بسم الله الرحمن الرحيم
السلام عليكم ورحمة الله وبركاته وبعد
خير الكلام ما قل ودل
يا اخواني انا في حيره من امري والله احس اني بنجن مدري وش اسوي حالتي حاله
بنت عمي تحبني وهي واختي اصحاب المهم لها فتره غايبه ما تتواصل ما اختي فاستغربة المهم واليوم عرفة وش السبب انها في الاجازة الي راحت خطبوها اثنين وكلمو امها والبنت تسمع فقالت البنت انا ما ابيهم وخليهم ينسوني وجلست محتاره انقطعت عن اختي وبعدين علمتها بلي صار وتقول انها خافت تقولنا ومدري وش طبعا اختي علمتني وقالت لي كل شيئ ونا مدري وش اسوي لانو هي تقول انا رفضت لاني ابي اخوك احبه بس خايفه اعلمه واضغط عليه واضايقه
طبعا كلكم رح تقولون ليش يا محبوب ما تتزوجها بصراحه يا اخواني انا عندي اعاقه بسيطه في اذني ما خلتني ادخل العسكريه والحين موظف في شركه براتب 3000الف وبعد شهر ان شاء الله رح يكون 3500 والله اعلم والزواج مسؤليه ونا والله العظيم ونتو ما حلفتوني اني ادور ابي حكوميه بس ما لقيت لانو الحكوميه مستقبل وامان احسن من القطاع الخاص وخصوصن الشركات الصغرى فمدري وش اسوي احترت وربي مني عارف وش اسوي اخاف اتزوج ونا على حالتي هذي وبصراحه احنا حالتنا الماديه شوي صعبه لانو ما عندك شيئ ترتكي عليه غير الراتب ونا عمري 22 سنه الحين تكفون يا اخواني ابي مشورتككم وش اسوي محتار ابي ابكي وربي حطو نفسكم مكاني والله تحتارون والمشكله انو لو راح الرجال يكلمون ابوها وش رح يوقولهم والبنت لو رفضت وش رح يكون سببها ااااااااااه بس لا تخلوني تكفون ابي رايكم والله اني توني عرفة بسالفه وعلى طول ما لقيت الا الله ثم انتم

الله يكون بعونك اخوي...لو كنت مكانك صراحه بخليها تعرف اني موظف فكذا وماقدر عالزواج فالفتره الحاليه حتى تعرف هي وتقرر بنفسها
ومدري صراحة كنت اقولك توكل على الله وتزوج بس ماعرف وضعك كيف يعني فكر بعد الزواج وشقة ومصاريف هل تتحملها او لا؟