن من القطاع الخاص وخصوصن الشركات الصغرى فمدري وش اسوي احترت وربي مني عارف وش اسوي اخاف اتزوج ونا على حالتي هذي وبصراحه احنا حالتنا الماديه شوي صعبه لانو ما عندك شيئ ترتكي عليه غير الراتب ونا عمري 22 سنه الحين تكفون يا اخواني ابي مشورتككم وش اسوي محتار ابي ابكي وربي حطو نفسكم مكاني والله تحتارون والمشكله انو لو راح الرجال يكلمون ابوها وش رح يوقولهم والبنت لو رفضت وش رح يكون سببها ااااااااااه بس لا تخلوني تكفون ابي رايكم والله اني توني عرفة بسالفه وعلى طول ما لقيت الا الله ثم انتم

اخوي الله يسهل لك امرك
خلي اختك تكلم بنت عمك عن وضعك الصحي والمادي
وهي تقرار اذ تبي تتقدم له واذ لا عشان تروح فى حالها
اذ تحبك وراضيه فيك توافق عليك

الله يوفقك ويشفيك

طيب خلاص تقدم له وان شاء الله
تتحسن امورك بعد الزواج ربي يفرجها لك
وان شاء الله ابوك وعمك ما يقصور فى زواجك
كثير ناس تحسنة امورهم بعد الزواج

بعدنا انا بنت
الله يوفقك وطلما تحبك وراضية فيك لا تفرط فيها لانها حتى تقدر كل شي

اخطبها وبعدين كل شيء يتسهل

بنت عمك ومنك وفيك . . تعرفك زين وتعرفها زين . . لية التعقيد طال عمرك . . والرزق من الله سبحانه وتعالى . .
ان شاء الله ربنا يفتحها بوجهكم انتم الاثنين . . انت اجتهد في تحسين وضعك المادي وهي كذلك ولاتنسى احفظ الله يحفظك . . وبالتوفيق لكما ومبروك مقدماً . . وأذكرك ايضاً اكيد جماعتك ووالديكم مادامهم اخوان راح يتساعدوا مع بعضهم من اجلكم . . على الأقل اخطبها واضمن مركزك في ارض الملعب

هههههههههههههههه انا محصلت من يحبني والله ان حبتني بنت عمي لاخذها بالشرع ولابدونة

وعليكم السلام ورحمة الله وبركاته

شوف يا صاحبي ودي أنصحك بكذا نصيحة و بعد كذا الموضوع راجع لك إنت
لكن فكر بكل كلمة أقولها لك ok

طبعاً مثل ما نعرف إن الزواج قسمه و نصيب و غلطك إنك تواصلت معها قبل الزواج أو قبل ما تملك عليها و هنا صار خطأ مثل ما تخبر إن هذا ما يجوز و كلنا نعرف هالشيء .. صحيح إنك تحبها و هي تحبك وهذا هو واقعكم الآن صح ولا لأ ؟ شوف الحين إنت كيف حالتك و هي كيف حالتها قلق مستمر و خوف من بكرا و خوف إنها تروح عنك .. لنفرض إنها ماهي من نصيبك !! وش راح تسوي ؟ راح تبكي ؟ ولا راح تضارب اللي تقدم لها ؟ ولا راح تعمل في روحك شيء ؟ فكر يا صاحبي ... أعذرني أخوي تحمل كلامي

إنت جاوبت نفسك بنفسك يا صاحبي و قلت البنت تحبك و إنت تحبها و هي تعرف عنك كل شيء و أختك الواسطه و الواصله بينكم صح ؟
خلاص وش المشكلة ؟ إذا كنت تبغى تعرف أخبارها أعرفها عن طريق أختك المصون و خبرها عن كل شيء و عن كل خطوه و نصيحتي بعد كلم الوالده في البدايه عن الموضوع و إنك تبغى تتزوجها هي بالذات و شوف وش تقول لك الوالده عسى ربي يحفظها لك و بعد كذا لازم الخبر يوصل للوالد الله يكسبك رضاه و بعد كذا عائلة البنت تعرف ...

ولا تنسى الله عز و جل و لا تنسى صلاة الإستخارة يمكن هالبنت ما تكون من نصيبك و ممكن إنت ما تصلح لها و ممكن هي اللي ما تصلح لك ... يا صاحبي الحب غير و الزواج غير
من وجهة نظري الحب ما يجي إلا بعد الزواج لأن كثير اللي حبو قبل الزواج و بعد الزواج مهاوشات و خصام و من ثم الطلاق لكن أسأل الله تعالى إن وضعكم ما يكون كذا عسى ربي يوفقكم و يستر عليكم ... آمين
الله يجعلها من نصيبك و يجعلك الزوج الصالح لها و يجعلها الزوجة الصالحة لك ... آمين

يقول الله تعالى في كتابه الكريم : { وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ }النور32 توكل على الله و تقدم ولا تروح عليك البنت اللي قلبك يرغبها طالما إنك تبغى الستر و تبغى الحلال قال تعالى : { وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ }آل عمران159
و الحمدلله إنك موظف الحين قال صلى الله عليه و سلم : (( ثلاثة حق على الله أن يغنيهم المكاتب الذي يريد الأداء والناكح يريد العفاف والمجاهد في سبيل الله ))
الراوي: أبو هريرة المحدث: ابن العربي - المصدر: عارضة الأحوذي - الصفحة أو الرقم: 3/5
خلاصة حكم المحدث: صحيح
و قدم هنا و هناك و أطلب من والديك يدعون لك عسى الله يكسبك رضاهم و الله عز و جل راح يوفقك إن شاء الله

المهم طالما إنك رجال و تشتغل توكل على الله و تقدم و الله يكتبها لك من نصيبك

ولا تجلس كذا حيران و مشتت الفكر


و الله تعالى أعلم

حبيبي لاتتزوج وانت ماظبطت وضعك الوظيفي

3500 والله ماتسوي لك شي ماتدري انت تستاجر والا تشري لك سياره

صدقني اللحين كل شي غالي
وبعدين الشركه يمكن بكره والا بعده يمسكونك الباب من وين تصرف عليها ؟؟؟


حاول تكمل دراستك او شف لك شي حكومي منا والا منا

بقولك رايي

اخطب بنت عمك وقل لعمك الزواج بعد كم سنه الى ان اضبط وضعي

وبهالوقت حاول تدرس وحاول بشي حكومي صدقني مع الوقت الله بيسر اموووورك

بس يبغالها صبر شوووي

لو تزوجت اللحين صدقني راتبك مايكفيك

وصدقني بالزواج الحب لحاله مايكفي وراك مصاريف مو سهله

وهي بعد تبي تعيش زيها زي بنات جيلها واكيد ماراح ترتاح مهما كانت تحبك اوانت تحبها

مجرد رآي !!!

وبس ...

ماشاء الله ههه

طيب هي فهمنا تبيك أنت طيب تبيها ..!!

تعرف شخصيتها وتعرف كل أطباعها ومقتنع فيها

والأهم لو كنت مقتدر وراتبك 8,000 كنت بتخطبها أو بدور غيرهااا

لا تكون عاطفي لمجرد أنك سمعت أنها تبيك تنجرف وتلغي مشاعرك ...!!

صارح نفسك وأعرف أنت وش تبي بالضبط

ولاتنسى الإستخاره حتى لو تبيها وتبيك ممكن مالكم خيره مع بعض

أدرس الموضوع بعدها قرر

بالتوفيق