كنت مسجل فيه وطرحت مشكلتي من عام ولا احد فادني
بس الحمدلله علي كل حال ..
اللهم لا اسالك رد القضاء و لكن اسالك اللطف فيه


جزاكم الله خير

[align=center]وعليكم السلام ورحمة الله وبركاته

اخوي اعادة الخدمه تتم من مرجعك ومن قائد
ومن قسم الادارة اللي يختص بالتعيين وبالقرارات والجزاءات والفصل
هم اللي يسوون اوراق الاعاد وبعدها ترفع للرياض
الواضح من كلامك انهم مالهم نيه يرجعونك ولا يبون يتعاونون معك
يعلم الله ان ماودي اقولك هالكلام لكن هذا اللي واضح وباين من كلامك وتصرفهم


لكن انا بقولك حلين اخوي
وان شاء الله ان واحد منها يصيب معك

1- تدور وتنشب ورى واحد ابن حلال وفيه الخير وسمعته طيبه ويحب يخدم العالم لوجه الله (يعني قائد او رئيس قسم او حتى لو فرد بس يكون معروف ان له معارف بالرياض او بالاداره العامه التابعه لقطاعك)
(لا تقولي انت والشباب مافيه هاليوم من هالناس لا والله فيه ويساعدون بدون ما يقولون لاحد الا اللي قريب منهم هم اللي يدرون عنهم والبعيدين ما يدرون)

انت اسأل اخوياك القدامى اللي تثق فيهم واسترجع ذاكرتك واعرف من فيه بقطاعك رجال كفو وتعرف انه لو رحتله ما بيردك وبيوقف معك وروحله واشرح له الموضوع بكل صدق ووضوح ويكون معك كل الاثباتات وكل اوراقك الرسميه جاهزه معك عشان اذا قال جيب لي اوراقك وانا بحاول تقوله سم طال عمرك هذي اوراقي ولا تخلي فرصه لتأجيل الموضوع
ولو تروحله البيت ومعك واحد كبير يكون افضل .

2- انك ترسل برقيه فيها شرح لوضعك كامل صح انها بتكلفك شوي بس ما عليه حاول واسعى ياخوي
وبعد البرقيه بأسبوع بالضبط ارسل اوراقك كامله مع معروض تشرح فيه كل شي واهم شي تحط كل شي عندك من اوراق تثبت صحت كلامك وظروفك اذا فيه عشان يتساهلون معك ويقدرون وضعك ارسلها بالبريد الممتاز كلها بـ 50 ريال
اللي بتكلفك البرقيه لان الكلمة بنص ريال لكن حاول ما بتخسر شي اخوي .
والأفضل انك ترسل البريد اول شي لان معه كل الاثباتات وتنتظر اسبوع بالضبط وترسل البرقيه لان البرقيه ما تقدر ترفق معاها شي الا البرقيه فقط يعني مجرد كلام بدون اوراق تثبت وتشرح الوضع .

بتقولي ليه برقيه وبريد !!
بقولك انا ليه
لان لو لا قدر الله ما وصلت او احد حفظها الثانيه تمر وتعدي
لان البريد له قسم اسمه البريد والبرقيات لها قسم خاص اسمه المبرقات
وكل قسم له ختم خاص فيه بتوريد المعاملات

فعشان كذا جرب على الحالتين كلها وان شاء الله اذا ما صبت الاثنين معك
تصيب وحده منهم .

وانا من رأيي لو تشوف الحل الاول افضل واريح لك لان دايم اذا فيه مشكله او شي
حاول تحلها من تحت لتحت قبل توصل للكبار . وهالنظام معروف بالعسكريه .



الله ييسر لك امورك ويسخر لك عبااده وان شاء الله ترجع لوظيفتك باقرب وقت ياااارب

[/align]

اخوي لازم تطلع رد اعتبار عشان تقدم على الاعاده اذا كان مذكور عن قضيتك في الملف حقك الي عندهم .. وعسى ربي يفك عوقك ويسهل لك دربك

واللي يقولك من تم فصلي كل اخوياي سحبو علي
وانا من وقتها وانا الف وادور ابن الحلال وعجزت اوصل له
لقيت واحد وعطاني امل وصلني للسما وبالاخير جاني يقول اسف ما اقدر اساعدك
حاولت بكل الطرق .. كل اللي ابيه القي احد بالرياض اجيه و يساعدني انا بسوي كل شي بس هو يساعدني ابدء
يدلني علي احد. اكلمه واشرح له القصة كامله

هلا اخوي و الله ما يفيدك إلا الله ثم الصلاة و الدعاء و الاستغفار و تذكر حديث ابي هريرة عن النبي صلى الله علية وسلم قال : (من لزم الاستغفار جعل الله له من كل هم فرجا، و من كل ضيق مخرجا، ورزقه من حيث لا يحتسب)

اللهم يا ودود ! يا ذا العرش المجيد ! يا فعَّال لما يريد ! أسألك بعزك الذي لا يرام ، وملكك الذي لا يضام ، وبنورك الذي ملأ أركان عرشك ان يفرجها الله في و جهك اللهم امين يارب العالمين الصبر ثم الصبر ثم الصبر الصبر مفتاح الفرج و اهم شيء دعاء الوالدين الله يارب العالمين يافتحها في وجهك اللهم امين يا كريم

شف وانا اخوك ارسالها برقية بالبريد الممتاز
ولا عن طريق هذاي رابطة http://www.stc.com.sa/cws/portal/ar/...clserv-tele969
والله سبحانه وتعالى يفرج همك ان شاء الله

الله يسر اموورك ويفرج همك ويرجعك لوظيفتك