يا شباب انا اتفقت مع عامل مصري اجيب فواكة من مصر لكن نفسي اعرف كيف الطريقة من ترخيص وطريقة ادخال البضاعه من الجمارك واهم شي طريقة الضمان البنكي تكفون افيدوني قبل لا اتورط
واسأل الله العلي العظيم ان يرزقنا من واسع فضله

وش معنى من مصر ؟

يعني فيه نقص مزارع بالسعوديه ..؟

ماعندي فكره اخووي
ان شاء الله يجي من يفيدك

تحياتي لكك

خليني اجاوبك على بعض استفساراتك :

المطلوب منك :

مؤسسة بسجل تجاري ... يكون نشاطها خدمات تجاريه وينص السجل على الاستيراد والتصدير .. ونوعية الاشياء المستورده ...

بمعنى : ان ينص سجلك التجاري على استيراد الخضار والفواكه ...

تحتاج ايضا لترخيص البلدية والدفاع المدني للمكتب وكذلك اشتراك الغرفة التجاريه .

هذا بالنسبة لك انت ....

المطلوب من المصدر في مصر :

المصدر في مصر يحتاج الي تراخيص لاي بضاعه يقوم بتصديرها ... وهذه مسئوليته هو وليست مسئوليتك انت

يحتاج الي شهادات مصدقة من وزارة التجارة وكذلك السفارة السعوديه ...

وصول البضاعه للسعودية :

البضاعه تصل مباشرة للجمارك ولا تحتاج الي ادخالها للجمارك ... فالبضاعه تنزل مباشرة لساحات الجمارك

هنا تحتاج الي :

مخلص جمركي .. لديه تفويض منك مصدق من الغرفة التجارية تفوضه بتخليص البضاعه من الجمارك وسداد الرسوم ..

انصحك بالتعامل مع المخلصين الموجودين داخل ساحات الجمارك ...

المخلصين نوعين : نوع هم شباب بدون مكاتب وهذولا موجودين دائما في ساحات الجمارك

النوع الثاني : هم مكاتب خارج الجمارك ولهم مندوبين ومخلصين وهالنوع بصراحه مزعجين ومتعبين ويأخرون الشغل ...

نصيحتي اتفق مع اي مخلص موجود داخل الجمارك مباشرة ( الشباب بدون مكاتب ) سريعين ومعارفهم جيدة داخل الجمارك ...

قد تحتاج الي كشف مخبري على بضاعتك ... وقد لا تحتاج وانما تمر البضاعه من خلال كشف الاشعه فقط ..

عادة الفواكة والخضار تأتي بالطائرة نظرا لسرعة تلفها .. وهنا خذ حسابك فـ الشحن الجوي اغلى بكثير من الشحن البحري ...

ايضا تحتاح الي الفاتورة الاصلية للبضاعه وكذلك شهادة منشأ ... وهذه يزودك بها المصدر

ايضا انا شخصيا افضل تواجدك بالجمارك لحظة تخليص الشحنه ..

لان موظفي الجمارك هناك والعمال ماعندهم مشكله يرموا بضاعتك ويكسروا الصناديق وتجي وتلاقيها منثورة بالارض

وهذا الشي شفته بعيني بجمارك مطار الملك عبدالعزيز ... ما يمديك تمسك طماطه وحده والا الثانيه وراها ...

نروح للــ الضمان البنكي :

الحقيقة هو اعتماد بنكي وليس ضمان بنكي ...

فالاعتماد مخصص للاستيراد ..

الاعتماد البنكي هو خدمه يقدمها البنك بمقابل .. من اجل حفظ حقوقك انت وحقوق المصدر ...

باختصار وبشرح مبسط جدا :

هو تفويض منك للبنك بأن يقوم بدفع قيمة البضاعه للمصدر في حال استلمت بضاعتك كماهي وكما طلبت ..

نشرحها ...

تروح البنك وتطلب منهم فتح اعتماد بنكي .... راح يطلبوا منك فاتورة مصدقه من السفارة السعودية ..

هنا البنك راح يحجز عليك قيمة البضاعه حسب ماهو مدون بالفاتورة ... ويبلغ المصدر ان قيمة البضاعه تم حجزها لدى البنك ...

طبعا هذا راح يتم بشكل رسمي بين البنك والمصدر او ( بنك التاجر في مصر ) .. ويطلب البنك من المصدر ارسال الشحنه مع تعهده بسداد القيمة ...

اذن الان البنك هو من تعهد بدفع المبلغ للمصدر وليس انت ....

بعد كذا يقوم المصدر بأرسال الشحنه كامله .. ولما توصل راح يبلغك البنك بوصول الشحنه ويطلب منك استلامها

انت تروح وتستلم بضاعتك وتشيك عليها كامله .. واذا كانت اوكي حسب مواصفاتك وحسب طلبك تبلغ البنك بسداد المبلغ

البنك راح يطلب منك التوقيع بالاستلام والموافقه على الدفع ... وبعدها يدفع المبلغ للمصدر ...

ميزة الاعتماد البنكي هو حفظ حقوقك من السرقة ... يعني مافي فلوس للمصدر الا بعد ما تستلم بضاعتك

لكن هالخدمه عليها رسوم من البنك ... وتختلف هالرسوم من بنك لاخر ومن عميل لاخر ...

لكن لازم تتفق مع مصدر البضاعه هل يقبل اعتماد بنكي ام لا .. لان البعض يطلب فلوسه تحويل عادي

اتمنى ان اكون افدتك ...

دمت بود ،،،،

الاخ تسويقار

والله العظيم يعجز اللسان عن شكرك

والله انك رجل نشمي يارب يجعلها في ميزان حسناتك واشكر الادارة على منحك الوسام وانت تستاهل كل خير

ربنا يحفظك ويرزقك من خيراته ولا يحرمنا من وجودك